ارجو النصيحة لوجه الله فى 516

[alaa0000000]

السلام عليكم

اخوانى الكرام مشرفى واعضاء المنتدى الكريم .....

كنت عاوز سيارة 516 لكن الميكانيكى بيقول انها بتسخن !!!!! وعشان كده سواقين التاكسى بيغيروا الماتور باللانسر!!!!! كذلك بيقول ان الصبابات بتكسر وش السلندر لانه خامه رديئة ؟؟؟؟
ياريت الافادة والنصيحة الخالصة لوجه الله .... هل السيارة صحيح بتسخن ... وما هى عيوبها من المجربين ؟؟؟؟ وتنصحونى باى موديل للسيارة اى سنه لاننى اعرف ان الموديلات القديمة كان فيها مشاكل ؟؟؟؟؟واشوف ايه عند شراء المستعمل من السيارة ؟؟؟

وجزاكم الله خيرا

[hugan]

باشا الكلام ده من مالك لل516 من 2008 من الزيرو
وعامل بيها 115000 كيلو
الميكانيكي بتاعك لايفقه شيء عن العربيات
ال516 لا تسخن نهائي نهائ ومع التكييف وفي اشد ايام الصيف حراره

عربيه محتر مه جدا
الوش بتاع السلندر ماتحملش مع سائقي التاكسي لسببين
بنزين 80
الغاز
يعني استخدامهم السيء للعربيه مش عيب فيها
وبع\ كده يقولك العربيه ما بتستحملش
الكلام ده منم اللك للعربيه مش واحد بيتكلم بالسمع
ومستخدمها لفتره قاربت علي ال 5سنوات وعامل بيها كيلو متر مش قليل 115000
نقطه تانيه كتير من الميكانيكه مش بيعرفوا يشتغلوا فيها
الاسبرانزا زيها زي العربيات الالماني ليها المكيانيكي بتاعها
بخلاف الياباني والكوري اي حد يشتغل فيها
يعمل ايه الميكانيكي علشان يعقدك منها
يقول الكلمتين اللي حضرتك ذكرتهم
تاني شيء مكسبهم من تسقيط مواتير اللانسر كبير
علشان كده بيقنعوا اي زبون بالتسقيط
يارب اكون افدتك واي سؤال عن العربيه تحت امرك

[alaa0000000]

باشا الكلام ده من مالك لل516 من 2008 من الزيرو
وعامل بيها 115000 كيلو
الميكانيكي بتاعك لايفقه شيء عن العربيات
ال516 لا تسخن نهائي نهائ ومع التكييف وفي اشد ايام الصيف حراره

عربيه محتر مه جدا
الوش بتاع السلندر ماتحملش مع سائقي التاكسي لسببين
بنزين 80
الغاز
يعني استخدامهم السيء للعربيه مش عيب فيها
وبع\ كده يقولك العربيه ما بتستحملش
الكلام ده منم اللك للعربيه مش واحد بيتكلم بالسمع
ومستخدمها لفتره قاربت علي ال 5سنوات وعامل بيها كيلو متر مش قليل 115000
نقطه تانيه كتير من الميكانيكه مش بيعرفوا يشتغلوا فيها
الاسبرانزا زيها زي العربيات الالماني ليها المكيانيكي بتاعها
بخلاف الياباني والكوري اي حد يشتغل فيها
يعمل ايه الميكانيكي علشان يعقدك منها
يقول الكلمتين اللي حضرتك ذكرتهم
تاني شيء مكسبهم من تسقيط مواتير اللانسر كبير
علشان كده بيقنعوا اي زبون بالتسقيط
يارب اكون افدتك واي سؤال عن العربيه تحت امرك

بارك الله فيك وجزاك الله خيرا.....

الموديل اللى حضرتك تنصحنى به مستعمل سنه كام ؟؟؟؟

[mshmshm3]

مش اي حد يقولك حاجة تصدق و خصوصا الميكانيكية الفتايين

[hugan]

بارك الله فيك وجزاك الله خيرا.....

الموديل اللى حضرتك تنصحنى به مستعمل سنه كام ؟؟؟؟

من 2010
العربيات اللي ليها اسبيلور نيكل علي الشنطه
وياريت تكون كيلو متر قليل علشان تستمع بالعربيه

[alaa0000000]

من 2010
العربيات اللي ليها اسبيلور نيكل علي الشنطه
وياريت تكون كيلو متر قليل علشان تستمع بالعربيه

بارك الله فيك ....

معلش يعنى ايه اسبيلور نيكل على الشنطة ؟؟؟؟؟؟؟ ( مفيش خبرة )

وشكرا لك

[hugan]

[QUOTE=alaa0000000;3874887338]

بارك الله فيك ....

معلش يعنى ايه اسبيلور نيكل على الشنطة ؟؟؟؟؟؟؟ ( مفيش خبرة )

وشكرا لك

[/QUOTE
من 2010 تم بعض اتعديلات علي ال 516
شكل طاره الدركسيون اتغيرت
الشنطه تم تركيب حليه نيكل من الخلف ليها الاسبيلور اللي انا قصدي عليه
تم بعض التعديلات في العفشه علشان تكون افضل

[alaa0000000]

معلش اخى الكريم تعبتك معى ...

موديل 2010 فى حدود كام وتكون معقولة ؟؟ وهى جميع الكماليات ؟؟؟
هل الماتور حدث فيه تغيير عن باقى الموديلات السابقة ؟؟؟؟
وشكرا لك مره اخرى ...

[hugan]

معلش اخى الكريم تعبتك معى ...

موديل 2010 فى حدود كام وتكون معقولة ؟؟ وهى جميع الكماليات ؟؟؟
هل الماتور حدث فيه تغيير عن باقى الموديلات السابقة ؟؟؟؟
وشكرا لك مره اخرى ...

الموتور لم يحدث فيه تعديل من نزولها الي الان
جميع الكماليات موجوده في كل الموديلات
الاسعار العربيه حاليه وصل سعر ها الي 76 الف
المستعمل
انا بايع عربيتي 2008 فابريكه بالكامل عامله 115000 كانت جايبه 42000 لكن نزلت الي 41 بسبب خبطه كنت ناسيها وكنت مستعجل في بيعها
يعني بتتكلم من 55 الف الي 40 حسب حاله كل عربيه

[aftr]

العربيه دى من العربيات المحترمه مع صديق بقالها 3 سنوات معاه مغيرش اى حاجه فى العفشه عربيه واسعه من الداخل وثبات فوق الممتاز اتوكل على الله والف مبروك مقدما
هوجن قال كل حاجه

[abdulhafeez]

بالنسبة لتسقيط ماتور اللانسر
تمن ما تور اللانسر كان في حدود 4 آلاف جنية
دلوقتي سعرة وصل 9 آلاف جنية بسبب الاقبال عليه

بعدين التاكسي اللي بيغير الماتور ده بيكون اقل حاجة ماشي 250 الف كيلو ( ربع مليون كيلو )
انا لسة شايف تكسي عند المتحدة ماشي 195 الف وماتوره اسبيرانزا عادي

وسالت استاذ محمود حسين مدير مركز المتحدة : اكتر عربية اسبيرانزا جاتلك كانت ماشية اد ايه

تخيل كده قالي كام .......... 400 الف كيلو

قلته غيرت ماتور ........... قالي لا
قلته غيرت وش سلندر ......... قالي لا

قالي بتعمل الصيانة العادية بس مش اكتر من كده ( زيت وفلاتر وسير كتينة )

انا كنت قريت قبل كده موضوع ان العربية بيبقى عمرها الافتراضي وهي طالعة من المصنع 300 الف كيلو

لما نيجي بقى نتكلم عن عربية صيني وكمان تقفيل مصري وشركة جديدة في السوء( شركة شيري ) ومنافسة قوية وسعر قليل
وصيانة وقطع غيار رخيصة ( وكمان في قطع غيار مضروبة كتير , ومعظم الناس مش بتحط قطع الغيار الاصلية ولا البديل الياباني في بعض الظروف وبتحط ارخص قطعة بتلاقيها في السوق ) ........ يعني خلي عمر الاسبيرانزا الافتراضي 200 الف كيلو الى 250 الف

انت لو بتشوف الناس اللي معاها عربيات الماني بيحافظوا عليها ازاي والصيانة في معادها ولازم في التوكيل ولازم القطع الاصلية والمطب يتاخد بالراحة ....... ولو فيه ونه في اي حاجة جري على التوكيل ... وتدفع فلوس كتير ....... وتقولي اصل الالماني عمره الافتراضي طويل ........ طيب اصرف على عربية صيني ربع اللي بيتصرف على ارخص عربية الماني ( سكودا مثلا ) وبعد كده قول العربية بتعيش ولا لا

قرايبي عملوا صيانة لعربية باسات 2008 وكانت صيانة 60 الف دفعوا فيها 3800 ج .........
شوية فلاتر وزيت فتيس وزيت مكنة ويمكن تيل الفرامل ...........

انا مش بقول ان العربيات الالماني وحشة ...... لكن ك كوست بينيفت بتبقى مكلفة جدا وخصوصا الفولكس

كنت قريت مقال ان احسن العربيات اعتمادية كانت 5 شركات ياباني في المقدمة وبعديها الشركات الكوري
والمرسيدس حصدت المرتبة 23 وآخر حاجة كانت رنج روفر في المرتبة 35

الدراسة كانت تمت على استخدم السيارة لمدة سنة كاملة ويشوفوا العربية هتحتاج ايه كان المركز الاول هوندا وبعده تويوتا وبعده تقريبا سوبارو ثم ميتسوبيشي ثم ديهاتسو ثم مازدا .... ثم هيونداي ثم كيا

من الآخر لو معاك فلوس تجيب لانسر ........ هات لانسر وماتجبش اسبيرانزا ...... وده مش معناه ان الاسبيرانزا وحش ( انا شخصيا بحب الاسبيرانز عن الانسر .... لاني مش بحب العربيات الصغيرة )
ماتروحش تجيب اسبيرانزا وبعد كده تقول اصله الانسر احسن .........

هيبقى فيه سؤال مهم انت اشتريت الاسبيرانزا ليه ؟؟؟؟؟؟؟؟؟؟؟؟

اكيد علشان هي ارخص من الانسر وفيها كتير من امكانتها .......

(( واوعى تنسى : ما ينفعش اقارن عربية ب 70 الف بعربية ب 120 الف ..... دي مقارنة مش عادلة ))

وربنا يوفقك وتجيب حاجة كويسة

وآسف للاطالة