استفسار من اصحاب الخبرة فى الm11

[stariieg]

السلام عليكم يا شباب
بجد كل يوم الواحد بيتعلق بالمنتدى دا اكتر و اكتر
كل حاجة الواحد بيدور عليها فى عربيتو ها يلقيها فى المنتدى دا ..... فى شباب زى الفل يتمنى يخدمو لوجه الله

المهم يا شباب مش عاوز اطول عليكم

انا معايا هيونداى اكسيل و توكلت على الله و ناوى ابيعها و ادفع ثمنها مقدم و اجيب حاجة زيرو
بعد لف و دوران استقريت على اختيار بين ثلاثة ( لانوس - m11 - a516)

و نوعاً ما دلوقتى برجح الm11 بس المشكلة ناس كتير بتشتكى من العفشة (الكلام دا من المتندى)
هى المميزات بتاعتها كتير جداً
ممكن حد للامانة يدينى الجواب النهائى فى الm11 , و هل قرارى دا كان صح و لا اغير القرار
و على فكرة انا مش من الناس المترددين يعنى بأذن الله اذا عزمت فتوكل
و ليا استفسار عن الدركسيون هل كل اللى نزل مصر بالشكل العادى و لا نزل منها مالتى ميديا

شكراً شباب و فى انتظار ردودكم

[aftr]

بسم الله ماشاء الله 85000 الف كيلو داخله على 3 سنوات ثبات صاج ممتاز معظعم قع الغيار بره التوكيل اتوكل على الله استخير ربنا

[stariieg]

بسم الله ماشاء الله 85000 الف كيلو داخله على 3 سنوات ثبات صاج ممتاز معظعم قع الغيار بره التوكيل اتوكل على الله استخير ربنا

ربنا يباركلك فيها

بس هل موضوع الطارة المالتى ميديا دا موجود فى مصر و لا لاء
و الف شكر ليك يا باشا

[aftr]

موجود بس بره وتم تعديل شكل التابلوه [url=http://wroom.ru/cars/chery/m11]Chery M11 -

[khaled_Saga]

نبدأ بالاختيار بين ال 3 موديلات اللى حضرتك قولت عليهم .. لو اسبرنزا مع اسبرنزا يبقى الام 11 تكسب ال 516 طبعا لفرق الشكل والنمط والارتفاع عن الارض والوزن اللى بيديها ثبات اعلى على الطريق .. يبقى المقارنة تنحصر بين ام 11 مع لانوس وانا جربت الاتنين وبكل امانة الام 11 احسن فى كل حاجة كأداء وفخامة واوبشنز وعلو عن الارض وثبات على السرعات وهكذا ولكن اللانوس تكسب فى الاعتمادية بمعنى رخص وتوافر قطع الغيار وامكانية صيانتها فى اماكن متعددة (اى ميكانيكى وكهربائى بيفهم فيها) .. وعموما اى عربية زيرو بعد فترة من الاستهلاك لابد من انها تبتدى تفتح بوؤها وتبتدى تجرى بيها كل شوية على صنايعى وده طبيعى لان العربية ماهى اللى عبارة عن مجموعة من القطع المستهلكة اللى ليها عمر لابد يخلص بعد فترة.

انا معايا موديل 2011 واسمع بكثرة ان مشاكل العفشة تم حلها فى موديل 2012 واعتقد فيه اكتر من عضو اشتروا موديل 2012 وبدأوا يعملوا تقارير عن العربية فى المنتدى وملاحظ ان محدش فعلا بيشتكى من العفشة
العربية بسم الله ماشاء الله ادائها ممتاز مقارنة بسعرها .. ممكن تحصل بعض المشاكل البسيطة اللى بيتم حلها فى التوكيل بسهولة باذن الله .. لكن عمرها ما وقفت ولا عطلت ولا كسفتنى ابدا بسم الله ماشاء الله بعد 18000 كم (سنة ونص استخدام) .. خلال الفترة دى غيرت بلي بطاحات على الضمان وكنترول اى بى اس على الضمان (برغم ان انا شايف ان مكنش فيه مشكلة فى الفرامل بس هم اللى قالوا كده هم حرين) وغيرت قربة مية على الضمان لانها كانت شرخت بسيط وكانت بترشح مية على بسيط ومستنى اغير ماستر دبرياج علوى على الضمان السبت الجاى باذن الله (بيرشح زيت على خفيف ولكن مش مؤذى ولا مضر لكن لزيادة الاطمئنان ومادام من حقى اخده) وغيرت دراع تانك البنزين على حسابى لانى انا اللى كسرته .. طبعا انت هتتخض اول ما تشوف انى مغير ده كله فى سنة ونص بس احب اطمنك ان دى حالات فردية مش كل اللى بيجيبها بيغير حاجات كتيرة فى فترة قصيرة لان دى بترجع للحظ وطبيعة الاستخدام والقضاء والقدر بقى ده غير ان كل الحاجات اللى اتغيرت الحمد لله موقفتش العربية عن الاستخدام ومكنش فيه خطر من المشى بيها على حالتها باستثناء قربة المية اللى كانت لازم تتغير علاطول منعا للخطر.
يعيب العربية التوكيل .. المعاملة هناك بحالات ساعات كويسين وساعات وحشين ساعات تحسهم بيفهموا وساعات تحسهم مبيفهموش ده غير عدم توافر قطع الغيار ودايما كنت بستنى فترة لحد ما القطع تتوفر ويتم تغييرها.

لكن فى المجمل العربية فخامة وثبات وفرامل واداء جيد جدا مقارنة بالسعر وانا لحد دلوقتى مش ندمان على القرار. استخر ربنا وشوف انت هتبقى مطمن لايه وربنا يوفقك للاختيار السليم ( واشترى اللى قلبك يكون مرتاح له اكتر).

[ashrafmahmoud93]

m11 2012 ماشاء الله تمام بقالها 4 شهور ربنا يبارك فيها انا لسه ف الاول فطبيعى مفيش حاجة بس اللى لحظتة صوت تزيق بسيط من العفشة لما بنزل ف حفرة ع سرعه عالية واكون محمل ناس ورا لكن فالطبيعى مفيش لاتزيق ولا حاجة وانا ركبت الالنترا بس الشكل القديم اعلى فئة اوتامتيك بجد الفرق الوحيد الاتو بس لكن نعومة وكل حاجة زى بعض مع فارق السعر الكبير وركبت برضة اوبترا مانيوال وتخيل الفتيس كان بيسقط النقلة ع الغيار التانى اهم غيار فعادى يعنى وشوف الاوبترا بكام وعيب خطير زى دا يعنى من الاخر العربية حلوة انا كنت محتار بينها وبين الافيو بس جبت m11 عشان الافيو كانت غالية شويه وسمعت فيها مشاكل كمان لكن 516 واللانوس اكيد ام 11 افضل
ياريت اكون افدتك اسف ع الاطالة

[katoba]

توكل على الله وهات الm11 معايا بقالها سنه وبسم الله ماشاء الله صاج محمل وعلو عن الارض وثبات واوبشنز عالى وراحة فى السواقة والقعدة ولكن يعيبها الصالون الخلفى مش واسع زى ال516 وقطع غيارها مش متوفرة بردة زيها ولا زى اللانوس

[stariieg]

الف شكر ليكم كلكم يا شباب
بجد الواحد مش عارف يشكركم ازاى

انا بأذن الله بعد الاستخارة و النية سأتوكل على الله و اجيب الm11
و ربنا يوفق الجميع يارب

[osha_ahmed]

ان شاء الله ربنا يكرمك ..زبس استنى الشهر ده وهات الموديل 2103 بالمرة

[the lawyer]

انا محتار زي صاحب الموضوع بالظبط انا مأجل قرار شراء السيارة لحد ما استقر على حاجة معينة ، انا حالياً بفاضل بين اللوجان و m11 ، صراحة m11 شكلها تحفة واوبشنز جامدة بس مش غريبة انه مع الكماليات دي كلها تبقى بالسعر القليل دا .
لو حد معاه موديل 2012 ياريت يكلمني بجدعن عيوبها قبل مميزاتها ، علماً بأني عايز عربية تستحمل المطبات والحفر انا سفري كتير جداً بلف مصر كلها تقريبا بعمل في الشهر متوسط 4000 ك .
ياريت حد يدلني اختار ايه ، وخصوصا اني ملاحظ انتشار اللوجان اكتر من m11

[huss2000]

بالنسبة للوجان معرفش عنها حاجه فاسئل في الجزء الخاص بالعربية الرينو اما الأم 11 فاكبر مميزاتها الثبات العالي على الطريق ... يعني 160 دي عادي جدا وانت مسافر

[khaled_Saga]

بالنسبة للوجان معرفش عنها حاجه فاسئل في الجزء الخاص بالعربية الرينو اما الأم 11 فاكبر مميزاتها الثبات العالي على الطريق ... يعني 160 دي عادي جدا وانت مسافر

كلام سليم 100%

[may_moon911]

ام 11 جيبتها من 8-8-2012 يعني موديل 2012 العيب كان ف تقفيل الكبوت فقط و عملوه ف صيانه الالف من اسبوع .. العربيه بجد تحفه حاجة كدا فخامه ما شاء الله
1- احسن شكلا
2- موتور قوي و قولو يسحب هتلاقي العربيه بتطير
3- صاجها محمل فعلا بجد و لاحظ دا ف الكبوت حتي تلاقيه تقيل جدا
4- ثبات ايه حلاوه ولا اجدعها عربيه احسن من الابترا كمان من رايي و اكيد هايبقي احسن من اللوجات و اللانوس و الافيو مع احترامي ليهم
نقول حبه عيوب
1- مش واسعه اوي من ورا بس معقوله
2- التوكيل بحالات فعلا يعني ممكن انا احس انهم بيفهمو و حد تاني يقول لا ما بيفهموش
3- قطع الغيار ف التوكيل مش متوفره اوي بس دلوقتي بره التوكيل القطع انتشرت و اسال ف ش دمشق ف اخرو قبل البنزينه
دي موديل 2012 و ما فيش مشاكل ف اي حاجة غير دبه خفيفه كانت من ورا لو اخدت مطب بسرعه شويه بس قولتلهم ف صيانه الالف و حلو الحكايه دي و ما ظهرتش تاني خالص
استخير ربنا و قرر و ربنا يكرمك بالعربيه اللي هتجيبها مهما كانت