افيدوني على وجه السرعة بليز

[alnashar]

من ساعة ما جبت العربية و فيها حاجة غريبة , لما ادورها و اطلع بيها قبل ما ادي التاني او لما اوصل لسرعة 20 كم الاقي لمبة الabs نورت و في الاثناء دي قبل ماتنور اللمبة و صادفت اني هديت و دست فرامل بلاقي احساس دواسة الفرامل تحت رجلي غريب اكنك دست على الهوا و تلامس حديد في حديد بعدها بس بعد ما اللمبة تنور بيروح الاحساس ده من الدواسة ,..... و بعدين فيه حاجة كمان , العربية سحبها تقيل قوي و سرعتها على الخامس مش جايبة اكتر من 120 مع الدوسة العادية و على السرعات البطيئة بتكركر زي ماتكون بتجر حاجة بيها او محملها مع اني دايما ببقى لوحدي سايق

ياريت تقوللي ايه رأيك في الكلام ده و تنصحني بايه لما اروح التوكيل , و اروح انهي توكيل مع العلم ان العربية عاملة 2800 كيلو بس

[osaa92003]

حضرتك تروح فورا الى التوكيل ده مش موضوع بسيط ولازم تروح مركز خدمه رئيسى وماتمشيش الا لما تتاكد ان كله تمام

[khaled_Saga]

1. بالنسبة للفرامل واضح كده ان فيه مشكلة فى الاى بى اس لأن احساس الهوا بعدين حديد فى حديد ده معناه ان الاى بى اس بيشتغل من اقل دوسة وده سلوك مش طبيعى للعربية وكمان لما تدوس واللمبة بعدها تنور ده دليل على وجود مشكلة فى الاى بى اس .. وارد يكون كنترول الاى بى اس عايز يتغير .. الموضوع مقلق بس متخافش لو روحت التوكيل وطلعت المشكلة فى الكنترول ده بيتغير على الضمان
2. الكركرة على السرعات البطيئة خصوصا على الغيار التانى من سمات الام 11 (بتاعتى) لأن وزنها تقيل ودبرياجها واطى يعنى عايز حساسية كبيرة فى رجلك وتوازن بين دوسة البنزين والدبرياج ده اضافة لسوء جودة البنزين المصرى حتى لو كان 92
3. ضعف السحب وارد يكون بردو عيب بنزين او ان العربية لسه فى الاول وعاملة 2800 كم ومتنساش ان دواسة العربية دى كهربا مش واير زى اللانوس مثلا .. قولى انت بتدوس الدواسة للاخر على الخامس ومش بتعدى 120؟؟ كمان طبيعة الطريق اللى بتمشى عليه بتتحكم فى الموضوع ده يعنى مثلا انا فيه طرق بجيب الدواسة للاخر والعربية مترضاش تعدى 120 او 130 لو الطريق مش كويس او طالع لفوق شوية وفيه طرق تانية زى الصحراوى جبت عليها 180 وكنت محمل ومشغل التكييف وطريق العين السخنة جبت عليه 185 كنت انا والمدام بس واحيانا على نفس الطريق كانت العربية مش بترضى تعدى ال 140 على نفس الطريق

عموما انت لازم تروح التوكيل وتقول كل مشاكلك ومتقلقش كله يتحل ان شاء الله انت قلقان بس عشان العربية لسه جديدة صدقنى متقلقش.
انا ملاحظ ان حضرتك مقيم فى اسيوط انا معرفش ايه اقرب توكيل لاسيوط لكن لو كنت فى القاهرة كنت هنصحك بمركز خدمة ال كيلو 32 مصر اسكندرية الصحراوى.

[alnashar]

شكرا يا باشا على التوضيح , انا فعلا لما رحت توكيل اسيوط في صيانة ال 1000كم قولتلهم على موضوع الفرامل و قالولي في حساس عايز يتغير بس مش موجود الصيانة الجاية نعمله , و حسيت انهم مالهمش فيها فمش عايز الروحلهم تاني

المشكلة اني من اسيوط و لو رحت القاهرة مش عايز ابيت عايز اخلص في نفس اليوم , فهل بتصل بيهم احجز الاول ولا ايه ؟

[hugan]

شكرا يا باشا على التوضيح , انا فعلا لما رحت توكيل اسيوط في صيانة ال 1000كم قولتلهم على موضوع الفرامل و قالولي في حساس عايز يتغير بس مش موجود الصيانة الجاية نعمله , و حسيت انهم مالهمش فيها فمش عايز الروحلهم تاني

المشكلة اني من اسيوط و لو رحت القاهرة مش عايز ابيت عايز اخلص في نفس اليوم , فهل بتصل بيهم احجز الاول ولا ايه ؟

اكيد حساس ال abs
فيه مشكله ومحتاج تغيير
ومش بعيد سبب البطيء في السحب ان الفرامل نتيجه تلف الحساس بتقفش

الموضوع بسيط جدا ولا داعي للقلق
لو هاتيجي القاهره
فرع العباسيه بدون حجز
لكن لازم تكون امام باب التوكيل الساعه 7 صباحا علشان تاخد اول رقم او التاني بالكتير

[khaled_Saga]

شكرا يا باشا على التوضيح , انا فعلا لما رحت توكيل اسيوط في صيانة ال 1000كم قولتلهم على موضوع الفرامل و قالولي في حساس عايز يتغير بس مش موجود الصيانة الجاية نعمله , و حسيت انهم مالهمش فيها فمش عايز الروحلهم تاني

المشكلة اني من اسيوط و لو رحت القاهرة مش عايز ابيت عايز اخلص في نفس اليوم , فهل بتصل بيهم احجز الاول ولا ايه ؟

ايوة يا باشا لو مش عايز احتمالية بيات العربية عشان انت ساكن بعيد لازم تحجز.

ارقام مركز خدمة ابورواش ( المركز الرئيسى ) كيلو 28 مصر اسكندرية الصحرواى (بعد القرية الذكية بحوالى 3 كم) قبل بوابات الصحراوى:
الحجز 01228834255
السويتش (خدمة العملاء وقطع الغيار وهكذا) 0235391241

ارقام مركز خدمة الكيلو 32 مصر اسكندرية الصحراوى (بعد البوابات بحوالى 3 كم):
الحجز 01064444144
السويتش 01068888836

[hugan]

شكرا يا باشا على التوضيح , انا فعلا لما رحت توكيل اسيوط في صيانة ال 1000كم قولتلهم على موضوع الفرامل و قالولي في حساس عايز يتغير بس مش موجود الصيانة الجاية نعمله , و حسيت انهم مالهمش فيها فمش عايز الروحلهم تاني

المشكلة اني من اسيوط و لو رحت القاهرة مش عايز ابيت عايز اخلص في نفس اليوم , فهل بتصل بيهم احجز الاول ولا ايه ؟

اكيد حساس ال abs
فيه مشكله ومحتاج تغيير
ومش بعيد سبب البطيء في السحب ان الفرامل نتيجه تلف الحساس بتقفش

الموضوع بسيط جدا ولا داعي للقلق
لو هاتيجي القاهره
فرع العباسيه بدون حجز
لكن لازم تكون امام باب التوكيل الساعه 7 صباحا علشان تاخد اول رقم او التاني بالكتير

[khaled_Saga]

شكرا يا باشا على التوضيح , انا فعلا لما رحت توكيل اسيوط في صيانة ال 1000كم قولتلهم على موضوع الفرامل و قالولي في حساس عايز يتغير بس مش موجود الصيانة الجاية نعمله , و حسيت انهم مالهمش فيها فمش عايز الروحلهم تاني

المشكلة اني من اسيوط و لو رحت القاهرة مش عايز ابيت عايز اخلص في نفس اليوم , فهل بتصل بيهم احجز الاول ولا ايه ؟

ايوة يا باشا لو مش عايز احتمالية بيات العربية عشان انت ساكن بعيد لازم تحجز.

ارقام مركز خدمة ابورواش ( المركز الرئيسى ) كيلو 28 مصر اسكندرية الصحرواى (بعد القرية الذكية بحوالى 3 كم) قبل بوابات الصحراوى:
الحجز 01228834255
السويتش (خدمة العملاء وقطع الغيار وهكذا) 0235391241

ارقام مركز خدمة الكيلو 32 مصر اسكندرية الصحراوى (بعد البوابات بحوالى 3 كم):
الحجز 01064444144
السويتش 01068888836

[alnashar]

و الله الواحد مش عارف يشكركم ازاي , حاجة اخيرة , بالنسبة للفيتيس و الزيت بتاعه , فيه واحد كان قال انه لازم نغير الزيت اللي جاي بيها في اول صيانة , هل صحيح الكلام ده ولا ايه ؟ خصوصا ان العربية صوتها عالي

و كمان فيه دبدبة بسمعها جاية من ورا في المطبات و النقر الصغيرة , يا ترى دي من ايه ؟

[AMGAD1521977]

و الله الواحد مش عارف يشكركم ازاي , حاجة اخيرة , بالنسبة للفيتيس و الزيت بتاعه , فيه واحد كان قال انه لازم نغير الزيت اللي جاي بيها في اول صيانة , هل صحيح الكلام ده ولا ايه ؟ خصوصا ان العربية صوتها عالي

و كمان فيه دبدبة بسمعها جاية من ورا في المطبات و النقر الصغيرة , يا ترى دي من ايه ؟

اولآ تحياتى لحضرتك و مبروك للعربية حابب اقول لك بالنسبة لزيت الفتيس ما تقلقش منه انا معايا اختها ال 516 و فى صيانة ال1000 ما غيروش غير زيت الموتور و زيت الفتيس بيتغير كل 50.000 الف اما صوت الموتور العالى فده عشان العربية تعتبر لسه فى مرحلة التليين ( الموتور لسه جديد ) و بالنسبة لصوت الدبدبة فقولهم فى التوكيل عليه يراجعوا على العفشة و ما تنساش برده ان العربية لسة عفشتها جديدة و ده عادى و كل شىء حيبقى تمام ان شاء الله و ما تنساش بعد ما تعدى ال 5000 الاف الاولى ابدء احكم على العربية و حالتها على ما تكون عملت تليين للعربية و تحياتى لك

[khaled_Saga]

بعد اذنك يا امجد هصحح معلومة بس .. حسب التوكيل وكتاب الضمان زيت الفتيس بيتغير كل 30 الف مش 50 الف
اما الدبدبة فأكيد محتاجة مراجعة وتربيط ورا مش اكتر ودى طبيعة عفشة اسبرنزا

[AMGAD1521977]

بعد اذنك يا امجد هصحح معلومة بس .. حسب التوكيل وكتاب الضمان زيت الفتيس بيتغير كل 30 الف مش 50 الف
اما الدبدبة فأكيد محتاجة مراجعة وتربيط ورا مش اكتر ودى طبيعة عفشة اسبرنزا

تحياتى لك و لكن 30.000 الف للاوتوماتيك و ليس المانيوال على قدر معلوماتى من كتالوج العربية اما الدبدبة فهى كعادة كل الاسبرانزا و طبيعتها الناشفة و لكن ملائمة لطبيعة الطرق فى مصر و تحياتى لك

[hemaa_82]

المانوال كل 30 الف برضه ...بس انا غيرته علي 50

[EZABY]

و الله الواحد مش عارف يشكركم ازاي , حاجة اخيرة , بالنسبة للفيتيس و الزيت بتاعه , فيه واحد كان قال انه لازم نغير الزيت اللي جاي بيها في اول صيانة , هل صحيح الكلام ده ولا ايه ؟ خصوصا ان العربية صوتها عالي

اولآ تحياتى لحضرتك و مبروك للعربية حابب اقول لك بالنسبة لزيت الفتيس ما تقلقش منه انا معايا اختها ال 516 و فى صيانة ال1000 ما غيروش غير زيت الموتور و زيت الفتيس بيتغير كل 50.000 الف اما صوت الموتور العالى فده عشان العربية تعتبر لسه فى مرحلة التليين ( الموتور لسه جديد ) و بالنسبة لصوت الدبدبة فقولهم فى التوكيل عليه يراجعوا على العفشة و ما تنساش برده ان العربية لسة عفشتها جديدة و ده عادى و كل شىء حيبقى تمام ان شاء الله و ما تنساش بعد ما تعدى ال 5000 الاف الاولى ابدء احكم على العربية و حالتها على ما تكون عملت تليين للعربية و تحياتى لك

ياجماعه نصيحه أرجوكوا روحوا غيروا زيت الفتيس
انا معايا 516 مو 2012 وبعد مامشيت 2500 كيلو بالعربيه شكيت في زيت الفتيس لأن في صوت عالي عموما ومن الفتيس خصوصا والنقلات كانت احيانا بتعض خصوصا في المارشدير وسمعت ان الأفضل انك تغير زيت الفتيس اللي جاي من المصنع في أي عربيه لأنه على الأقل يعني بيلم الرايش اللي من بواقي التصنيع وده السبب اللي بيخليهم يغيروا زيت الموتور في صيانة الألف
المهم اني لما رحت لقيت الزيت اللي نازل محروق وقليل جدا يعني بالعافيه كيلو وربع مثلا والمفروض ان الزيت 2.1 كيلو يعني المصنع كان حاطط كمية زيت أقل وتقريبا النوعيه مش تمام وطبعا لو كملت عالزيت ده ومغيرتوش كان زمان الفتيس راح تماما

وده الموضوع اللي عملته بعد ماغيرت الزيت http://www.nilemotors.net/Nile/325529-516.html

[hugan]

عايز اضيف ان الطبه بتاعت الزيت بتكون مزوده بمغناطيس لالتقاط الشوائب
معني كده ان فعلا لازم تغير الزيت