Tweet
انا معايا ماتريكس بس زهقت منها يا جماعه وبفكر ابعها واجيب اسبرانزا 516 زيرو الفاضيه الي ب 65000 ايه رايكو في القرار ده صح ولا اخليني فعربيتي احسن خصوصا اني خايف من الصيني كل الناس تقولي بعت كوري وجبت صيني افيدوني بامانه ارجوكم
-
-
عربيتك احسن بكتيييييييييييييييييير اوعى تروح للصينى زود وهات حاجه النترا استعمال نضيف افضلك -
خليك في عربيتك و فكك من الصينيComment
-
بس يا باشا الناس كلهم بيشكرو في ال 516 دي وبيقولو ان الصيني بقي زي الكوريComment
-
طيب لو حبيت اجيب نيسان صني في حدود 62000 اوتو ممكن الاقي ؟Comment
-
يالطيب حد يبيع ماتريكس ويجيب صينى حرام عليك
بيع الماتريكس واركب النترا او اركب بروتون او اركب لانسر
الصينى فاااااااااااااااااشل لو ببلاش مش تركبهComment
-
حراااااااااااااااااااااااااااااااام عليك
ليه كدة زى ما الاخوة اقتراحوا عليك
خليك فى الالنترا استعمال نظيف او لانسر بردوا استعمال نظيفComment
-
اصل انا فكرت في الصيني عشان هيا هتبقي زيرو فا مضمونه عن اي حاجه كوري مستعمله ماشي متشكر ليكو يا جماعهComment
-
الحلو ان كل اللي ردو عالموضوع مركبوش الصيني!!!!!!!!!!!!
ونعم الفتوى...don't judge a car unless you have driven it
hm414 سابقاComment
-
انا راكب صينى من اكتر من 5 سنوات وزى الفل الحمد لله .... وجبتها زبرو:36_2_55[1]:Comment
-
هههههههههه والله معاك حق .. انا اتعمدت اقرأ كل الردود وللأسف لاحظت ان كل اللى رد قبل حضرتك شتم فى الصينى وخوف الراجل منه وتبص تلاقى كلهم عربيات مش صينى يعنى واضح انه كله كلام تطفيش من غير تجربة.المشاركة الأصلية كتبت بواسطة hm414 مشاهدة المشاركة
اللى ضحكنى اكتر الاخ اللى رد وقال اركب النترا او بروتون او ميتسوبيشى (يعنى كورى او ماليزى او يابانى) ماشاء الله جاب كل البلدان والمهم صينى لأ وبس
ياجماعة الرد الموضوعى يكون كالاتى مع احترامى لجميع اللى شتموا فى الصينى:
" انا معايا ام 11 بقالها سنة ونص عامله 18400 كم .. كعربية جيدة جدا فى حدود فئتها السعرية مليانة مميزات ولكن يعيبها التوكيل (ابو الفتوح) والعفشة اللى كل شوية عايزة تربيط وتشحيم ولكن اسمع ان تم حل مشاكل العفشة فى موديلات 2012.
بالنسبة لماتريكس او 516 فاللى اقدر اقولو ان دى نمط ودى نمط والاختيار بيرجع لطبيعة استخدام حضرتك.
ماخاب من قال لا اعرف .. انا مركبتش لا ماتريكس ولا 516 (ماسوقتش) عشان اقدر احكم مين فيهم افضل.
واضح من كلام حضرتك ان الماتريكس تعباك اوى وده اللى خلاك تفكر تجيب اسبرنزا زيرو .. فحضرتك تسأل اصحاب ال 516 اللى جربوها وتعرف منهم الكلام الاكيد"
اتمنى من كل الاخوة اللى شتموا فى الصينى لله فى لله ياخدوا بالهم ان الراجل مضايق من الماتريكس حسب كلامه واتمنى ان الردود تكون اكتر موضوعية.
تحياتى واحترامى للجميعComment
-
هاقول ايه
لا اله الا الله
شوف حضرتك كل اللي افتوك مع احترامي ليهم
ولا يعرفوا اي حاجه عن الاسبرانزا علي الخصوص
وفي منهم اللي مامعهوش عربيه من الاساس
اي كلام في اي كلام
الماتريكس كعربيه كويسه معقوله اي حد يشتغل فيها قطع غيار استيراد
سعرها فيها ومطلوبه
لكن
الاسبرانزا 516 تتفوق عليها في وجهه نظري في حاجات كتير
اصالون اوسع بكتير
ثبات اعلي
كماليات اكتر
شاسيه وبودي خارجي محترم 1300 كيلو
شكل افضل وجهات نظر
هاتكون زيرو وهنا الافضليه
بكل امانه من شخص يمتلك 516 من اكتر من 4 سنين وعامل 102000
ال516 عربيه محترمه وافضل من الماتريكس
لاني ركبتها كتير
عربيه شبهه المكواه
مافيهاش اي مميزات غير العلامه الكوريه
بودي ضعيف جدا
ثبات في الضياع
للعلم كانت الماتريكس موجوده وانا باشتري ال 516 لكني فضلتها عليها
ولولا اختلاف الاذواق لبارت السلع[SIGPIC][/SIGPIC] ياتقول كلام في محله يا تقول حلو ياحلو
[url]/photos/a.879931698703941.1073741827.879900435373734/879931905370587/?type=1[/url]Comment
-
حاجة مستفزة والله ماله الصينى مش عارف انا بقيت بضدايق اوى من الموضوع دا
دا غبور اخد توكيل جيلى هل غبور عبيط عشان يعمل كدا الا اذا كان كتاكد انها عربية حلوة وشركات محترمة انا ارى انا الاسبرانزا خلال سنتين تلاتة هتتفوق ف مصر على مبيعات الهيونداى وبكرة افكركم عربيات تمام وحلوة جدا انا معايا ام 11 بجد زيها زى الالنترا والاوبترا ورايى احسن من الاوبترا ف الصالون والسواقة بس هنقول ايه بقة وبعدين اللى بيقول نسيان صنى دا عربية شكلها متخلف وغبى ومجبهاش ولو ب 50 الف مفيش اى تصميم خالص
معلش انا كتبت كلام جامد بس بجد حاجة تعصب و تحرق الدم محسسنى ان العربيات التانية دى بى ام او مرسيدس حاجة تغيييييييييييييييييييييييييييييييييييييييييييييييي ييييييييييييييييظComment
-
روق دمك ياباشاالمشاركة الأصلية كتبت بواسطة ashrafmahmoud93 مشاهدة المشاركة
الحكايه مش مستاهله
وبعدين هو غبور بس اللي اخد توكيل جيلي
ما البافاريه بجلاله قدرها وكيل بي ام
واخده وكاله بريليانس
هي بريليانس دي مش صيني ولا الماني
والله العظيم ياخي انا باشوف عربيا ت ياباني مش كوري عامله حوادث ومتخرشمه من خبطات لاتذكر
وكله بلاستيك في بلاستيك
اصلها ياباني
المشكله انك تدخل الاقسام حتي مش الكوري ا
الياباني والاوروبي اللي طالعين بيه السماء
عربيات زيرو يامؤمن
اللي عالمه 20000 واللي عامله 40000 وحتي اللي وصل 80000
وكلها مليانه مشاكل تخلي صاحبها يبيع اللي وراه واللي قدامه
اشي عفشه علي فتيس
علي مشاكل الات جر
وفي الاخر تلاقي الكلمه المستفزه اصلها ياباني
لا ياعم دي اوروبي
طب ادفع ياعم[SIGPIC][/SIGPIC] ياتقول كلام في محله يا تقول حلو ياحلو
[url]/photos/a.879931698703941.1073741827.879900435373734/879931905370587/?type=1[/url]Comment
-
يا باشا اتوكل على الله وهات اسبيرانزا ...a516 عربية ماشاء الله ملهاش حل
هاتك يا هبد ورزع وجري لحد 170 وماشاء الله
( كنت بجري ورا مرسيدس عيون على طريق الفيوم .. علشان المرسيدس كان راكب معاه الشيخ محمد حسين يعقوب وكنت عايز اتاكد ... والعبد لله جاب المرسيدس واتاكد ان الشيخ هو اللي راكب .. وبعد كده ما شفتش المرسيدس تاني ) ..... ولما يحصل فيه عطل تلاقيه بيتصلح ب 50 ج لحد 150 ج ....
بس نصيحة لما تجبها باذن الله ماتخليش اي ميكانيكي يفتي في العربية ... علشان هتلقيه بيصلح حاجة والمشكلة في حاجة تانية ... هي ناس تبقى تروحلها وما تلفش كتير
لكن بكل امانه ..... انا اكتر حاجة عجباني في العربية دي .... انك مهما دمرت فيها بردو تصليحها رخيص وتعرف ترجعها زي الاول تاني باذن اللهComment
Comment