مساعده في حادثه عربيه واحد صاحبي516

[hpxp]

السلام عليكم
اخوكم احمد من قسم الشيفروليه
اخو صاحبي الحمد لله اخد العربيه مشوار والحمد لله خيش في حيطه
والخساير هيا الرفرف الامامي شمال
الاكصدام
والجنط اتفرتك بقي شكل البيضه ومكسور
المقص اتعوج وجبنا واحد ب 145 جنيه صيني وركبناه بس ركب تلصيم كده علشان القنطرة
القنطرة اتعوجت
الكوبلن فرت
وتقريبا المكانيكي جاب واحد من عنده وركبه
المهم يعني العربيه ماشيه ملوحه دلقتي
اه والشاسيه اتعوج والكبوت مفارق بحوالي 2-3 سم من الناحيه التانيه
وةالفانوس اتاكسر
والشبكه اتكسرت
فعايز اعرف تكلفه الحجات دي مبدائيا علشان اقدر اساعده
وشكرا :)

[hugan]

مد لله على سلامة حضرتك
الكبوت جديد ب 600 ج
الرفرف 175 و 220
سربنتينة التكييف 300
مراوح التكييف 350
الريداتير 300
الشبكة 90 ج
الاكصدام الامامي 100 و 150
السدر الامامي تقريبا 400
الاسعار دي من التوفيقية في شهر 2 اللي فات
منقول عن الاخ عبد الحفيظ

[mohamed_rhem]

ربنا يعينك

وديها الحرفيين عند سمير وعلي او احمد قدورة

[bmya]

ربنات ستر الحمد لله بس هو كان ماتشي بسرعه اوي ولا ايه

[hpxp]

مد لله على سلامة حضرتك
الكبوت جديد ب 600 ج
الرفرف 175 و 220
سربنتينة التكييف 300
مراوح التكييف 350
الريداتير 300
الشبكة 90 ج
الاكصدام الامامي 100 و 150
السدر الامامي تقريبا 400
الاسعار دي من التوفيقية في شهر 2 اللي فات
منقول عن الاخ عبد الحفيظ

شكرا ليك يا باشا وربنا يكفيك شر الحوادث

ربنات ستر الحمد لله بس هو كان ماتشي بسرعه اوي ولا ايه

والله لبسرعه ولا ححاجه كل الي حصل ان موبيله وقع منه في الدواسه نزل يجيبه لقي نفسه هيخبط في عربيه ركنه وهوا علشان خبرته قليله لسه فاتخض فكسر الدريكسيون كله ناحيه حيطه مسلحه وداس بنزين بدل فرامل وطرراااااااااااخ في الحيطه (حيطه مسلحه)
الناس اتلمت عليه وكدا وفي وسط اللمه دي موبيله الي نزل يجيبه من الدواسه اتسرق :(( نقول ايه بقي غير حسبي الله ونعم الوكيل

[hpxp]

ربنا يعينك

وديها الحرفيين عند سمير وعلي او احمد قدورة

تسلم يا ريس هما ودوها لناس خلاص تبعهم يعني ووربنا يعنهم بقي علي مصرفها لانهم كانو هيبعوا العربيه
وشكرا ليك يا ريس

[abdulhafeez]

بص ياباشا الحادثة دي حصل معايا زيها بالضبط
القنطرة لو اتنت لازم تتغير مفيش امل انها تتصلح لو عايز العربية تمشي مضبوط القنطرة لازم تتغير
انا جبتها كان تمنها ٤٥٠ ج والمتحدة كان بيقولي ان الاستيراد الاصلي تمنها ١٢٠٠ج
القنطرة هي اللي هتضبط مشية العربية والمحور الامامي ... وبعد كل ده يروحوا لواحد بتاع زوايا وياريت يكون ورشة مش بنزبنة
لان بتوع البنزينات مش بيعرفوا في ضبط الزوايا كويس
الورشة هتقيس وممكن العربية تحتاج زرجينة كدا نص او ثلاث ارباع سم


الجنط تنمه جديد ٦٠٠ ج وفي تقليد ب ٣٠٠ ج .... حسين في النتحدة قالي الجنط التقليد ما تركبوش حتى لو حد ادهولك هدية لانه ممكن يسيح مع الحرارة وانت ماشي ... طبعا ده على كلام حسين

الفانوس امامي بدون مكنة ١٧٥ج
الكوبلن كامل ٦٠٠ ج بس ده اليمين الشمال هيكون ارخص لانه اقصر

الحاثة دي اتصلحت عند المتحدة والحمد لله محاور العربية مضبوطة والعربية مفهاش مشاكل في الحدف

المفارقة بتاعت الكبوت دي هيكون سببها مفصلات الكبوت غالبا هيكونوا اتنوا تمنهم ١٠٠ ج