المجتهد محمد رشاد بصقر قريش و الساحر ابانوب بالاميرية

[hemaa_82]

سلام الله عليكم

كنت قلتلكم اني كان عندي مشكلة في الدوارة الصبح احيانا وان في المتحدة قالولي بعد وضع العربية علي السكانر انها مسجلة موبينة و انها غالباالسبب..طنشط زي ما حسين كهربائي المتحدة قال ... بس الموضوع بقي متكرر غير انها بدأت تسقف و ترزع مع المشي احيانا و تطلع دخنة و بقي شكلها مش لذيذ فقلت مبدهاش .... اديت تليفون لعزيزي محمد رشاد علشان اروح المتحدة لقيته قالي انه سابهم .... وفتح في صقر قريش .... و بصراحة انا من كلام الناس كنت بروح المتحدة علشان محمد .... فرحت علي المركز الجديد بتاعه..

اول مرة كان لسة مجابش الجهاز ... فركبلي موبينة من عنده اجرب بيها و مرضيش ياخد فلوس...

فضل الموضوع زي ما هوه ... رحت تاني كان جاب الاسكانر خلاص بقي ... نقرا العربية علي الجهاز !!!!!مفيش غلط علي الجهاز عن الموبينة ..... بس فيه غلط علي حساس دورة بخار البنزين .... طب نلغيه و كده كده احسن علشان يوفر في البنزين و غالبا حتتحل المشكلة ....و برده مش راضي ياخد فلوس...

فضل الموضوع زي ما هوه .... رحت تالت ... و صل يا عم الاسكانر ... مفيش اي ايرور خالص ....طب بص علي البوجيهات ..... اي ده في 3 عليهم اثار حريق بدري و واحد مهبب .... نضف ... ركب ... و برده مش راضي ياخد فلوس....

فضل الموضوع زي ما هوه .... رحت رابع .... بص علي البوجيهات ... نفس النتيجة ....قام الراجل طلع طقم بوجيهات جديد من عنده + طقم كابلات جديد من عنده علشان يعني نبقي جربنا كل حاجة ..... و برده مش راضي ياخد فلوس....

فضل الموضوع زي ما هوه ....... رحت خامس ... بس المرة دي صورت اللي بيحصل فيديو ..... وانا بدور الصبح اللي بيحصل + الدخان كمان ....لما رحت بقي وريته الفبلم قالي بص كده مفيش حاجة تاني تتعمل بس منظرها كده ممكن تكون حاجة في وش السلندر و لما بتبرد بترشح زيت في البستم ولما تيجي تدور تقوم ملخبطة علشان الزيت لحد ما يتحرق و بعدين تظبط .......

هوا استنتاج معقول ... خاصة والراجل مشكورا كفرته معايا و غير كل حاجة بتحرق البنزين و العربية مش مدية اي قراية غلط .... بس ده ميفهمش اي اللي يخليها تعمل كده و هية سخنه ..... مهو لو الزيت بيخف لما يبرد و يرشح ...لما الزيت بيسخن لزوجته بتبقي 40 مش 5 فالمفرود متلخبطش و هيه ماشية ...... غير ان ليه وش سلندر و العربية من يوم ما جت مسخنتش ولا مرة ؟؟؟؟؟؟......

المهم .... مرديش ياخد فلوس اي حاجة غير طقم البوجيهات ... و رجعلي كابلاتي و مشيت وانا رافض اصدق ....

ماشي بقي و دماغي عمالة تودي و تجيب .... طب و بعدين ....المهم جه في بالي ابانوب اللي في الاميرية فقولت انا مش هخسر حاجة ...
المهم و صلت موقف الاميرية "مشهورجدا اخر حاجة عند موقف الاميرية" سألت لحد ما وصلت ...يا اخوانا دي ورشة ابانوب رد عليا واحدقالي ايوه ...طب انا عندي موضوع كدة في العربية ...قالي طالاما موضوع اناديلكالاسطي .يا اسطي ابانوب ...لقيت واحد شاب شكله صغير جالي قالي خير ...انت يا سيدناابانوب...قالي ايوه ...طب انا عندي مشكله في الدوارة و احيانا بتسقف ....قالي لعبت فيالعربية ولا لا ؟

قلتله غيرت بوجيهات و سلوك و سديت دورة بخار البنزين و لسه نفسالموضوع ...
قالي طب دور ....دورت
زود بنزين ...زودت
قالي بس خلاص تعالي كدهحاول تشد غطا الزيت بتاع المتور.... جربت لاقيته مشفوط علي الاخر ....
قاليبص انا هفك حاجة و الغيها علي ما تجيبها ....
واداني مشترك في ايدي اشتريه ....المهم تجرب بقي الغطا بتاع الزيت بقي مهلبية...
نزلت جبتله مشتركين واحد جديد من عند الملك في الحرفيين و واحد استيراد من عند شيخ طه في الحرفيين برضهو المستخدم اغلي ....
ركب المستخدم ..... ....حلاوة ..... بس العربية والمشترك متشالعبارة عن طيارة مش عربية

الي اتغير ده كان الpvc valve و ده صمام مسؤل عن حرق النواتج السمية الناتجة من المتور و خروجها بأقل قدر ممكن ...

كده انا ماشي بالعربية اكتر من 5 ايام و زي الفل .... فقلت بصراحة يستاهل موضوع لوحدة يتشكر فيه ابانوب .... و لا ننسي من الشكر محمد رشاد لتعبه معانا ....

محمد راجل خدوم و محترم و ابن حلال بس ابانوب طلع معجزة زي ما كانوا التاكسجية بيقولوا عنه ....

ربنا ما يحوج حد لصيانة ابدا بس ادينا بنقول الناس الحلوة فين .....

نوافيكم بكل جديد

[ahmedhilmy]

الحمد لله ان ربنا هداك لحل المشكله و الف مبروك يا باشا

[Dr/ P.K.Sh]

مبروك التصليح

[amr elsisi]

مبروك بس نوع العربية

[mazagngi2010]

من عنوان الموضوع افتكرته مهرجان

[_hema]

الحمد لله ان المشكله اتحلت على خير


تحياتى لحضرتك

[hugan]

اظن اللي قصدك عليه بلف السايكون
صح ولا غلط
لو هو
انا لاغيه من عندي وخرطوم الفايز بيخرج في الهوا
انا رحت محمد رشاد هو شخص محترم
لكن ابانوب مشكلته انه زحمه جدا
لكن متصيت جامد

[hemaa_82]

بص انا مش قادر اعفهم مين السايكون ده ..... بس هوة اساسا صمام هدفه يسحب فضلات الحرق و الغازات بتاعة المتور و يدخلها تاني مع الهوا .... لو دورت علي PVC valve for A3 chery هتلاقيه طالع في الصور

[hugan]

بص انا مش قادر اعفهم مين السايكون ده ..... بس هوة اساسا صمام هدفه يسحب فضلات الحرق و الغازات بتاعة المتور و يدخلها تاني مع الهوا .... لو دورت علي pvc valve for a3 chery هتلاقيه طالع في الصور

هو بلف السايكون
علي العموم سعره 35 او 40 جنيه في شار ع دمشق

[hemaa_82]

انت شفت الصورة بتاعة ال pvc و طلع هوه السايكون ؟؟؟؟؟ الحمد لله ده انا قعدت ادور علي اصل انجليزي لكلمة سايكون دي لحد ما جالي تراللي:)

[aftr]

الحمد لله ياهيما على حل المشكله بس انا كان عندى نفس القصه وكنت لسه مغير طقم كاتينه ورجعت تانى التوكيل عاد على التقسيمه تانى زياده تاكيد وفضلت المشكله قولت ممكن يكون بطاريه البطاريه جديده وجايبه العلامه الخضراء بس ياهيما فى حاجه غريبه انا كنت بشم ريحة زيت شايط مع الدواره الصبح انا كنت مشيت زياده على زيت موبيل 3000 كيلو زياده وبعد ماغيرت الزيت الحمد لله العربيه زبطت معايه هل الزيت ممكن يكون ليه تاثير على دواره العربيه وبرجله العربيه

[hemaa_82]

انا العادي بتاعي اني بمشي علي الزيت زيادة الف او 2 عادي .... و انا اعرف من ناس اصدقائي ان موبيل مثلا يمشي حلاوة لحد 17 و 18 الف و ممكناكتر بس بيتقال انه 10 الاف بس علشان الاغراض التجارية و علشان يتباع .... انما مفيش اي ضرر هيحصل .....

علي فكرة انا كنت برضه بشم روائح عمري ما شمتها قبل كده ... و الحمد لله كله راح مع تغيير صمام ال بي في سي .... تقريبا كان بيدخل فضلات بزيادة فكانت بتفضل في غرفة الحريق و لما نيجي ندور الصبح بعد ما تبرد تطلع بقي مع غمامة من الشكمان .....

[AMGAD1521977]

سلام الله عليكم

كنت قلتلكم اني كان عندي مشكلة في الدوارة الصبح احيانا وان في المتحدة قالولي بعد وضع العربية علي السكانر انها مسجلة موبينة و انها غالباالسبب..طنشط زي ما حسين كهربائي المتحدة قال ... بس الموضوع بقي متكرر غير انها بدأت تسقف و ترزع مع المشي احيانا و تطلع دخنة و بقي شكلها مش لذيذ فقلت مبدهاش .... اديت تليفون لعزيزي محمد رشاد علشان اروح المتحدة لقيته قالي انه سابهم .... وفتح في صقر قريش .... و بصراحة انا من كلام الناس كنت بروح المتحدة علشان محمد .... فرحت علي المركز الجديد بتاعه..

اول مرة كان لسة مجابش الجهاز ... فركبلي موبينة من عنده اجرب بيها و مرضيش ياخد فلوس...


فضل الموضوع زي ما هوه ... رحت تاني كان جاب الاسكانر خلاص بقي ... نقرا العربية علي الجهاز !!!!!مفيش غلط علي الجهاز عن الموبينة ..... بس فيه غلط علي حساس دورة بخار البنزين .... طب نلغيه و كده كده احسن علشان يوفر في البنزين و غالبا حتتحل المشكلة ....و برده مش راضي ياخد فلوس...


فضل الموضوع زي ما هوه .... رحت تالت ... و صل يا عم الاسكانر ... مفيش اي ايرور خالص ....طب بص علي البوجيهات ..... اي ده في 3 عليهم اثار حريق بدري و واحد مهبب .... نضف ... ركب ... و برده مش راضي ياخد فلوس....


فضل الموضوع زي ما هوه .... رحت رابع .... بص علي البوجيهات ... نفس النتيجة ....قام الراجل طلع طقم بوجيهات جديد من عنده + طقم كابلات جديد من عنده علشان يعني نبقي جربنا كل حاجة ..... و برده مش راضي ياخد فلوس....


فضل الموضوع زي ما هوه ....... رحت خامس ... بس المرة دي صورت اللي بيحصل فيديو ..... وانا بدور الصبح اللي بيحصل + الدخان كمان ....لما رحت بقي وريته الفبلم قالي بص كده مفيش حاجة تاني تتعمل بس منظرها كده ممكن تكون حاجة في وش السلندر و لما بتبرد بترشح زيت في البستم ولما تيجي تدور تقوم ملخبطة علشان الزيت لحد ما يتحرق و بعدين تظبط .......


هوا استنتاج معقول ... خاصة والراجل مشكورا كفرته معايا و غير كل حاجة بتحرق البنزين و العربية مش مدية اي قراية غلط .... بس ده ميفهمش اي اللي يخليها تعمل كده و هية سخنه ..... مهو لو الزيت بيخف لما يبرد و يرشح ...لما الزيت بيسخن لزوجته بتبقي 40 مش 5 فالمفرود متلخبطش و هيه ماشية ...... غير ان ليه وش سلندر و العربية من يوم ما جت مسخنتش ولا مرة ؟؟؟؟؟؟......


المهم .... مرديش ياخد فلوس اي حاجة غير طقم البوجيهات ... و رجعلي كابلاتي و مشيت وانا رافض اصدق ....


ماشي بقي و دماغي عمالة تودي و تجيب .... طب و بعدين ....المهم جه في بالي ابانوب اللي في الاميرية فقولت انا مش هخسر حاجة ...

المهم و صلت موقف الاميرية "مشهورجدا اخر حاجة عند موقف الاميرية" سألت لحد ما وصلت ...يا اخوانا دي ورشة ابانوب رد عليا واحدقالي ايوه ...طب انا عندي موضوع كدة في العربية ...قالي طالاما موضوع اناديلكالاسطي .يا اسطي ابانوب ...لقيت واحد شاب شكله صغير جالي قالي خير ...انت يا سيدناابانوب...قالي ايوه ...طب انا عندي مشكله في الدوارة و احيانا بتسقف ....قالي لعبت فيالعربية ولا لا ؟

قلتله غيرت بوجيهات و سلوك و سديت دورة بخار البنزين و لسه نفسالموضوع ...

قالي طب دور ....دورت
زود بنزين ...زودت
قالي بس خلاص تعالي كدهحاول تشد غطا الزيت بتاع المتور.... جربت لاقيته مشفوط علي الاخر ....
قاليبص انا هفك حاجة و الغيها علي ما تجيبها ....
واداني مشترك في ايدي اشتريه ....المهم تجرب بقي الغطا بتاع الزيت بقي مهلبية...
نزلت جبتله مشتركين واحد جديد من عند الملك في الحرفيين و واحد استيراد من عند شيخ طه في الحرفيين برضهو المستخدم اغلي ....
ركب المستخدم ..... ....حلاوة ..... بس العربية والمشترك متشالعبارة عن طيارة مش عربية

الي اتغير ده كان الpvc valve و ده صمام مسؤل عن حرق النواتج السمية الناتجة من المتور و خروجها بأقل قدر ممكن ...


كده انا ماشي بالعربية اكتر من 5 ايام و زي الفل .... فقلت بصراحة يستاهل موضوع لوحدة يتشكر فيه ابانوب .... و لا ننسي من الشكر محمد رشاد لتعبه معانا ....



محمد راجل خدوم و محترم و ابن حلال بس ابانوب طلع معجزة زي ما كانوا التاكسجية بيقولوا عنه ....



ربنا ما يحوج حد لصيانة ابدا بس ادينا بنقول الناس الحلوة فين .....



نوافيكم بكل جديد

تحياتى لك و لكل اعضاء المنتدى المحترمين انا كنت انهاردة عند ابانوب و هو فعلآ فاهم فى العربية و شاطر و نصيحة لو عندك مشكلة فى العربية روحله على طول انا معاه من 3 سنين و هو شاطر لانه زى ما شفت ما بيشتغلش غير فى الاسبيرانزا و ربنا يكفيك شر اعطالها و تحياتى لك

[amr_zahrawan]

طب ممكن توصفلى هو مكانه فين بالظبط

[aboomar22]

ممكن نمرة تليفون ابانوب لو سمحتم لان زميلى هيجى من سفر فالافضل يتصل قبل مايجى صح كده