مع الاعتذار لشريف المصري..طلعت محروقة فعلاً!! (وائل عطية)

[وائل عطية]

معلش يا شريف باشا لسوء الظن في حقيقة موضوع اسبيرانزا محروقة
كنت امبارح في الزفت التوكيل بتاع جسر السويس وشوفت أسود يوم مر عليا في حياتي امبارح ومش هاقول دلوقتي ليه لأني معنديش رغبة في الكتابة حالياً
المهم لأني عارف إن الناس مستنية تعرف موضوع العربية المحروقة دا صح ولا فبركة من شريف المصري ..
أولاً باعتذر لشريف عن سوء الظن في إن الموضوع متفبرك
ثانياً بعد محاولات مضنية من اللف والدوران هناك عرفت إن العربية كانت موجودة فعلاً في الدور التاني
بس طبعاً هما مانعين الدخول للورشة واتخانقت امبارح أكثر من مرة مع موظف الأمن بسب منع الدخول دا
المهم عرفت إن العربية اتحرقت بسبب إن شخص ما من معارف صاحب العربية حط مفتاح فوق علبة الفيوزات (لمن لا يعلم علبة فيوزات الاسبيرانزا موجودة فوق البطارية وتحت الكبوت مباشرة)
المهم صاحبنا حط المفتاح وقفل الكبوت اللي بدوره ضغط على المفتاح وأدي لتوصيل تيار كهربائي من خلال المفتاح مُحدثاً شرر مما أدى لحدوث الحريق (الله وحده يعلم مدى صحة هذه الرواية)
طيب إيه الحل اللي اتعمل:
قال اتصلحت في المصنع ورجعت زي الأول وكان نص التكلفة على صاحبها لثبوت الإهمال والنص على المصنع
وقاللي إنه استلمها يوم السبت
دي كانت رواية أحد الأشخاص واللي قالهالي بعد ما أخد 10 جنيه وسيجارة مارلبورو
ياريت بقى لو صاحب العربية بنفسه يظهر ويبان ويقولنا إيه الموضوع بالظبط

[Hossam_Hassan]

الأعتذار من شيم الكبار.

[محمد المشد]

الاخ وائل ..... فعلا كل يوم تثبت انك محترم والاعتذار يزيدك فى نظرنا تقديراً ، ولكن بالنسبة لموضوع الحرق بالسيارة من الممكن ان يحدث اى خطأ بأى سيارة مهما كان نوعيتها ! ولا يشترط الامر انها اسبرانزا او غيرة ، ولكن اخونا شريف بقى قاعد على قلب بتوع الاسبرانزا وبيستنا اى خبر جميل عنها ! مبسوط كدة ياشريف من اللى حصل ؟

[ehabbadr]

واضح ان الموضوع مش عيب سياره و الا صاحبها ماكنش سكت و كان أرسل رسايل تانيه فى كونتاكت أو هنا أو كان كلم وائل .

[معاذ الشرباصى]

واضح ان الموضوع مش عيب سياره و الا صاحبها ماكنش سكت و كان أرسل رسايل تانيه فى كونتاكت أو هنا أو كان كلم وائل .

و ليه ميكونش التوكيل عملها على حسابه علشان يقفل على الموضوع و طلب من صاحب السيارة انه ميفتحش الموضوع مع اى حد علشان الشوشرة؟!

[ehabbadr]

صاحب السياره دفع نصف المبلغ و التوكيل يقدر له على ايه علشان يمنعه من الكلام و كمان دافع فلوس ؟

[معاذ الشرباصى]

صاحب السياره دفع نصف المبلغ

احنا حضرتك مش متأكدين من الموضوع ده

علشان كده انا بقول ممكن يكون كذا حصل, بس

بما ان الموضوع مبهم و غير واضح المعالم يبقى منقدرش نقول الراجل هو اللى غلطان و لا عيب

بس الاكيد ان كان فى عربية محروقة :)

[ehabbadr]

كان فيه عربيه ضفيره الكهرباء فيها هى اللى اتحرقت مش العربيه اللى محروقه :)

[mohamed yousry]

ياريت بقى لو صاحب العربية بنفسه يظهر ويبان ويقولنا إيه الموضوع بالظبط

_________________

يا ا.وائل هو فى اية ولا فى اية؟ دى مصيبة حصلتلوا واكيد مفهوش دماغ دلوقت.........
ياريت يا اخونا مفيش حد يسيب حقة فى التوكيل.... وميمشيش الا لما ياخد حقة تالت ومتلت..... حتى لو اضطر الامر لأستخدام الزعيق... والكلام دة مش للأسبرانزاوية بس دة لكل الناس عشان البلد دى مبتجيش غير بكدة... انا مرة فى غبور العامل فوت موضوع تربيط العفشة وانا كنت شايفة من فوق ورحت بلغت مديرة لأن جدول الصيانة مكتوب فية تربيط العفشة.. مسكوا بهدلة وخلاة يرفع العربية قدامة ويربطها.......
اخيرا.... شكرا شريف المصرى على امانتك ومصداقيتك....
وشكرا وائل عطية على شجاعتك وعملك على ابراز الحقيقة..... مستنيين تقول اللى حصل فى التوكيل معاك.......

[sh_masry]

شكرا ليك يا وائل لأظهارك حقيقه الموضوع بالرغم انك كان ممكن ماتقولوش ..........
تانى حاجه انا عايز افهمها , حتى لو الموضوع ده ما كانش صح يبقى انا مفبرك الموضوع ؟؟؟؟ ليه , هو انا بينى و بينكم تار ؟؟؟
يا جماعه انا الحمد لله مش كداب و اكره الكدب زى عنيا بدليل ان اول ما حد قال ياريت تتأكد من الموضوع ده قولتله لو انتم اتأكدتم ان مافيش موضوع زى ده اساسا يبقى شيلوه و احذفوه !!!!!!!
و عموما انا مش هاتبلى على اى شئ او اى شخص او اى عربيه حتى لو انا من اعدائها و ارجو انكم تفهموا كده ......

http://www.nilemotors.net/Forum/viewtopic.php?p=31431#31431

[TAREKSHEIR]

أخى شريف .. عندما نتكلم معاً يكون من منطلق أننا شخص واحد يبحث عن الحقيقة وليس شخصان .. هذه نيتى .
أنا أبحث معك وليس ضدك ولم أفكر فيما تفكر فيه .. يعنى بالبلدى مشكتش فيك خالص .. شكيت فى من نقلت عنه .. إنت مش جايب موضوع من الهوا .. إحنا إخوات أولاً وأخيراً وبندخل نتواصل من غير منشوف بعض حتى الأن وبنتبصت كلنا ..
وعموماً على نيتك إنت حقك على متزعلش منى .
( على فكره محدش قال إنك كداب .. ومحدش يجرأ يقولها )
إضحك بقى ياأخى

:D :D :D :D :D :D :D

[sh_masry]

:lol:

[sh_masry]

دي كانت رواية أحد الأشخاص واللي قالهالي بعد ما أخد 10 جنيه وسيجارة مارلبورو

العشره جنيه و السيجاره دى عندى انا يا عم وائل ... ماتزعلش ههههههههههه

[وائل عطية]

العشره جنيه و السيجاره دى عندى انا يا عم وائل ... ماتزعلش

أنا عايز العشرة جنية دلوقتي حالاً :lol: :lol: :lol:
وبعدين ياشريف محدش اتهمك انت شخصياً بحاجة، الشك كان موجه للشخص اللي حط الموضوع على كونتاكت لأنه ماظهرش تاني واتكلم وفعلاً أنا مستني ياريته يتكلم لأني باقولك أنا طلعت المعلومة دي بالعافية وعلى طريقة وكلاء النيابة
المهم انت بعيد عن الموضوع تماماً ..خليك بقى في الإلنترا بتاعتك دي :lol: :lol:

[وائل عطية]

شكرا ليك يا وائل لأظهارك حقيقه الموضوع بالرغم انك كان ممكن ماتقولوش

على فكرة ياشريف تقريباً انت لسه ماتعرفنيش كويس
والله ياشريف لو على رقبتي، عمري ما أكتم شهادة، أو أحول الحق لباطل، يعني حتة إني كان ممكن ماقولش دي غير واردة تماماً أرجو أن تكون واثقاً في هذا، ويندرج تحت كده أي رأي باأقوله عن العربية