بعت العربيه

[hugan]

الحمد لله بعت العربيه
علي 40750
معروض عليا عربيه تيجو
2400 كيلو متر استهلاك
اللون اسود
رخصه 3 سنين
ترخيص 12/2013
مطلوب 90000
العربيه زيرو 99000
ترخيص ومصاريف 2000
بعني كده في توفير 11000 جنيه
رائيكم ونصيحتكم بسرعه

[alnashar]

اشتريها بسرعة بشرط الحالة

[hugan]

اشتريها بسرعة بشرط الحالة

شكر للمشاركه
لكن وجهه نظر حضرتك ايه في السرعه
حالتها زيرو عامله 2400 كيلو مافيهاش خربوش

[Hondawy_2008]

سعرها حلو جدا بس لازم تعرف ايه سبب البيع بالسرعة ديه ؟؟؟

[hugan]

سعرها حلو جدا بس لازم تعرف ايه سبب البيع بالسرعة ديه ؟؟؟

شوف
اناكنت مروح البيت لقيت العربيه بتتغسل في مغسله علي الطريق
ركنت ونزلت سالت صاحبها مش عايز تبيع
قالي اه عايز ابيع
طب ليه ياحاج قالي انا عايز اشتري النترا
يعني الراجل ماكنش عايز يبيع ولا عامل اعلان الكلام ده كان من حوالي 10 ايام
لكن النهارده قابلته بساله ياعم الحاج عايز تبيع ليه
قالي هاشتري شقه لابني
مش عارف
هل ممكن تكون في حاجه في العربيه تخليه يبيع بسرعه
لكن العربيه زيرو فعلا وبحالتها

[hugan]

النصيحه يااهل الخير

[ahmed legend]

هو سعرها حلو خلاص اتوكل على الله

[rotanamasoud]

اعتبرها عربيه مشكوك فيها
هات سمكرى يشوفها
اكشف فى التوكيل
لو كله تمام استخير وخلص

[د.أبونضال]

اتأكد من الورق لتكون مسروقة

[hugan]

هو سعرها حلو خلاص اتوكل على الله

انا باقول كده عربيه زيرو تعتبر باقل من سعرها 11000 جنيه

اعتبرها عربيه مشكوك فيها
هات سمكرى يشوفها
اكشف فى التوكيل
لو كله تمام استخير وخلص

العربيه سليمه
لكن انا خايف يكون فيها عيب تاني والحاجات دي مش بتظهر غير مع الاستعمال

اتأكد من الورق لتكون مسروقة

ورقها سليم ومرور عبود

ان شاء الله اخلص فيها والله المستعان ويقدر لي الخير فيها

[khaled_Saga]

والله يا هوجان انا مش بفهم اوى فى موضوع المستعمل بس أأقدر أقولك:

السعر على ممتاز العربية تعتبر زيرو
المشكلة فى سبب البيع لان اللى يبيع ويخسر 11 الف فى شهر ولا شهرين استخدام دى وراها سبب حرج اكيد والمشكلة الاكبر انه كدب عليك فى اول مرة ورجع غير كلامه

مش عارف!؟

[hugan]

والله يا هوجان انا مش بفهم اوى فى موضوع المستعمل بس أأقدر أقولك:

السعر على ممتاز العربية تعتبر زيرو
المشكلة فى سبب البيع لان اللى يبيع ويخسر 11 الف فى شهر ولا شهرين استخدام دى وراها سبب حرج اكيد والمشكلة الاكبر انه كدب عليك فى اول مرة ورجع غير كلامه

مش عارف!؟

يعني مبدئيا السعر يعتبر كويس
طيب
سبب تغيير كلامه هو اللي قلقني من العربيه
بدايه الكلام اول مره قالي انه مش مرتاح للعربيه لانه كان راكب تويوتا
والتيجو طبعا مش بنعومه التويوتا ولا راحتها في السواقه
علشان كده هو عايز يبيعها ويجيب النترا
ناني شيء الراجل كان شاريها ايام ماكانت العربيه ب93000 مش بالسعر الجديد 99000
يعني كل اللي خسره فيها 5000 او اقل حاجه بسيطه
بصراحه انان محتار وقلقان
وخايف العربيه تكون فرصه واضيعها
وخايف لاتكون فيها حاجه وخصوصا ان 90000 مش مبلغ بسيط ولا قليل
لكن انا اتفرجت علي العربيه النهارده زيرو فعلا مافيهاش غلطه
وكل حاجه والتقفيل فيها بختم المصنع
انصحني

[matrix_it]

اكشف فى التوكيل و اشترى

[jojojojo]

انت حضرتك تعب مفسك ليه اكشف ف التوكيل وريح دماغك ولو طلعت تمام توكل ع الله

[walidzakzok]

اكشف فى التوكيل و اشترى

+111111111111111111