العربية مش بتسخن

[ahmedmoh]

السلام عليكم اعضاء المنتدى الكرام
ظهر عندي مشكلة في عربيتي m11 من حوالي اسبوعين
و هي انها مش بتسخن
حتى لما اكون راكنها يومين تلاتة في البرد
مفيش تسخين
أول ما ادور العربية الأر بي ام بيكون في حدود ال 800 اللي هو طبيعي لما تكون العربية سخنه
يعني مش بيقعد شوية فوق ال 1000 و بعدين ينزل زي الطبيعي لما تكون العربية بارده
قلت الموضوع ده في الصيانة الدورية
مهندسة الاستقبال استغربت جداً و قالت هنشوف الموضوع
المهم جيت تاني يوم الصبح بدور العربية لقيت الموضوع ما اتحلش ولا حاجة
و هكذا كل يوم الصبح
الموضوع ده تفسيره ايه ؟
و اسيبه كدا عادي وللا اعمل ايه فيه ؟

[ashourashour]

1-الترموستات مفتوح على طول او ملغي
2-المراوح شغاله على طول
3-حساس درجه حراره الميه فيه مشكله

المشي بالعربيه بارده بياكل بنزين جامد

[ahmedmoh]

1-الترموستات مفتوح على طول او ملغي
2-المراوح شغاله على طول
3-حساس درجه حراره الميه فيه مشكله

المشي بالعربيه بارده بياكل بنزين جامد

على فهمي المتواضع لكلام حضرتك المفروض المشاكل دي تسبب بروده في العربية
و بالتالي هيحصل عكس اللي انا بشتكي منه تماماً
هو اما مش بشتكي من درجة حرارة العربية
درجة الحرارة و عدادها طبيعيين
انا بتكلم على الآر بي ام لما بدور العربية و هي باردة بيبقى تحت الواحد كأن العربية سخنه

الطبيعي بتاعه انه يفضل فوق الواحد شوية و بعدين ينزل

[hemaa_82]

حصلت معايا كام مرة كدة بس بتروح لوحدها .... مش مؤثرة علي اي شئ تماما

[dr.hazem]

1-الترموستات مفتوح على طول او ملغي
2-المراوح شغاله على طول
3-حساس درجه حراره الميه فيه مشكله

المشي بالعربيه بارده بياكل بنزين جامد

كلام سليم 100%

Sent from my SE Arc S using Forum Runner

[dr.hazem]

على فهمي المتواضع لكلام حضرتك المفروض المشاكل دي تسبب بروده في العربية
و بالتالي هيحصل عكس اللي انا بشتكي منه تماماً
هو اما مش بشتكي من درجة حرارة العربية
درجة الحرارة و عدادها طبيعيين
انا بتكلم على الآر بي ام لما بدور العربية و هي باردة بيبقى تحت الواحد كأن العربية سخنه

الطبيعي بتاعه انه يفضل فوق الواحد شوية و بعدين ينزل

لو استمرت المشكلة دي ممكن تقولهم في الصيانة...
ده بيسموه أحيانا سخان العربية واعتقد انه سولينويد بيحس الحرارة ويزود بنزين ولما تسخن يرجع للصلانسيه....
تحياتي

Sent from my SE Arc S using Forum Runner

[akmm]

متابع ................

[hugan]

اظن المشكله في حساس الحراره

[aftr]

كان عندى نفس المشكله وكنت هتجنن بس الحمد لله الحوار زبط بعد تغير الزيت وكان عندى زى برجله فى الماتور الصبح وكان فى زى ريحه زيت شايط على بسيط انا مكونتش متخيل ان الزيت يعمل كل ده انا كن حاطت زيت 5000 تلاف مشيت عليه زياده 2000 كيلو الزيت كان نازل اسود فحم بس الحمد لله كله تمام

[osa92003]

الاول غير محطه البنزين وفول التانك من محطه بنزين محترمه
لو الموضوع ماتحلش هتكون المشكله فى كمبيوتر العربيه وحساس الحراره الخاص بعمليه التشغيل

[may_moon911]

العربيه عندي ما بتدورش غير مره ف الاسبوع بتروح اسماعيليه و تيجي فقط .. و عادي يتدور ساعات يبقي علي 1050 و ساعات بيبقي 800 او 900 عادي جدا مره كدا و مره كدا و بتسخن و بمشي لا تقلق ولا تلقي لها بالا