إعـــــــلان

Collapse

.

,
See more
See less

موضوع كبير مع تيجو عامله 600 كيلو و تجربه مع مركز الكيلو 32

Collapse
X
 
  • Filter
  • الوقت
  • Show
Clear All
new posts

  • موضوع كبير مع تيجو عامله 600 كيلو و تجربه مع مركز الكيلو 32

    السلام عليكم و رحمه الله و بركاته
    الساده اعضاء المنتدي الكرام
    اليوم هانقلكم تجربه واقعيه و مهمه جدا جدا مع شركه اسبرانزا ابو الفتوح
    والدي اشتري تيجو يوم 2/1/2013 و كان سعرها 92250
    و العربيه عمل بيها حوالي 640 كيلو
    و من اول والدي ما استلم العربيه و هو بيشتكي من الدبرياج انه واطي قوي و المسافه قصيره جدا للبدال
    و كمان عضه في الفتيس و الفرامل واطيه علي الارض بشكل كبير
    انا قولتلو ان شاء الله عند صيانه الالف نقولهم علي كل المشاكل اللي بتواجهك و اكيد تتعمل
    المهم يوم الاثنين الموافق 12/2/2013 يعني من يومين هو كان مسافر العمره (كتبها الله لنا و لكم ) وقالي هتوادينا بالتيجو علشان اخودها اركنها في الجراج اللي تحت بيتي و ارجع بكره اخد عربيتي
    نزلت ركنت عربيتي و ركبت التيجو و دورت العربيه و بعد حوالي دقيقه ....(المفاجئه)....
    بدال الدبرياج نازل علي الارض و لازم ارفعه برجلي و العربيه مش بتاخد اي غيار
    بصراحه صدمه كبيره جدا جدا ليا و لوالدي كمان
    انا حسيت انه زعل فحاولت اداري الموضوع و ابين انه بسيط و بكره ان شاء الله هاعمله علشان اخليه يسافر و هو مش متضايق
    و الحمد لله روحت انا وصلتي بعربيتي و عربيه اخويا
    بس بصراحه طول الطريق قاعد افكر ازاي يحصل حاجه زي كده و بستحلف للتوكيل اللي المفروض اني اول ما اصحي ان شاء الله اكلمه و مش عارف في الحاله دي المفروض ايه اللي يحصل
    هل التوكيل هايبعت فني يصلح العربيه او يغير واير الدبرياج اللي غالبا اتقطع (اللي مطلعش واير و طلع ماستر)
    و لا هايبعت ونش يرفع العربيه و ياخده مركز الصيانه يصلحها
    و لا هايقولي اتصرف و اجيب العربيه لغايه عندهم
    مع العلم ان العربيه لسه ما عملتش صيانه الالف كيلو
    تم الاتصال ب19227 و بصراحه دخلت شمال بكل ادب طبعا علشان محدش يغلطني واخدت رقم مهندس الطوارئ و كلمته و قالي ان فني الانقاذ السريع هايكلمني ياخد العنوان والتفاصيل و فعلا كلمني الفني و قالي ان العربيه لازم تتنقل مركز الصيانه و اني ارفعها علي ونش و اوديها قلتله طبعا ده مش هايحصل انتم ملزمين ترفعو العربيه و تودوها مركز الصيانه و ترجعوها احسن من الاول و بصراحه كلمته بشكل عصبي جدا قالي كلم المهندس قلتله حاضر من عنيا قالي لا خلاص انا هاكلمه
    كلمني المهندس تاني و اول كلمه قالها انه بيعتذر عن اسلوب الفني اللي عارف انه نرفزني و انه عارف كمان ان الفني مكسل يجيي المشوار
    و خلاص الفني جاي في الطريق و قالي انت عارف ان العمال و الفنيين قلبهم مش علي الشغل يعني عايزين مرتبات و بس من غير حتي ما يشتغلو المهم الفني وصل و اسلوبه اتغير تماما و انا كنت ناوي علي شده جامده بس لاقيتو جايب ورا المهم قالي دي حاجه بسيطه (بعد ما قالي انها مشكله كبيره و لازم العربيه اجيبها علي ونش للتوكيل) و قعد شغال دوس سيب كارك ساعه
    و فك حاجات كتير و كلم ناس كتير و توصل بعد المباحثات الي ان العيب في الماستر اللي خلف الدبرياج و ده كمان مأثر علي الفرامل لانهم وحده مرتبطه ببعض(الفرامل و الدبرياج) و انه هايجيبه بكره و يركبه ان شاء الله و في اثناء ما الفني شغال لاقيت اكتر من تليفون من مهندس خدمه العملاء و مهندس اعطال الطوارئ و بالمناسبه راجل في منتهي الاحترام و قالي ان بكره ان شاء الله القطعه تجيلك و كله يبقي تمام
    مهندس الطوارئ كلمني الساعه 10 الصبح تاني يوم و قالي انه من الافضل نقل العربيه للتوكيل علشان يكون الشغل افضل و لو في عيب تاني يتعمل علي طول انا وافقت و اكدت اني مش هاتحمل ولا جنيه واحد مقابل اي حاجه و الراجل اكدلي ده طبعا قولتلو امتي قالي بالفعل الونش جايلك في الطريق خليت اخويا يقابلهم و ظبطت مع سواق الونش انه يستناني بعد الكارته علي طول و بالفعل اتقابلنا و مشيت وراه بعربيتي لحد باب التوكيل و دخلنا و استلمو العربيه و انا في الاستراحه لاقيت سواق الونش جاي يقولي عايز 250 جنيه ثمن الونش و 10 جنيه الكارته قولتلو روح للي بعتك و قولو العميل بيقولي مش هادفع و لا جنيه للونش و لا حتي ليك الراجل اتخض و راح ماشي و جالي مهندس علشان يشوف العربيه يستلمها روحت معاه للعربيه و سألني علي الضمان و انا كنت ناسيه قولتلو ان العربيه عامله 600 كيلو و اكيد في الضمان و لو عايزه اروح اجيبهولك و اجي قالي لا انا كنت عايزه علشان يوريني انه مكتوب فيه ان الونش يتحمله العميل قولتله ريح نفسك انا مش هادفع و لا جنيه ده كان اتفاقي و لو مكنتش متفق بردو مش هادفع و لا جنيه و استلم العربيه و هو زعلان في الاول لكن موقفه اتغير فيما بعد و قالي طيب حضرتك تدفع دلوفتي و تسترد الفلوس بعد كده قولتلو انسي
    و انا بتكلم مع المهندس الزعلان اللي موقفه اتغير بعد كده لاقيتهم بينادو علي اسمي في الاستقبال و روحت لاقيت مهندس تاني مستنيني و قالي حضرتك فلوس الونش قبل ما يكمل قولتلو انسي قالي طيب 5 دقايق و اجي و فعلا 5 دقايق بقو 3 مهندسين و بصراحه شرشحتلهم بكل ادب و ذوق من غير غلط و قولتلهم انا مش عايز اصعد الموضوع انتو في كارثه و انا صابر عليكم لغايه دلوقتي قالولي الموضوع فعلا اتصعد و وصل الاداره و حضرتك مش هاتدفع حاجه و ان شاء الله هانكلمك بكره علشان تيجي تستلم العربيه و تكون تمام .....
    و مشيت بس قبل ما امشي لاقيت اتنين منهم بيقولولي انت عندك حق في كل اللي قولتو و حقك تعمل اي حاجه و الموضوع فعلا كبر قوي قوي و الاداره كلها عرفت بي و انه عامل قلق كبير هناك و ان شاء الله العربيه ترجع احسن من الاول ماتقلقش اكدتلهم اني مش قلقان و اني اعرف اجيب حقي كويس جدا و ان شاء الله بكره نشوف ايه الجديد....
    اتصلت بالمهندس اليوم الساعه 11 بطمئن قالي العربيه اتعملت تعالي بسرعه علشان عندي اوردر اجرب معاك العربيه 100 كيلو ....عربيتك دي هاتمشينا كلنا من الشغل
    الحمد لله روحت انا و اخويا بعربيته و تم استلام العربيه و كل اللي كان فيها لاكور مش متقرط عليه كان بيسرب الهواء(ده كان كلام المهندس عمر ) و قالي ان العربيه خلصت من امبارح لكن هما قعدو يجربو فيها علشان ما يلقوش مشكله تاني تظهر لدرجه اني روحت لاقيت العربيه عامله حوالي 35 كم بس الحمد لله كله تمام و م.عمر طلع جرب معايا العربيه مسافه كبيره ما يقرب من 50 كيلو علي الصحراوي و اصر اني اجربها و اخويا كمان يجربها ..... وكمان العربيه اتغسلت غسله محترمه من بره و جوه
    و المهندس عمر قالي معاك لصيانه ال1000 كيلو جرب كل حاجه براحتك قولتلو
    اللي عرفته ان الموضوع وصل لاعلي المستويات و كمان وصل للصين و كلمو المهندسين في الصين اللي كانو نايمين علشان فرق التوقيت و الحقيقه مهندس عمر قالي انه جالو تليفون من احد قيادات الشركه اللي لو كلم حد يبقي علشان يترفد (ده كلام المهندس عمر) اعتقد اسمه مهندس احمد العدل و تخطي 4 مديرين فوق المهندس عمر و اتصل بيه بشكل مباشر امبارح و النهارده الصبح كمان علشان يطمن و قالي كمان ان 3 ادارات في المصنع هايتجازو بسبب المشكله دي .....
    لدرجه ان الفنيين كانو خايفين يشتغلو في العربيه و اشتغل عليها 2 مهندسين و 3 عمال
    طبعا انا مش قصدي اذيه حد لكن كل واحد يشوف شغله بضمير ياخد حقه و بالتالي اللي مش بيشوف شغله يتجازه........
    شكر المهندسين اللي ساعدوني و كانو في صفي نظرا للحدث الكبير الموجود ......
    و اخص بالذكر المهندس مجدي رئيس قسم صيانات الطوارئي بصراحه شخص في غايه الاحترام
    و المهندس عمر مسئول الصيانات بمركز الكيلو 32 ايضا شخص في غايه الاحترام
    انا حبيت انقل التجربه كامله بالتفصيل الممل (و عارف ان في ناس هاتكسل تقرا الموضوع علشان في رغي كتير )بس كان قصدي ان كل واحد من الاعضاء يستفيد و كل طرف ياخد حقه سواء كان العميل او الشركه المصنعه و كمان علشان الاعضاء الكرام ياخدو خبره التجربه من اولها لأخرها و اللي ليه حق لا يتنازل عنه مهما حصل و تحت اي ظرف ....و شكرا لكم
    [CENTER] اللهم صلي علي محمد وعلي ال محمد كما صليت علي ابراهيم وعلي ال ابراهيم في العالمين انك حميد مجيد
    [/CENTER]

  • #2
    جدع والله انك عرفت تاخد حقك ومرضيتش تتنازل
    [CENTER]Best Regards[/CENTER]
    [SIZE="4"][FONT="Comic Sans MS"][S][CENTER][B]F.@.®.€.S[/B][/CENTER][/S][/FONT][/SIZE]

    Comment


    • #3
      احسن حاجة ان انت كنت مصر علي نقطة بالادب ....
      حقك تاخدوه من بق التنين بس الادب احسن من اي شئ .....
      الف مبروك العربية و ان شاء الله ميطلعش فيها ولا الهوا من هنا و رايح ....
      [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

      Comment


      • #4
        طب كويس
        اظن ان ابو لفتوح افضل من توكيلات تانيه كتير في مصر
        لكن المجهود كله يرجع لك انك عرفت تاخد حقك منهم
        [SIGPIC][/SIGPIC] ياتقول كلام في محله يا تقول حلو ياحلو
        [url]/photos/a.879931698703941.1073741827.879900435373734/879931905370587/?type=1[/url]

        Comment


        • #5
          على فكرة يا جماعة الناس في الكيلو 32 من احسن مراكز الخدمة من حيث الاهتمام و المتابعة مع العميل لو كانت قطعة الغيار غير متوفرة
          انا عن نفسي كان عندي حساس abs محتاج يتغير على الضمان و الكلام ده و انا بعمل صيانة 1000كم في مركز خدمة اسيوط بس كان مش متوفر , اشتكيت خدمة العملاء , خلال اسبوع وفروها و بعتوها على اسيوط مخصوص و اتصلوا بيا و انا في المركز علشان يتأكدوا اني راضي عنهم و الصراحة الناس في مركز خدمة اسيوط كانوا شايليني من على الارض شيل و حاليا العربية عاملة 6500 كم و ماشاء الله روعة و لسة مبهدل بيها سيراتو اوتوماتيك الواد صاحبي ياعيني قرص على موتوره خلاه يشخر علشان يشد و يعديني ما عرفش وانا مازودتش ال rpm عن 3.5

          Comment


          • #6
            تصرفك صح جدا طبعا و توكيل محترم من القلائل فى مصر بصراحه

            Comment


            • #7
              برافو عليك انك قدرت تاخذ حقك حاجة تفرح انك تصر على حقك و شركة محترمة لم تحاول ان تتملص
              الحمد للة

              Comment


              • #8
                بس كل ده حصل من غير معرفه ولا واسطه مع حد

                Comment


                • #9
                  المشاركة الأصلية كتبت بواسطة fares_311 مشاهدة المشاركة
                  جدع والله انك عرفت تاخد حقك ومرضيتش تتنازل
                  المشاركة الأصلية كتبت بواسطة hemaa_82 مشاهدة المشاركة
                  احسن حاجة ان انت كنت مصر علي نقطة بالادب ....
                  حقك تاخدوه من بق التنين بس الادب احسن من اي شئ .....
                  الف مبروك العربية و ان شاء الله ميطلعش فيها ولا الهوا من هنا و رايح ....
                  اخد الحق حرفه مش بالزعيق و الخناق علي الاقل في بعض المواقف الحمد لله ان الموضوع خلص علي خير
                  المشاركة الأصلية كتبت بواسطة hugan مشاهدة المشاركة
                  طب كويس
                  اظن ان ابو لفتوح افضل من توكيلات تانيه كتير في مصر
                  لكن المجهود كله يرجع لك انك عرفت تاخد حقك منهم
                  بصراحه انا حسيت فعلا انهم مهتمين بالموضوع بشكل غير طبيعي(قلق و استغراب غير عادي) و توصلت فعلا الي ان ابو الفتوح من التوكيلات المحترمه في مصر
                  كلمه اتقالتلي من مهنس بشكل ودي ان ابو الفاتوح هو اللي بيعمل العربيه و مش العكس ان عربيه معينه هي اللي ترفع اسم الوكيل و تصيته
                  المشاركة الأصلية كتبت بواسطة alnashar مشاهدة المشاركة
                  على فكرة يا جماعة الناس في الكيلو 32 من احسن مراكز الخدمة من حيث الاهتمام و المتابعة مع العميل لو كانت قطعة الغيار غير متوفرة
                  انا عن نفسي كان عندي حساس abs محتاج يتغير على الضمان و الكلام ده و انا بعمل صيانة 1000كم في مركز خدمة اسيوط بس كان مش متوفر , اشتكيت خدمة العملاء , خلال اسبوع وفروها و بعتوها على اسيوط مخصوص و اتصلوا بيا و انا في المركز علشان يتأكدوا اني راضي عنهم و الصراحة الناس في مركز خدمة اسيوط كانوا شايليني من على الارض شيل و حاليا العربية عاملة 6500 كم و ماشاء الله روعة و لسة مبهدل بيها سيراتو اوتوماتيك الواد صاحبي ياعيني قرص على موتوره خلاه يشخر علشان يشد و يعديني ما عرفش وانا مازودتش ال rpm عن 3.5
                  الحمد لله و ربنا يكفيك شر العين و الطريق
                  المشاركة الأصلية كتبت بواسطة algazar2 مشاهدة المشاركة
                  تصرفك صح جدا طبعا و توكيل محترم من القلائل فى مصر بصراحه
                  فعلا من القلائل اللي بيعملو كده و بردو حاله العربيه كانت من القلائل اللي بيحصل فيها حاجه زي كده
                  المشاركة الأصلية كتبت بواسطة dedi مشاهدة المشاركة
                  برافو عليك انك قدرت تاخذ حقك حاجة تفرح انك تصر على حقك و شركة محترمة لم تحاول ان تتملص
                  يا ريت الناس كلها تعمل كده
                  فعلا انا كنت مصر علي نقطه اني مغلطش في حد و لا صوتي يعلا علي حد علشان محدش يشيلني الغلط و الحمد لله
                  المشاركة الأصلية كتبت بواسطة osaa92003 مشاهدة المشاركة
                  بس كل ده حصل من غير معرفه ولا واسطه مع حد
                  ولا معرفه و لا واسطه دائما الحق يكسب في الاخر
                  [CENTER] اللهم صلي علي محمد وعلي ال محمد كما صليت علي ابراهيم وعلي ال ابراهيم في العالمين انك حميد مجيد
                  [/CENTER]

                  Comment


                  • #10
                    ما شاء الله عليك..
                    وان شاء الله تكون دي آخر مشاكل العربيه
                    بس الحق يقال
                    يشكروا برضو على حسن الخدمه وان كانت بعد زعيق وحوارات...

                    تحياتي
                    don't judge a car unless you have driven it

                    hm414 سابقا

                    Comment


                    • #11
                      تمام يا باشا ..

                      Comment


                      • #12
                        المشاركة الأصلية كتبت بواسطة dr.hazem مشاهدة المشاركة
                        ما شاء الله عليك..
                        وان شاء الله تكون دي آخر مشاكل العربيه
                        بس الحق يقال
                        يشكروا برضو على حسن الخدمه وان كانت بعد زعيق وحوارات...

                        تحياتي
                        المشاركة الأصلية كتبت بواسطة s o p h o s مشاهدة المشاركة
                        تمام يا باشا ..
                        الحمد لله انا لا زعقت و لا اتخانقت و الموضوع خلص بتوفيق ربنا
                        اتمني من الله استفاده جميع الاعضاء من التجربه
                        [CENTER] اللهم صلي علي محمد وعلي ال محمد كما صليت علي ابراهيم وعلي ال ابراهيم في العالمين انك حميد مجيد
                        [/CENTER]

                        Comment


                        • #13
                          كلنا استفدنا ... وشكرا والتوكيل جيد ... ولكن المهم تصميمك على حقك .
                          :36_2_55[1]:

                          Comment


                          • #14
                            احييك على ايجبيتك فى نقل تجربتك و اتمنى تكون العربية أحسن من الاول فعلا

                            Comment


                            • #15
                              المشاركة الأصلية كتبت بواسطة akmm مشاهدة المشاركة
                              كلنا استفدنا ... وشكرا والتوكيل جيد ... ولكن المهم تصميمك على حقك .
                              المشاركة الأصلية كتبت بواسطة amr_zahrawan مشاهدة المشاركة
                              احييك على ايجبيتك فى نقل تجربتك و اتمنى تكون العربية أحسن من الاول فعلا
                              الحمد لله
                              [CENTER] اللهم صلي علي محمد وعلي ال محمد كما صليت علي ابراهيم وعلي ال ابراهيم في العالمين انك حميد مجيد
                              [/CENTER]

                              Comment

                              Working...
                              X