مساعده في كاوتش سبرانزا 516

[bmya]

السلام عليكم ورحمه الله وبركاته
العربيه عربيه حمايا وهو مسافر وعاوزني اغيره الكاوتش بتاع العربيه
ايه احسن كاوتش اجيبه مناسب ليهامع العلم هو بيقولي غير الكاوتش الامامي فقط
انا سألت لقيت كومهو ياباني15 195 55 الفرده ب 500
وفي نوع اسمه فولدا فرنساوي ب 530
انا محتار اجيب ايه لو في حد مجرب كاوتش كويس مع العربيه يقولي ضروري

[AlGazar2]

اول حاجة مفيش حاجة اسمها كومهو يابانى المحل الى قالك كده متجبش منه اول حاجة لانه بيفتى تانى حاجة لانه غالى

الكاوتش الكومهو الكورى الاكستا ال stp ممتاز على الارض الجافه و فى المياه فى الفرامل التراكشن بتاعه عالى و التمبريتشر كذلك بس معرفش تمنه كام ال 17 قبل الدولار كان ب 600 و ال 14 ب 380 يعنى ممكن ال 15 يكون ب 450 مثلا

فى طبعا البريدجستون بس الفرده الكويسه هتبقى غاليه و الكونتينتال طبعا

بس الفرده الكومهو احسن حاجة للميزانيه المحدوده لو الميزانيه مفتوحه يبقى تجيب كونتينتال او بريدج رياضى عشان الفرامل تبقى كويسه و الثبات كذلك

[AMGAD1521977]

اول حاجة مفيش حاجة اسمها كومهو يابانى المحل الى قالك كده متجبش منه اول حاجة لانه بيفتى تانى حاجة لانه غالى

الكاوتش الكومهو الكورى الاكستا ال stp ممتاز على الارض الجافه و فى المياه فى الفرامل التراكشن بتاعه عالى و التمبريتشر كذلك بس معرفش تمنه كام ال 17 قبل الدولار كان ب 600 و ال 14 ب 380 يعنى ممكن ال 15 يكون ب 450 مثلا

فى طبعا البريدجستون بس الفرده الكويسه هتبقى غاليه و الكونتينتال طبعا

بس الفرده الكومهو احسن حاجة للميزانيه المحدوده لو الميزانيه مفتوحه يبقى تجيب كونتينتال او بريدج رياضى عشان الفرامل تبقى كويسه و الثبات كذلك

كلام صحيح و عن تجربة انا مركب عندى فى عربيتى الكومهو الفيتنامى من 4 سنين و هى انسب فردة للعربية دى عشان المطاط طرى و العربية اصلآ ناشفة فياخد و يدى مع المطبات و كمان نافخ نيتروجين و سعر الفردة حاليآ 450 و هى فردة محترمة عيبها لما ينتهى عمرها الافتراضى تلوح سلك بمعنى يبقى فيها عالى و واطى و تحياتى لك

[hemaa_82]

والله انا مركب كومهو كوري بس 16 مش 15 كان ب 475.... و الفيتنامي كان ب 450

يتهايألي ال 15 هيبقي في نفس الرينج ....

الكومهو حلو ... بساللي نفسي اركبه ال gt... الكاوتش ده بجد تحفة ... انا نسيته في العربية اكتر من 5 سنين ولا جراله الهوا

[bmya]

طيب معلش يا جماعه هتعبكم معايا
انا مش من القاهره فمش عارف محلات
انا عاوز افضل مكان اجيب منه كاوتش يكون في مدينه نصر لان بيت حمايا هناك
وعاوز ترشحولي افضل نوع مناسب لل 516

[katoba]

ليا واحد صاحبى جايب البريدجستون الاندونيسى وهوا ممتاز جدا لانه كان محتار بينهوبين البريللى التركي وسعر الفردةحوالى 580

[bmya]

انا عاوز حاجه في حدود 500 كده ايه افضل حاجه

[hemaa_82]

بص يا غالي ...
انا من الزتون او لو متعرفهاش يبقي مصر الجديدة .... بس احسن بتاع كاوتش -بناء علي خبرتي بالتعامل مع بتوع حرفيين و مصر الجديدة و مدينة نصر و اميرية و سواح- احسن واحد بقي فين ؟؟؟؟؟ في الدقي في شارع التحرير او البحوث سابقا جنب جاد

اسمه الايمان للاطارات و البطاريات
اولاد بيومي

الراجل ده حجته طازة و ارخص من 20 الي 50 جنيه من اي حد تاني بدون مبالغة ...

مبيصلحش عجل بيركب جديد بس .....

[bmya]

طيب تمام انا عارف الدقي بس مش قوي يعني اعرف اروخ عند مقار كده هو منين من مقار
وايه النوع الكويس اللي في حدود 500

[hemaa_82]

نفس الرصيف بتاع مقار بس قدام ....خليك ماشي لحد جاد هتلاقيه بعديه علي طول ...قدامه الناحية التانية مسجد اسد بن الفرات

[AlGazar2]

فعلا سمير بيومى احسن واحد فى الاسعار و حاجته كويسه و كل الناس بتشكر فيه
عن نفسى لما غيرت كنت هروحله بس لقيت ان الفرق 20 جنيه فى الفردتين بين المعادى لان عندى موزع برضه و هصرف بتاع 30 بنزين فركبته هنا بس سمعه سمير بيومى سابقاه و ممكن تسأل على الفرده فى التليفون و تشوفها موجوده ولا لا و انصحك هات الكورى و لو مفيش يبقى الفيتنامى كويسه برضه بس الكورى اطرى شويه

[bmya]

ايه بقه الفيتنامي بريدجستون ولا ايه ؟

[hugan]

ركب ماكسيس ياباشا شغال عندي حتي الان
60000 كيلو متر استهلاك وممتاز
وابعد عن الكومهو لانه بيعمل بلالين

[bmya]

ماكسيس ده تركي ولا ايه

[hugan]

ماكسيس ده تركي ولا ايه

تايلندي
تقريبا ارخص حاجه في السوق
ياريت المقاس يكون 15/60/95
بدلا من 15/55/95
هايظبط للك عفشه العربيه كويس