المشكله فين هتجنن ؟ يمكن مش بعرف اسوق صينى !!

[jant]

اللى بيحصل ده كتير على فكره . بأختصار العربيه 516 ls
العربيه سواء سخنه أو بارده بتنتش تنتيش غير طبيعى على الاول والثانى ؟
قمت بتغيير البوجيهات وتغيير فلتر البنزين والهواء من حوالى اسبوعين فى صيانة ال 20000
صوت نعره (العربيه بتنعر) عند النقل فوق rpm 3
بالاضافه الى أن العربيه بتكلبش وتعض لما اسيب دواسة البنزين على الاول
كل ده عرضته على المهندس محمد هاشم فرع ابو رواش ولم يلتفت له ساكن
يا ريت اللى عنده اى رد أو عانى من مشكله مماثله يفيدنى بخبرته
وجزاكم الله خيــــــــرا

[hugan]

اظن الموضوع له علاقه بالدبرياج
اسطوانه وديسك

[elpasha1]

نظف البوابة

[jant]

وأزاى دى أوصلها للتوكيل علشان يغيروها على الضمان . ؟؟
عروستـــــــــى

[akmm]

متابع ......

[katoba]

الموضوع فعلا شكله اسطوانه دبرياش وديسك لانه حصل مع زميلى

[jant]

الموضوع فعلا شكله اسطوانه دبرياش وديسك لانه حصل مع زميلى

تنتيش برضوا والبهدله دى ؟
المشكله ان العربيه لما بتروح التوكيل مبتعملش حاجه
انا مش عارف الحل ايه؟

[hugan]

شوف كهربائي كويس الاول
انا عندي كهربائي شغال في التوكيل وعنده جهاز
لو عايز اديلك عنوانه جرب الاول
وشوف ها يقولك ايه ممكن يكون في حاجه في حساس وعامل المشاكل دي

[khaled_Saga]

جربت تبص على حساس الدبرياج (رجلاش الدبرياج)؟
هتلاقيه تحت دواسه الدبرياج علاطول عبارة عن صباع لو دوست عليه يدخل ويرجع تانى زى السوستة كده .. كل المطلوب انك هتنزل تحت عند الدواسة تضغط على دواسة الدبرياج بايدك للاخر وبايدك التانية تشد الصباع لتحت (ناحية الدواسة) وشد متخفش لحد ماتسمع صوت تكه وبعدها تسيب الدواسة لحد ما تلتقى بالصباع ده وكده يبقى الرجلاش اتظبط.
جرب وقولى لان التنتيش حصل معايا من فترة كده وهم عملوا الحكاية دى فى التوكيل واتظبطت الحمد لله (بس مكنش تنتيش شديد زى مابتقول ومفيش كلبشة).

جرب وقولى النتيجة

[jant]

جربت تبص على حساس الدبرياج (رجلاش الدبرياج)؟
هتلاقيه تحت دواسه الدبرياج علاطول عبارة عن صباع لو دوست عليه يدخل ويرجع تانى زى السوستة كده .. كل المطلوب انك هتنزل تحت عند الدواسة تضغط على دواسة الدبرياج بايدك للاخر وبايدك التانية تشد الصباع لتحت (ناحية الدواسة) وشد متخفش لحد ماتسمع صوت تكه وبعدها تسيب الدواسة لحد ما تلتقى بالصباع ده وكده يبقى الرجلاش اتظبط.
جرب وقولى لان التنتيش حصل معايا من فترة كده وهم عملوا الحكاية دى فى التوكيل واتظبطت الحمد لله (بس مكنش تنتيش شديد زى مابتقول ومفيش كلبشة).

جرب وقولى النتيجة

هجرب كوضوع رجلاش الدبرياج ده الاول وبعديها اشوف موضوع الكهربائى ده يا استاذ هوجن
مشكوريييييييييين بس يا رب الاقيه اصلى دورت عليه قبل كده ومالقيتوش
الله المستعان هجرب واقوللكم

[BESO516]

بص ياباشا عشان محدش يفتى فى العربيه وخلاص انا كان عندى مشكله زى دى بالظبط من اسبوعين وعملتها الحمدلله فى مركز المتحده والعربيه عامله 20 الف كيلو والمشكله اللى عندك دى حاجه من الأتنين :

1- حساس كامه ( وده كان بنتش عندى العربيه جامد وغيرته فى المتحده ورجعت زيرو الحمد لله )
2- مجموعه الدبرياج ديسك واسطوانه

قأحسن واسلم واسرع حل تطلع على المتحده تفهم فى ايه وبعد كده على التوكيل عدل على الأقل تبقى عارف الدنيا ماشيه ازاى وتقدر تقول العيب فى كذا

[jant]

لقد قمت اليوم بتجربة صباع الرجلاش كان فعلا محتاج التكه دى بس مفيش أى تغيير فى التنتيش مستمر والفتيس احيانا لما بنقا من التانى للتالت بينطر منى (مش بيكمل) النقله
هل فى ميكانيكى كويس وقريب اقدر اروحله يفيدنى افادكم الله ؟

[jant]

شوف كهربائي كويس الاول
انا عندي كهربائي شغال في التوكيل وعنده جهاز
لو عايز اديلك عنوانه جرب الاول
وشوف ها يقولك ايه ممكن يكون في حاجه في حساس وعامل المشاكل دي

فين الكهربائى ده يا استاذ هوجن
وكان فى صوت قلتلك عليه زى خبط أو دربكه فى الناحيه الشمال لما بلف شمال
روحت التوكيل وجربت معملتش حاجه لما رجعت تحت البيت ظبطت ظغط الهواء على 30 رجع الصوت تانى يا ترى ده يبقى ايه اللى ليه علاقه بضغط الهواء ؟؟
وماتنسانيش فى عنوان الكهربائى اللى عنده الجهاز

[hugan]

فين الكهربائى ده يا استاذ هوجن
وكان فى صوت قلتلك عليه زى خبط أو دربكه فى الناحيه الشمال لما بلف شمال
روحت التوكيل وجربت معملتش حاجه لما رجعت تحت البيت ظبطت ظغط الهواء على 30 رجع الصوت تانى يا ترى ده يبقى ايه اللى ليه علاقه بضغط الهواء ؟؟
وماتنسانيش فى عنوان الكهربائى اللى عنده الجهاز

تطلع كوبري الساحل وانت جاي من المظلات شبرا
تنزل نزله الكيت كات شمال
اول ماتنزل تلاقي علي ايدك اليمين معهد السمع والكلام
بعديه بحاجات بسيطه دخله شارع طلعت حرب في امبابه هاتلاقي كل العربيات الميكروباص والتكاتك داخله يمين
تدخل يمين
هاتلاقي محل البرنس بتاع الاكل مشهور قوي
تعديه وتكمل
بعد يه بحوالي 500 متر تسال علي مدرسه مدينه العمال
توصل عند المدرسه تسال علي اسماعيل الكهربائي
لكن لازم تروح له بعد 7 مساء علي مايكون خلص شغل في التوكيل او يوم جمعه
للامانه كهربائي اكتر من ممتاز
والميزه انه حافظ العربيه وكهربتها
ومش بتاع اشتغالات
خير ان شاء الله
وتابع وقولي ايه الاخبار