رأيكم فى a113 من حيث استهلاك الوقود والعيوب فى الموديلات

[bam8572]

السلام عليكم

ياجماعة انا ان شاء الله ناوى اشترى اسبرنزا a113


بس انا شاب يعنى يوم مابنزل اخرج بالعربية ولا 4 ساعات على ماتقف يعنى بمعنى اصح عاوز حاجة موفرةةةةةةةةةةةةةةةةةة جداً فى استهلاك الوقود لدرجة انى فكرت فى دايو ماتيز عشان 800 سى سى بس للاسف مرتحتش فى قعدتها

فعاوز رأيكم بالنسبة لإستهلاك الوقود


تانى حاجة الناس بتقول ان موديلات العربية لحد 2009 كان فيها مشاكل فى التقفل والعفشة

عاوز اعرف المشاكل دى اتحلت فى 2010 ولا الموديلات كلها شبه بعضها ؟؟

شكراً مقدماً

[dozo]

استهلاك البنزين كويس.
- مفيش مشاكل فى التقفيل كبيره بس العفشه ناشفه و محتاجه تتربط كل فتره من الاخر مناسبه لشاب بس مش بتاعة غرز و حرق يعنى الاستعمال الطبيعى و هى مناسبه كقيمه مقابل الفلوس

[bam8572]

الف شكر لحضرتك
سؤال بس , هو تربيط العفشة بتاعها مكلف ؟ اصل انا من المحلة والشوارع عندنا زفت بصراحة

[hugan]

الف شكر لحضرتك
سؤال بس , هو تربيط العفشة بتاعها مكلف ؟ اصل انا من المحلة والشوارع عندنا زفت بصراحة

تربيط عفشه اي عربيه مش الا سبرانزا علي وجه الخصوص
العفشجي بتاعك بتدي له 10 جنيه ويرفع العربيه وما بتاخدش 5 دقائق

[bam8572]

طيب والموديل الله يكرمك

الموديل ؟؟ ابعد عن موديلات كام ؟؟

[dozo]

ياباشا اى موديل مفيش موديلات فيها عيوب و لا حاجه . انا واحد صاحبى معاه 2009 زى الفل و انا معايا 2011 ماشاء الله اتوكل على الله و متقلقش و اى استفسار انا تحت امرك

[bam8572]

شكر لمرور الجميع

[eng.khater]

كنت عابز اعرف اخبار العزل ايه لما تكون قافل الزجاج بتبقي معزول عن العلم الخارجي ولا ايه معلش السؤال خارج الموضوع الخاص بحضرتك بس انا ناوي اجيب العربيه وانت عارف الرعب لما تجيب عربيه جديده و كمان صيني وتسمع الفتاوي والكلام الي الكل عارفه فقلت خليها مغمره ويارب تكون ناجحه

[khalid_adel]

طب معلش ياريت تذكر لنا معدل استهلاك البنزين كام في الزحمة وفي الطوالي (دائري مثلا)
وياريت لو في موضوع بتقييم شامل للعربيه دي حد يذكره هنا