تيجو ضد 516

[hugan]

الاعزاء
النهارده الحمد لله رجعت من الساحل
وكنت عايز اعمل تقييم صغير ومقارنه بين حبيبتي السابقه 516
ومراتي الجديده التيجو 1600
بسم الله
التيجو
من الخارج
عاليه طبعا
تصميم جميل وشكل فخم الاسود من انجح الوانها ولو اني مش بحبه نهائي
طبعا المطبات مفيش بح خلاص
من الداخل خامتها افضل من ال 516 البلاستيكات جامده ومتينه عن ال 516
فيها اماكن تخزين كتيره جدا
وجراب للنظاره كمان
ضيقه شويتين عن ال 516 ال516 بحر من الداخل بمعني الكلمه
درج التابلوه مفيش فيه نور ال 516 فيها طبعا
الابواب في التيجو فيها انوار تحذيريه ال 516 مافيهاش
الشمسيه اليمين مافيهاش نور في التيجو ال 516 فيها
مفيش عداد رحلات في التيجو ال 516 فيها
تقريبا مفيش حامل اكواب في التيجو معوضينه بمكان مربع امام عصايه الفتيس
الكنبه الخلفيه في التجو كراسيها ببتحرك للامام والخلف ميزه جميله بخلاف طي المساند
مخرج شاحن التليفون الزياده موجود في الشنطه
مفيش فتح شنطه من الريموت زي ال 516
امكانيه اضافه كرسي في شنطه العربيه لراكب سادس حاجه جميله
العفشه
حتي الان جميله لكن طبعا ناشفه يمكن لان طبيعه العربيع وتصميها لازم تكون كده
استهلاك البنزين عالي مفيش كلام
سحب العربيه
هي دي الصدمه العربيه مقاومتها للهواء في الضايع
يعني اخرها 140 ويبقي كده فل الفل
ويمكن ده السبب لارتفاع استلاكها للبنزين
ال 516 ماشاء الله عليها بعد الغيار ال 3 العربيه بتفتح بطريقه غبيه وممكن توصل 170او 160 بسهوله جدا حتي في المطالع
التيجو بتخسع بطريقه غبيه في الطالع
لو في مطبات هواء والعربيه علي 130 مراجيح مراجيح ال 516 كانت بتكون مكلبشه في الارض
من الاخر التيجو اللي يشتريها يكون غاويها ومش بتاع جري ولا حرق ولاشد
وبيكون شاري العربيه علشان متانتها وارتفاعها عن الارض

[islamnasser10]

مبرووووك عليك التيجو
مقارنة استفدت منها

[hugan]

مبرووووك عليك التيجو
مقارنة استفدت منها

اشكرك

[M I D O]

مقارنة جميلة وكدة انت شلت من دماغي مقارنة ال 516 معا التيجو بتوفير الفرق في الفلوس وان ال 516 احسن في السرعة و الشد

[hugan]

مقارنة جميلة وكدة انت شلت من دماغي مقارنة ال 516 معا التيجو بتوفير الفرق في الفلوس وان ال 516 احسن في السرعة و الشد

معاك
لولا المطبات والشبكه العلويه للتيجو مكانتش افكر اغير ال 516

[kimocyc]

ربنا يبارك لحضرتك.. بس ملحوظة.. فيه عداد رحلات في التيجو.. وهوا عن طريق الدراع اللي في العدادات وده بتضغط عليه والعربية مفتوح كونتاكتها.. وتضغط بالتناوب حتى تصل لعداد الرحلات وتقوم بتصفيرة بضغطة طويلة اثناء الوقوف على عداد الرحلات.... ثم الضغط بالتناوب مرة اخرى للرجوع للاستهلاك..

وعلى فكرة لقياس الاستهلاك الفعلي.. متعتمدش على معدل الاستهلاك الظاهر بالتابلوة.. فهو تقريبي.. ومبروك مرة تانية

[kimocyc]

وبخصوص السحب.. فروح الغيارات بالتيجو اطول بكتيييير من ال 516.. فشبع الغيار واتفرج ع السحب

[hugan]

ربنا يبارك لحضرتك.. بس ملحوظة.. فيه عداد رحلات في التيجو.. وهوا عن طريق الدراع اللي في العدادات وده بتضغط عليه والعربية مفتوح كونتاكتها.. وتضغط بالتناوب حتى تصل لعداد الرحلات وتقوم بتصفيرة بضغطة طويلة اثناء الوقوف على عداد الرحلات.... ثم الضغط بالتناوب مرة اخرى للرجوع للاستهلاك..
وعلى فكرة لقياس الاستهلاك الفعلي.. متعتمدش على معدل الاستهلاك الظاهر بالتابلوة.. فهو تقريبي.. ومبروك مرة تانية

تمام يعني كده في عداد رحلات لاني استغربت جدا من عدم وجود الدراع التاني زي ال 516

وبخصوص السحب.. فروح الغيارات بالتيجو اطول بكتيييير من ال 516.. فشبع الغيار واتفرج ع السحب

لكن الموتورين واحد
اظن ضفيره الكهرباء مختلفه عن ال 516 تماما
انا مش من الناس اللي بتحرق علي الغيار وفي ال 516 كنت بانقل علي 4 ار بي ام
لكن فعلا لاحظت في التيجو ان 4 ار بي ام في التالت مثلا ممكن يوصل معايا 95 في ال 516 كان 80
لكن تبقي مشكله الثبات والتخسيع في المطالع
العربيه بعد ال 140 مفيش ثبات مع الهواء الشديد
وكمان لو في مطلع جامد العربيه علي ما بتخلص المطلع ممكن تنزل 20 كيلو عن السرعه
كانت عايز اسال علي ضغط الهواء بتاع الكاوتش كام
انا ظبطته علي 34 وشايف انه كتير وكان مظبوط علي 36
نزلت الضغط شويه علشان الكاوتش يبقي حنين ومفيش نشوفيه
ولا الضغط كده عالي

[hugan]

كنت عايز اعرف التانك بتاعه نفس سعه ال 516 ولا اكبر شويه

[kimocyc]

الموتورين واحد آه ، لكن الفتيسين مختلفين عشان كدا بقولك روح الغيارات في التيجو.. اطول

الضفيرة نوعا ما مختلفة..

التانك: 57 لتر..

ضغط الهواء 29-30 (2 bar) صيف وشتاء

الثبات والمطالع.. طبيعي لارتفاع السيارة عن الارض 19 سم تقريبا.. , وعلى فكرة انا جربتها حتى 170 كم على طريق اسكندرية - مطروح الساحلي وكان الثبات جيد جدا.. لكن في المطالع بتقل طبعا..

[hugan]

الموتورين واحد آه ، لكن الفتيسين مختلفين عشان كدا بقولك روح الغيارات في التيجو.. اطول

الضفيرة نوعا ما مختلفة..

التانك: 57 لتر..

ضغط الهواء 29-30 (2 bar) صيف وشتاء

الثبات والمطالع.. طبيعي لارتفاع السيارة عن الارض 19 سم تقريبا.. , وعلى فكرة انا جربتها حتى 170 كم على طريق اسكندرية - مطروح الساحلي وكان الثبات جيد جدا.. لكن في المطالع بتقل طبعا..

اكيد موضوع الفتيس ده
انا بصراحه اول مره اسمع كده
كل اللي اعرفه ان موتور التيجو ال 1600 هو نفسه موتور ال 516 وال ام 11/12
تخيلت انهم نفس الموتور والفتيس

ضغط الكاوتش
29/30
يعني كده الكوتش عندي منفوخ جامد
القايم بتاع العربيه مكتوب عليه الضغط لكن بالبار مش بالمتعارف عليه عندنا
يعني انزل الضغط من 34 الي 30
لو فعلا الضغط 30 ممكن يكون سبب العومان والنشوفيه هو الضغط المرتفع 34

[kimocyc]

أستاذنا الفاضل.. الحمد لله انا مبقولش معلومة الا لما اتأكد منها.. (انا معايا التيجو 2010 والحمد لله)..

واكيد موضوع الفتيس وحضرتك بنفسك جربت ال rpm 4 بين الاثنين..

وموضوع الضغط برضوا اكيد.. وللمعلومة ( bar = 14.5 psi ) يعنى ال 2 بار = 29



ملحوظة: مع حضرتك أحد ادمنز جروب اسبرانزا للجميع..

[hugan]

أستاذنا الفاضل.. الحمد لله انا مبقولش معلومة الا لما اتأكد منها.. (انا معايا التيجو 2010 والحمد لله)..

واكيد موضوع الفتيس وحضرتك بنفسك جربت ال rpm 4 بين الاثنين..

وموضوع الضغط برضوا اكيد.. وللمعلومة ( bar = 14.5 psi ) يعنى ال 2 بار = 29



ملحوظة: مع حضرتك أحد ادمنز جروب اسبرانزا للجميع..

شكرا ليك خلاص هاظبط العجل علي 30 واشوف النتيجه كده واقولك
بخصوص الجروب اكتب ايه علي صفحتي في الفيس علشان اشترك معاكم

[S O P H O S]

مقارنة مفيدة بصراحة

[bassemali]

العربيات الأسبرانزا دي سبحان الله فيها حاجه كده تخلي الواحدؤيحبها ويعشقها كمان ... أنا عايش ف السعوديه وبركب عربيات خرافيه وعربيتي هنا شيفروليه إبيكا 2006 لكن والله مش بحس بمتعة السواقه غير لما بكون سايق الأسبرانزع .... بحبها قوي ووحشتني قوي... ربنا يبارك للكل ف عربيته يارب ويصلح حال بلدنا ويرجعنا ليها بقى عشان الواحد إتخنق خلاص.