مساعدة عاجلة فى فتيس a620

[aboomar22]

يارجالة اسبرانزا محتاج مساعدة بسرعة لو سمحتم عندى صديق اشترى اسبرانزا 2008 وللحق اللى باعلوه العربية قال ان الفتيس كان حصل مشكلة فى الحساسات اللى فيه واتصلحت وبقى كويس(يعنى للامانة الراجل نبهنا لمشكلة الفتيس )المهم صديقى كان ماشى لقى العربية بتدخن جامد جدا ركنها وسبها تبرد وقطرها لميكانيكى اللى كان بيصلحها اصلا مع المالك الاول للسيارة الميكانيكى قال ان الفتيس كده خلاص مش نافع هو مش عارف يعمل ايه سعر الفتيس الجديد سمعنا انه رقم كبير قوى يعنى بيقولو 25000 تقريبا انا مش عارف صحة الرقم ده وكمان فيه ناس بتقول ان فتيس المتسوبيشى جالانت ممكن بركب بس بيلغى الاستبترونك وناس تقول لا ميركبش دى الحلة مختلفة بجد هو مش عارف يعمل ايه فبرجاء اللى عنده فكرة او حل او ميكانيكى متخصص مبيبخلش علينا وشكرا جزيلا

[aboomar22]

فين الردود يارجالة خصوصا ان الفتيس طلع ب 35000 الف وتركيب 3 الاف غير الزيوت يعنى داخلين فى 40 يعنى كده العملية مش نافعة فتيس جديد فلابد من حل --هل يوجد قطع غيار استيراد لو موجود يبقى فين --لو فيه ميكانيكى مشهور ممكن نساله عن بدائل ممكن يكون مين وفين فى انتظار ردودكم وشكرا جزيلا

[hugan]

شوف ابنوب في الاميريه متخصص في الاسبرانزا وتسقيط المواتير
هايجيب لكك الخبر الاكيد
الشارع اللي امام مستشفي الزيتون التخصصي تدخل فيه وتسال علي ابنوب
او محمد نجم
اول شارع بورسعيد من السواح بجوار معسكر الجيش
ميكانكي تقيل في الاسبرانزا

[aboomar22]

شوف ابنوب في الاميريه متخصص في الاسبرانزا وتسقيط المواتير
هايجيب لكك الخبر الاكيد
الشارع اللي امام مستشفي الزيتون التخصصي تدخل فيه وتسال علي ابنوب
او محمد نجم
اول شارع بورسعيد من السواح بجوار معسكر الجيش
ميكانكي تقيل في الاسبرانزا

الف شكر ياباشا كده بداية كويسة ان شاء الله ياريت لو مع حضرتك تليفونة او حد من السادة الاعضاء معاه تليفون حد زى كده يبقى برضه حاجة كويسة شكرا جزيلا لحضرتك

[aboomar22]

الحمد لله المشكلة اتحلت الميكانيكى وداها لواحد بتاع فتيس اتوماتيك فى الحرفين بيقول عمل عمرة كاملة للفتيس وغير كل مكوناتة لكن السؤال هو لو حضرتك نقلت على d -او r وحضرتك مدستيش بنزين المفروض العربية بتحرك زى ماكان عندى فى اللانسر والاوكتافيا ولا بتكون ثابتة لحد ماتزود بنزين لان ده اللى بيحصل دلوقتى بتكون ثابتة لحد مايزود بنزين

[AMRSPEED]

لا المفروض تتحرك