لماذا كل هذا القلق علي السبرانزا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[belobelobelo]

كل الناس بتسأل لماذا و كيف وهل و كأن هذة العربية مخفية وليست تجوب شوارع مصر شمالا و جنوبا شرقا و غربا

أحساس يراودني أن كل هذا مفتعل و لا أعلم لماذا

علي فكرة أنا كان معايا دايو لانوس أول ما طلعت 99 وكل الناس سعتها كانت عمالة تقولي ياعم لية دية ماركة تليفزيون و لفت الأيام و بقت أحسن عربية في فئتها في مصر .......... نفس كلام حاليا علي الأسبرانزا و بردوة مفيش حد واخد بالة
و الا أيه
ربنا معانا و عموما بعيدا عن أي شئ توكيل أبو الفتوح دة محترم جدا محدش يخاف من العربية الأسبرانزا خالص و لو كل واحد مننا دخل علي كل العربيات اللي في المنتدي هلاقي نفس العيوب و يمكن أكثر ..............

[Nile_Storm]

الحكايه مش كده ياباشا
المشكله مش في الاسبيرانزا بس
المشكله في سمعه الصيني بمصر و ثقافه المصريين تجاه البضاعه الصيني و ده مش ذنينا ده ذنبهم هما لانهم بيوردو اسؤا حاجات لينا فطبيعي نقلق خصوصا دي مش اي حاجه دي عربيه يعني انت بتتوكل علي الله و تحط حياتك جواها
و المشكله اني شفت اختبار تصادم من فتره للاسبيرانزا a516 كانت نتيجته صادمه "عامه هدور عليه و انزله "
و عامه ده هيقعد فتره لغايه اما نشوف العريبه هيحصل فيها ايه بعد سنتين ولا 3
يعني باختصار زي الكوري كده هيفضل يهاجم لغايه اما يثبت نفسه
و ان كنت اعتقد انه مش هيكون في الجيل الحالي هيكون ادام شويه

[Islam_galal]

طبيعي ان أن أي شئ جديد يتهاجم
و مش طبيعي ان كل الجديد يثبت نفسه

لسة شوية علي ماالاسبيرانزا تكون اثبتت نفسها

[belobelobelo]

أنا أستلمت العربية الأسبرانزا من أسبوعين و ماشاء الله العربية تحفة

[Eng.Ihab]

طبيعي ان أن أي شئ جديد يتهاجم
و مش طبيعي ان كل الجديد يثبت نفسه

لسة شوية علي ماالاسبيرانزا تكون اثبتت نفسها

طب و حضرتك يا بشمهندس عايزها تثبت نفسها إزاى

مبيعاتها وصلت إلى 17000 سيارة فى سنتين

و فى منها سيارات عاملة أكتر من 90 ألف كيلومتر

من فضلك إشرحلى وجهة نظرك

[hazem_khidr]

اي حاجه جديده لازم يحصل معاها كده
الياباني برضه اول ما نزل في السبعينات
كانت الناس تقولك ما اركبش ياباني
دلوقتي الكل عاوز يركب ياباني
و الكوري لما ظهر في التمانينات برضه نفس النظام