اغرب حاجة ممكن تتخيلوها في التيجو الجديدة

[M I D O]

بسم الله الرحمن الرحيم

النهاردة وانا بشوف موقع ابو الفتوح وبتفرج علي التيجو الجديدة شفت حاجة غريبة اووووي المحرك 1600 سي سي 2 كامة و استهلاك البنزين فية 5.1 لتر لكل 100 كيلو ودة المتوسط و الانفي الجديدة 1500 سي سي كامة واحدة استهلاك البنزين 5.4 لتر لكل 100 كيلو متوسط طيب اديني عقلك بقي ازاي التيجو الي اكبر في الحجم و الوزن ومقاومة الهواء بتاعتها عالية ومحرك سعتة اللترية اكبر و 2 كامة يبقي استهلاك البنزين بتاعها اقل من الانفي ؟؟

[hugan]

المكتوب عن معدلات الاستهلاك في كل انواع العربيات
الماني ياباني صيني كوري
كله كلام للدعايه وغير حقيقي
ولما تيجي علي ارض الواقع بتلاقي معدلات الاستهلاك ضعف الكلام المكتوب

[MaZaGAngeE]

يمكن ان ال 2 كامة اوفر في الاستهلاك من الكامة الواحدة

عموما مواقع الوكلاء في مصر مصادر مش موثوق في بياناتها لأنهم زي مندوبين المبيعات بتوعهم كده مش عارفين بيبيعوا ايه

[kar!m]

عادي جدا .. في عوامل تانية كتير بتتحكم في استهلاك الوقود.

زي مثلا تكنولوجي ال CVVT اللي في الهيونداي أو VVT-I اللي في التويوتا أو EcoTEC اللي في أوبل .. و حاجات تانية كتير.

[hilal]

الموضوع بسيط جدا ، معدل الاستهلاك بيحسبوه في ظل ظروف مثالية ، طريق نظيف بدون مطبات ، سالك من غير زحمة ، بنزين نظيف ، والعربية مضبوطة 100%.
أما التيجو ، فشيء غير قابل للتصديق ، أو يمكن بيقيسوا الاستهلاك والهوا في ظهرك ، وانت نازل منزل الدائري ، بس برضه مبالغ فيها حبتين

[hamaka]

أعتقد ان الانفى هى اللى صح و الاسبرانزا اشتغالة شويتين...

[temo85]

بالعكس المحركات ال 2 كامه dohc استهلاكها اكتر من الكامه الواحده ال sohc و ادائها افضل طبعا بس على حساب الاستهلاك ,, كل الحسابات المكتوبه دى بتكون فى افضل طروف القياده وده مبيحصلش على ارض الواقع يعنى لو قال ان الاستهلاك 5L/100km ده فى الحقيقه بيكون مش اقل من 9L/100km

[S O P H O S]

ممكن فرق محرك وتكنولوجيا
يا اما الموقع بيكتب اي شئ ..

[M I D O]

المكتوب عن معدلات الاستهلاك في كل انواع العربيات
الماني ياباني صيني كوري
كله كلام للدعايه وغير حقيقي
ولما تيجي علي ارض الواقع بتلاقي معدلات الاستهلاك ضعف الكلام المكتوب

لا مش دي الفكرة هما بيحسبو معدلات الاستهلاك في اعلي الظروف يعني طريق فاضي مفيش مطبات الهواء في ظهرك مش في وشك ماشي علي ار بي ام اقل من 3 مفيش تكييف يعني سواقة خاصة اوي لاكن علي ارض الواقع بيبقي في معدلات تانية بتعلي الاستهلاك

[M I D O]

يمكن ان ال 2 كامة اوفر في الاستهلاك من الكامة الواحدة

عموما مواقع الوكلاء في مصر مصادر مش موثوق في بياناتها لأنهم زي مندوبين المبيعات بتوعهم كده مش عارفين بيبيعوا ايه

لا يا باشا الكامة الواحدة موفرة في البنزين عن ال 2 كامة

[M I D O]

عادي جدا .. في عوامل تانية كتير بتتحكم في استهلاك الوقود.

زي مثلا تكنولوجي ال cvvt اللي في الهيونداي أو vvt-i اللي في التويوتا أو ecotec اللي في أوبل .. و حاجات تانية كتير.

ماشي انا معاك بس مش قوي كدة يعني بالعقل التيجو وزن اتقل مقاومة هواء اعلي بكتير محرك سعتة اللترية اكبر يبقي ازاي استهلاك بنزين اقل

[M I D O]

الموضوع بسيط جدا ، معدل الاستهلاك بيحسبوه في ظل ظروف مثالية ، طريق نظيف بدون مطبات ، سالك من غير زحمة ، بنزين نظيف ، والعربية مضبوطة 100%.
أما التيجو ، فشيء غير قابل للتصديق ، أو يمكن بيقيسوا الاستهلاك والهوا في ظهرك ، وانت نازل منزل الدائري ، بس برضه مبالغ فيها حبتين

بالظبط كدة وبالنسة للتيجو علي الحسبة دي يبقي انت راكب وعربية تانية شداك وانت يادوب ماشي علي السلانسية

[M I D O]

أعتقد ان الانفى هى اللى صح و الاسبرانزا اشتغالة شويتين...

انا اعتقد ان في مبالغة في ال 2 بالذات التيجو مش بالغو لا دي فتحت من اوي

[M I D O]

بالعكس المحركات ال 2 كامه dohc استهلاكها اكتر من الكامه الواحده ال sohc و ادائها افضل طبعا بس على حساب الاستهلاك ,, كل الحسابات المكتوبه دى بتكون فى افضل طروف القياده وده مبيحصلش على ارض الواقع يعنى لو قال ان الاستهلاك 5l/100km ده فى الحقيقه بيكون مش اقل من 9l/100km

بالظبط يا باشا بس الاستهلاك الي بيقولوة مش دايما غلط لاني ركبت مرة معا خالي اسبرانزا 516 ومشي ال 100 كيلو ب 7 لتر ونص وكان مشغل التكييف فاعتقد ان الاستهلاك مش دايما بيكون للدعايا ولاكن بيفرق من اسلوب السواقة نفسها

[M I D O]

ممكن فرق محرك وتكنولوجيا
يا اما الموقع بيكتب اي شئ ..

لا هوة اكيد الموقع بيكتب اي شئ