إعـــــــلان

Collapse

.

,
See more
See less

أفضل مركز خدمة لل 516 بعد الخروج من الضمان

Collapse
X
 
  • Filter
  • الوقت
  • Show
Clear All
new posts

  • أفضل مركز خدمة لل 516 بعد الخروج من الضمان

    اللى حصل معايا ياجماعة انى ماروحتش صيانة ال 20 الف فى التوكيل لظروف أنا مش فاكرها
    عموماً انا عربيتى 2011 وبعمل صيانة الوزة كل 10000 كم يعنى عملت صيانة الالف كم وال10000كم وماروحتش ال20000كم وكان فيها غيار زيت موتور وتغيير بوجيهات وفلتر البنزين والهواء،
    أنا غيرت زيت موتور بس وماغيرتش البوجيهات ولا الفلاتر؛
    المهم أنا قربت على 30الف كم ، عشان كده كلمت التوكيل النهارده أسئله على تكلفة صيانة ال30 الف ومعاها تغييير الفلاتر والبوجيهات؛ وهنا كانت الصدمة !!!
    قاللى أنت كده خرجت بره الضمان؛
    عموما عشان ماطولش عليكو تعالو نطرح مع بعض عن تجربة ايه هو أحسن مركز خدمة بعد التوكيل ؟

  • #2
    لو عايز مركز خدمه المتحده علي دائري المريوطيه
    لكن مفيش فرق بينه وبين التوكيل في الاسعار
    اظن التوكيل ارخص منه
    ميزه المتحده انك شايف عربيتك والشغل اللي فيها
    لكن
    لو عايز ميكانيكي او كهربائي
    موجودين بكثره
    شوف حضرتك حابب ايه
    [SIGPIC][/SIGPIC] ياتقول كلام في محله يا تقول حلو ياحلو
    [url]/photos/a.879931698703941.1073741827.879900435373734/879931905370587/?type=1[/url]

    Comment


    • #3
      تعديل بسيط لكلام هوجان ... الاسعار بتاعة قطع الغيار اه ممكن مفيش فرق ... انما المصنعيات اكيد المتحدة ارخص...

      ممكن تعمل حاجة تانية ... محمد رشاد اللي كان ماسك ورشة المتحدة فتح ورشة في صقر قريش اسمها الحمد ... ممكن تروحله ... و ممكن تشتري قطع غيارك بنفسك و بكدة توفر في قطع الغيار و توفر في المصنعية ...


      بس عامة معروف تماما ان اي ورشة او مركز بيجيب قطع الغيار و يبيعها اغلي قال يعني في سبيل انه ريح الزبون من اللف و قال يعني ضمان علي القطع المبيعة
      [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

      Comment


      • #4
        ألف شكر لهوجان وهيما على النصيحة ؛ بس يا جماعة حد فيكو اتعامل معاه ولا عن سمع ؛
        وبالنسبة لقطع الغيار اللى عنده أصلية ولا لأ وأى حاجة هلاقيها ولا ايه

        Comment


        • #5
          عملت عندهم صيانة ال50 و غيرت عندهم اكصدام ...


          كده كده ال30 مفيهاش قطع غيار يعني ... اخرك بوجيهات و فلاتر مع غيار الزيت
          [SIZE=6][COLOR=#001109]البريبئ [/COLOR]اتخرم و عايزيين [COLOR=#001109]بريبئ[/COLOR] جديد [/SIZE]:B4_444::dzey:

          Comment


          • #6
            لو عايز أغير زيت موبيل 1 وفلتر زيت وفلتر بنزين وفلتر هواء وبوجيهات وأغير زيت الفتيس؛يكلفنى كام فى المتحدة؛ خامات ومصنعيات ؟

            Comment


            • #7
              الصيانات اللي انت بقول عليها ي المتحدة اسعارها كالآتي
              1- تغيير زيت الماتور 365 ج تقريبا ( وانا سمعت حسين بيقول ان الزيت هيبقى ب 400 ج ) 5 لتر موبيل وان 10000 كيلو ........ ممكن انصحك بزيت تاني اسمه ليكوي مولي زيت الماني بيمشي 15000 كيلو على كلام الشركة بتاعته وعن تجربة حتى 16500 كيلو .. في نوعين 4 لتر ب 190 والتاني 4 لتر ب 265 .... وانا بصراحة بحط اربعة لتر بس وعمري ما حطيت اكتر من اربعة لتر حتى مع تغيير الفلتر ... والنوع الموصى بيه من شيري تكون لزوجته 10w - 40 اللي هو ب 190 ج 4 لتر مع الفلتر

              2- فلتر الهواء والبنزين والزيت تمن كل واحد فيهم 20 ج يعني المجموع 60 ج ودي اسعار التوفيقية يعني عندهم بتتكلم في 80 ج اسعار الحاجات دي
              3- طقم بوجيهات تقريبا 55 ج ( مش متاكد بصراحة )
              4- تغيير زيت الفتيس 65 ج ( لسة مغيره عندهم امبارح )
              5- مصنعيات 50 ج تشمل الصيانة + فحص كمبيوتر

              ونصيحة لو العربية مفهاش مشاكل وحاجة مزعلاك اعمل الحاجات دي عند اي ميكانيكي او هات قطع الغيار والزيت معاك وركب عندهم ... ولو انت بقى عايز شغل توكيل وكده روح سيبلهم العربية واقعد في التكييف وعربيتك تضطبط وقشطة

              وربنا يوفقك لكل خير

              Comment


              • #8
                تسلم يا عبد الحفيظ على المعلومات الجامدة دى؛بس هل دى عن تجربة شخصية

                Comment


                • #9
                  ايه يا جماعة هو مافيش غير المتحدة بس ولا ايه ؟!
                  عايزين نفيد بعضنا أكتر وكل واحد اتعامل مع مركز خدمة أو ورشة نضيفة وارتاحلهم ياريت يقولنا

                  Comment


                  • #10
                    المشاركة الأصلية كتبت بواسطة eng_mohamednab مشاهدة المشاركة
                    تسلم يا عبد الحفيظ على المعلومات الجامدة دى؛بس هل دى عن تجربة شخصية
                    انا بتعامل مع المتحدة
                    بس بصراحة بروحلهم في الحاجات الكبيرة بس
                    زي سير الكتينة
                    ومرة غيرت تيل فرامل عندهم
                    وآخر مرة حادثة بعيد عنك وصلحتها عندهم
                    شغلهم حلو بصراحة وفاهمين جدا في العربية وعارفين كل حاجة فيها
                    بس هما غاليين شوية ........ بس بصراحة مش غاليين قوي برضو
                    المصنعية لو حاجة هتعملها عند ميكانيكي ب 100 ج عندهم تبقى ب 150 مثلا
                    وبعدين كل حاجة بسعرها .... يعني مش بيصلح زي الميكانيكي غيرلي دي وركب دي وفك دي وفي الآخر تحاسب على الشغلانة الاساسية عندهم مش كده .... تغير تيل فرامل مصنعية 30 ج تكشف على الماتور مثلا 20 ج تربط عفشة 20 ج .. مثلا كل حاجة بسعرها فاهم .... الا لو شغلانة ب 500 ج مثلا ممكن يمشي حاجة صغيرة كدا
                    ... بالنسبة لقطع الغيار سعرها اغلى من 15 % الى 20 % عن تجار التوفيقية واحيانا بيكون الفرق 5 ج بس

                    يعني الريداتير عندهم ب 380ج وفي التوفيقية ب 300
                    مراوح التكييف عندهم ب 400 ج وفي التوفيقية ب 375
                    الفانوس الامامي ب 210 وفي التوفيقية ب 175 ج
                    الباب ب 935 ج وفي التوفيقية ب 850 ج

                    بس برضو التوفيقية ارخص مكان في مصر في قطع الغيار يعني لو محلات قطع الغيار هتلاقي اسعارهم قريبة جدا من المتحدة بل بالعكس ممكن تلاقي المتحدة احيانا ارخص من المحلات بتاع قطع الغيار ....

                    اتمنى تكون فهمت قصدي .... وبالتوفيق ان شاء الله

                    Comment


                    • #11
                      المتحدة و بس ناس زي الفل

                      Comment


                      • #12
                        قرأت فى المنتدى عن ميكانيكى شاطر متخصص سبيرانزا ، أسمه أبانوب ، فى الاميريه

                        Comment


                        • #13
                          هو الراجل طلب مركز صيانة
                          انما لو على ميكانيكي ففي ناس كتير بقت بتشتغل في اسبيرانزا
                          وشيوية الصيانات دي اي ميكانيكي ممكن يعملها بكل سهولة
                          باستثناء سير الكاتينة بس اللي الواحد بيخاف منه .... ابقى اعمله عند المتحدة علشان بيدوا ضمان عليه ...
                          ولو اتقطع بيغيروه على حسابهم بالتلفيات بتاعتهم ..

                          Comment


                          • #14
                            مراكز الخدمة يا جماعة فين ؟!!!!!

                            المشاركة الأصلية كتبت بواسطة hazem_hazem مشاهدة المشاركة
                            قرأت فى المنتدى عن ميكانيكى شاطر متخصص سبيرانزا ، أسمه أبانوب ، فى الاميريه

                            http://www.nilemotors.net/nile/3874823158-post16.html
                            تسلم يا باشا بس احنا عايزين نعرف مع بعض مراكز الخدمة المتخصصة فى الوزة ؛
                            يعنى يكون فيها ميكنيكا وكهرباء وسمكرة ودهان وعفشة

                            Comment

                            Working...
                            X