موتور كريستالة للاسبيرانزا 516 رجاء من الخبراء الدخول

[firefox]

السلام عليكم يا جماعة

انا حصلتلى مشكلة كبيرة جداً المهم انتهت على ان انا اغير الموتور لسبب بسيط جدا

البييل كسر الموتور وخرج(موتور خشب)

فـ انا فى 3 اختيارات من مواتير الميتسوبيشى

بومة 1600 اوتوماتيك او مانيوال

كريستالة 1800 اوتوماتيك او مانيوال

ايفو 2000 اوتوماتيك او مانيوال

والفروق بسيطة سعرياً

وانا مش عارف الناس بتقولى الكريستالة ال 1800

وبما ان امركم شورى بينكم برجاء المساعدة ما هو افضل اختياروالاكثر ملائمة للسيارة

[hugan]

بومه 1600
مانيوال
الاختيار الثاني بومه 1600 اوتو
في شخص انا شفته بنفسي عند الميكانيكي كان مسقط كريستاله 1500 2 كامه
لكن احساسي انه هايكون ضعيف علي العربيه
وجهه نظري ان الاختيار يرجع علي توافر قطع الغيار جديد او استيراد
اظن ان اكثرهم توافر هو موتور البومه 1600
معلش ممكن توضيح
يعني ايه البيل كسر الموتور وخرج
يعني ايه موتور خشب

[amr_8800]

معلش ممكن توضيح
يعني ايه البيل كسر الموتور وخرج
يعني ايه موتور خشب

انا كمان عايز اعرف يعني ايه ؟؟؟؟

[HeMa_LanCeR]

عادي جدا ان البي ال يكسر
ويدغدغ الموتور كمان مش يكسرة
قوة البي ال لا يستهان بها
انا عندي في الجامبو مره كسر
ضرب 3 مرات في البلوك خلاة برادة حديد :)

[M.Elgergawy]

الافضل من حيث القوة وقطع الغيار ومتوفرة بكثرة وهو ال 1500 2 كامة بتاع الكريستالة
موتور بقوة 124 حصان ولا يقارن بال 1600 البومة

[bmya]

اعتقد البومه افضل من حيث توافره وقطع غياره وصيانته
لكن ناوي على جري وك\ده يبقى مممكن مايفيك بقه 1600 2400 كده يعني

[AbO MosTaFa]

الافضل من حيث القوة وقطع الغيار ومتوفرة بكثرة وهو ال 1500 2 كامة بتاع الكريستالة
موتور بقوة 124 حصان ولا يقارن بال 1600 البومة

+++++++1

والاسبرانزا اصلا عربية مش تقيلة فالموتور ده هاظبطها اوي

[elpasha1]

كنت مرة راكب مع سواق تاكس اسبيرانزا 516
كان مغير الموتور والفتيس بموتور متسوبيشى جالنت وفتيس اوتوماتيك

[kimocyc]

سيدي الفاضل..

معروف ان البييل لما بيكسر الموتور وبيخرج براها بيكون سببها عدم الاهتمام بالمياة (نقصت بشدة ومشيت من غير مياه)..

قياريت تقولنا ايه اللي حصل بالضبط..

[hugan]

يا خونا
عايز اعرف ايه هو البيل
وايه اللي يخليه يكسر ويكون ليه القوه التدميريه الهائله
اللي تفرتك الموتور بالشكل ده

[HeMa_LanCeR]

البي ال ده الدراع اللي ماسك البستم
يعني رأس البستم فوق
ماسكة في الدراع ده (البي ال)
والبي ال ماسك في الكرنك

[hugan]

البي ال ده الدراع اللي ماسك البستم
يعني رأس البستم فوق
ماسكة في الدراع ده (البي ال)
والبي ال ماسك في الكرنك

امممممممم
طب ايه اللي يخليه يتكسر
سوء استخدام
او اقرص علي الموتور
او زيت او مياه
او نوعيه الخامه المتصنع منها

[bmya]

وانا كمان والله مش عارف ايه البيل المدمر ده :)

[HeMa_LanCeR]

من اكبر الاسباب لكسر البي ال هو نقص الزيت
وده احيانا بيحصل لو طرمبة الزيت وقفت
او منسوب الزيت قليل قوي مع تحمل علي الموتور

[hugan]

من اكبر الاسباب لكسر البي ال هو نقص الزيت
وده احيانا بيحصل لو طرمبة الزيت وقفت
او منسوب الزيت قليل قوي مع تحمل علي الموتور

صح كده لان قريت الموضوع في منتد ي تاني
صاحب المشكله ذكر ان الميكانيكيه خلوه يمشي بالعربيه وهي تقريبا مافيهاش زيت
لكن صاحب الموضوع اختفي