طنابير ال 516

[ehabpopo]

اشترينا لاخى عربية اسبرانزا 516 ... موديل 2008 ... هى فابريكا جوة وبرة الحمد لله ... بس التيل اللى كان بيركب واكل الطنابير بطريقة غبية جدا .... انا ماشوفتش طنابير متاكلة من التيل بالطريقة دى .... المهم
كنت عايز اغير الاربع طنابير ... وكنت عايز اعرف سعرهم كام .. ولو فية حد بيبيع قطع غيار الاسبرانزا المحترمة ولا كلة صينى وانت وبختك ؟؟؟؟
وهل فية بديل للطنابير دى ... انا سمعت ان ممكن اركب بتوع المتسوبيشى ؟؟؟ اى موديل ... ؟؟ ولا فية موديل للمتسوبيشى محدد ؟؟ وبالنسبة لتيل الفرامل اشترى بتاعها ولا فية بديل للتيل متسوبيشى مثلا او تويوتا ؟؟؟ معلش طولت عليكم وشكرا مقدما ليكم

[akmm]

سؤال مهم ومفيد للعديد من الأعضاء ... مطلوب إجابه شافيه .

[hugan]

1000 مبروك العربيه
شوف ياباشا
انا مركب طنابير اوبترا مامي كوري ممتازه ممتازه ليها اكتر من 20000 كيلو
وتيل الفرامل الامامي والخلفي كوري ممتاز ممتاز
ولا في ريجه ولا رجرجه ولاحرف في الطنابير
اما الطنابير الخلفي مركب صيني من عند زكي جرجس ليها حوالي 15000 كيلو شغاله بامتياز لكن علي التيل الكوري
لان التيل السبب الرئيسي لتلف الطنابير

[hugan]

معلش تفاصيل
العربيه اشترتها بكام وعامله كام الف كيلو استهلاك
للاهميه

[ehabpopo]

الله يبارك فيك ...شكرا على ردك يا باشا
العربية فابريكة برة وجوة ماعدا الاكصدامين .. وبعض تجاريح بسيطة ... موديل 2008 ... عاملة 97000 كم ... سعرها 41500 جم
كنت عايز اعرف تفاصيل اكتر يعنى التيل الكورى ده بتاع الاسبرانزا ... ولا بتاع انه عربية ؟؟؟؟ والطنابير الأوبترا بكام .؟؟؟ والصينى بكام ؟؟؟
ممكن اعرف هو فين محل زكى جرجس ؟؟؟
معلشى بتقل عليك فى الاسئلة ...

[hugan]

الله يبارك فيك ...شكرا على ردك يا باشا
العربية فابريكة برة وجوة ماعدا الاكصدامين .. وبعض تجاريح بسيطة ... موديل 2008 ... عاملة 97000 كم ... سعرها 41500 جم
كنت عايز اعرف تفاصيل اكتر يعنى التيل الكورى ده بتاع الاسبرانزا ... ولا بتاع انه عربية ؟؟؟؟ والطنابير الأوبترا بكام .؟؟؟ والصينى بكام ؟؟؟
ممكن اعرف هو فين محل زكى جرجس ؟؟؟
معلشى بتقل عليك فى الاسئلة ...

يانهار احوس
41500
عليه العوض ومنه العوض
انا كنت عامل حسابي انها تجيب 45
المهم التيل الكوري باشتريه من محل قطع غيا ر جنب الميكانيكي بتاعي في المطريه
سعره 60و65 للامامي والخلفي
اما الطنابير سعرها امامي وخلفي من 250 الي 240 جنيه
طنابير الاوبترا امامي فقط لكن الخلفي كتير بيركبوها لكن مش مظبوطه
ذكي جرجس في شارع دمشق
وفي محل عزيز سليمان في التوفيقيه متخصص في قطع غيار الاسبرانزا

[ehabpopo]

طيب احنا طلعنا جيران ... انا من الاميرية ... ماتقولى الميكانيكى بتاعك فين فى المطرية ... وكنت عايز اعرف التيل الكورى اللى بيركب فى الاسبرانزا خلفى وامامى ... نازل مخصوص للاسبرانزا ولا بتاع ماركة تانية ؟؟ او ابعتلى تلفونك على الخاص لو مافيش مشكلة

[kimocyc]

لو ماركة تيل الفرامل الأمامي والخلفي.. بعد اذنك يا باشا..

وهل هو للاسبيرانزا ولا مولف من ماركة اخرى

[hugan]

لو ماركة تيل الفرامل الأمامي والخلفي.. بعد اذنك يا باشا..

وهل هو للاسبيرانزا ولا مولف من ماركة اخرى

التيل للاسبرانزا
لان التيل والسيور من شركات بتكون مخصصه للنوعيه دي فقط من قطع الغيار
مثلا سير الكاتينه الكونتنتال الالماني
نازل للشيري
ذات المواتير 1600