شوفو الفديو ده كده m11

[aftr]

هل فى خطوره على الماتور لو الواحد ضغط عليه بالطريقه دى انا معظم الوقت بعمل كده YouTube - اسبرانزا _m11_a3.flv

[aftr]

[QUOTE=aftr;3874971198]هل فى خطوره على الماتور لو الواحد ضغط عليه بالطريقه دى انا معظم الوقت بعمل كده
‫اسبرانزا _m11_a3.flv‬‎ - YouTube

[bassem.naguib]

لو على طول بتعمل كدة .. أحب أبشرك بأنك حتقصف عمر الموتور بدري بدري بالإضافة لاستهلاك عالي جداً للبنزين .

أعتقد أن اللي في الفيديو ده لتوضيح قوة الموتور مش أكثر ولا أقل .. أو واحد بيفتح الموتور بس التفتيح ميبقاش بالشكل ده خااااااالص ومش على طول طبعاً .

[ashrafmahmoud93]

انا كان عندى مشكلة ف السحب مع ام 11 كنت بنقل الغيار ع 2.5 عشان بيبدا صوت الموتور يعلى فكنت بحس ان التسارع بطىء جدا فالاعضاء هنا قالولى لا انقل ع 3.5 يعنى اقرص شويه فعملت كدا فعلا لقيت السحب بقى روعه بقت طيارة بس بحس ان صوت الموتور بيعلى فعلا وببقى زعلان لكن انقل ع 6 دا مستحيييييييييل يحصل دا 3.5 وزعلان

[hemaa_82]

انا كتير بنقل علي 6 :)

الحمد لله كتير بجيب 50 علي الاول و 95 علي التاني "دايما جنب قصر القبة "

لما ببقي مسافر صحراوي بالليل في الشتا "اكيد الكمين بيتلم بدري من الصقعة " برده بجيب 15 علي التالت و اجيب 19 علي الرابع و بعدين بديها 5 تريح بقي


اهم حاجة ....زيتك تمام ؟؟؟؟ مقاس و لزوجة و فترة؟؟؟
حرارة عربيتك تمام ؟؟؟؟
زيت فتيسك تمام ؟؟؟؟
لو متأكد من ال3 حاجات دول مستحيل المتور يحصله حاجة

[M I D O]

دة بيقرص اوي علي المحرك انا ليا صديق بينقل علي 6 ار بي ام برضو بس كرستالة العربية بصراحة بتبقي فاضلها تكة وتشتمة

[hugan]

3/5او 4
ممتاز للنقل
اكتر من كده يبقي الموتور هايودع بدري بدري

[lanos2004]

شوف الاول هتغير الزيت قبل معاده
ثانيا لو الجو حر متعملش كدة خالص
لو انته محمل متعملش كدة برضه
لو مسافر مسافه طويه متمشيش على سرعه عاليه لوقت طويل يعنى لو وصلت 200 ومشيت عليهم شويه ارجع امشى 120 تانى شويه ريح ماتورك
انا بعامل ماتورى بقسوه والحمد لله صامد الى الان 270 الف كيلو

[aftr]

لا انا موصلتش للدرجه دى قوى بس انا استغربت من الفديو انه بياخد الغيار بعد مراحل قولت اسأل الاعضاء فى الحوار ده وبعدين الحوار ده جربته مع زيت شيل فعلا حاجه ممتازه انما كان مع موبيل الماتور كان بيموت وفعلا اللى حابب يضغط على الماتور استخدم زيت شيل زى ما الاخ هيما قال لان اللزوجه بتاعته ممتازه عن موبيل

[katoba]

انا اخرى 3 3ونص بالكتير اوى

[S O P H O S]

شايف انه كتير عالمحرك بصراحة الطريقة دي

[gamalo]

لو على طول بتعمل كدة .. أحب أبشرك بأنك حتقصف عمر الموتور بدري بدري بالإضافة لاستهلاك عالي جداً للبنزين .

أعتقد أن اللي في الفيديو ده لتوضيح قوة الموتور مش أكثر ولا أقل .. أو واحد بيفتح الموتور بس التفتيح ميبقاش بالشكل ده خااااااالص ومش على طول طبعاً .

باسم باشا انا الطرق الي بمشي فيها لا تسمح ان ازيد عن 130 يعني من يوم مجبتها مدخلتش علي 150او 160 هل دة يؤثر علي الموتور في شيء عاملة معايا 6000 ووشوية

[M I D O]

باسم باشا انا الطرق الي بمشي فيها لا تسمح ان ازيد عن 130 يعني من يوم مجبتها مدخلتش علي 150او 160 هل دة يؤثر علي الموتور في شيء عاملة معايا 6000 ووشوية

هوة مياثرش علي المحرك في حاجة بس المفروض كنت تفتح المحرك بعد اول 3000 كيلو الي هياثر عليك بس ان العربية مش هتوصل للسرعات العالية زي 190 او 200 بسهولة

[aftr]

باسم باشا انا الطرق الي بمشي فيها لا تسمح ان ازيد عن 130 يعني من يوم مجبتها مدخلتش علي 150او 160 هل دة يؤثر علي الموتور في شيء عاملة معايا 6000 ووشوية

اضغط على الماتور شويه عشان تحس بالسحب

[bassem.naguib]

باسم باشا انا الطرق الي بمشي فيها لا تسمح ان ازيد عن 130 يعني من يوم مجبتها مدخلتش علي 150او 160 هل دة يؤثر علي الموتور في شيء عاملة معايا 6000 ووشوية

هي مش فكرة سرعة كام .. الفكرة وما فيها في تفتيح الموتور مش أني أجيب أعلى سرعة فقط .. ولكن الفكرة في الحرق على كل غيار (ولكن ليس باستمرار حفاظاً على استهلاك البنزين وعمر الموتور الأفتراضي) .. لحد ما يوصل الأر بي أم لقبل المنطقة الحمراء ويفضل طبعاً في طريق سفر مفتوح .. وأختلفت الأراء في تنفيذها بعد أول ألف كيلو أو بعد 5000 كيلو قطعتها السيارة الزيرو .

وطريقة سواقتك مش حتأثر على الموتور في شيء .. اللهم أنك بعدم اتباع خطوات تفتيح الموتور مش حتاخد أحسن أداء ليه .. وبيتقال عليها بالبلدي بتخنق أو بتكتف المكنة .

ملحوظة : يرجى في المشاركات القادمة عدم الكتابة باللون الأحمر .. حيث أنه مخصص للمداخلات الإدارية فقط .