سؤال ف تعديل مقاس كاوتش 516

[bassemali]

سلام عليكم ..
أنا كنت عايز أغير مقاس الكاوتش عندي ف الأسبرانزا 516 بدل ماهو
195/55/15
هخليه
205/50/16
عشان أحسن من شكل العربيه شويه وبرضه الثبات يزيد .. بس مش عارف هل هتبقى في مشاكل لو غيرت للمقاس ده ؟
وأيه نوع كاوتش كويس ممكن أجيبه لأن البريللي بصراحه رغم أنه حلو بس ناااااااشف جدا
أرجو الإفاده من أهل الخبره ... وشكرا لكم مقدما .

[abdulhafeez]

المقاس ده هيخلي العربية ناشفة جدا
هو مناسب لان نسبة التغير 2.52 % والمسموح لحد 3 %
ده الى جانب ان اي فردة كاوتش في المقاس ده هتكون فردة اسبور v او w
هيكون اولا سعرها غالي
ثانيا الفردة نفسها هتكون ناشفة جدا جدا جدا
لو مش مصدقني شوف الفردة ودوس على جنب الكاوتش علشان تعرف هو طري ولا ناشف
غالبا فردة المقاس ده مش هتقدر تدوس عليها بصباعك ... الكلام ده وهي فاضية ما بالك وهي مليانة هوا

لو انت مش فارق معاك النشوفية المقاس ده هيزود ثبات العربية وهيعليها شوية كمان بتاع نص سم كدا

[hugan]

اظن ان كده هايكون كتير قوي علي العربيه وعفشتها
وكمان هاتضطر انك تغير جنوط
في الغالب او اكيد المقاس الجديد ها يعمل احتكاك للكاوتش مع الرفارف
ال516 اخرها
15/60/195

[bassemali]

شكرا للجميع .. خلاص أنا هغير الكاوتش على نفس مقاس العربيه الأصلي .. بس السؤال .. أجيب نوع كاوتش أيه غير البريللي اللي فيها؟

[hugan]

شكرا للجميع .. خلاص أنا هغير الكاوتش على نفس مقاس العربيه الأصلي .. بس السؤال .. أجيب نوع كاوتش أيه غير البريللي اللي فيها؟

وجهه نظري بلاش المقا س الاصلي
ركب 15/60/195
ناس كتير بتشكر فيه
وانه هايظبط عفشه العربيه شويه
وانا كنت هاغير الكاوتش للمقاس ده
لكن ماحصلش نصيب وبعت العربيه

[abdulhafeez]

وجهه نظري بلاش المقا س الاصلي
ركب 15/60/195
ناس كتير بتشكر فيه
وانه هايظبط عفشه العربيه شويه
وانا كنت هاغير الكاوتش للمقاس ده
لكن ماحصلش نصيب وبعت العربيه

انا اتفق معاك في المقاس ده
انا غيرت ليه والعربية اتحسنت كتير صراحة حوالي 25% كده تحسن

انا ركبت بريدجستون b250 عجلة طرية وثياتها حلو
لو عايز حاجة اشد عندك my01 or my02
ومعاك طبعا التورانزا انعم عجلة عندهم بس غالية شوية


والهانكوك كمان ارخص وفيه حاجات حلوة

[bassemali]

وجهه نظري بلاش المقا س الاصلي
ركب 15/60/195
ناس كتير بتشكر فيه
وانه هايظبط عفشه العربيه شويه
وانا كنت هاغير الكاوتش للمقاس ده
لكن ماحصلش نصيب وبعت العربيه

والمقاس ده مايخليش العربيه تعلى وثباتها يقل؟

[hugan]

والمقاس ده مايخليش العربيه تعلى وثباتها يقل؟

مش هاياثر علي الثبات
لانالعرض نفسه عرض المقاس القديم
الفكره انك هاترفع ارتفاع الكوتش عن الارض بمقدار بسيط
الدبدبه والهبد هايقل

[abdulhafeez]

مش هاياثر علي الثبات
لانالعرض نفسه عرض المقاس القديم
الفكره انك هاترفع ارتفاع الكوتش عن الارض بمقدار بسيط
الدبدبه والهبد هايقل

مع احترامي لراي حضرتك ... بس هو بصراحة بيأثر
العربية هتعلى 1 سم تقريبا ....
بس الفرق هيكون في الملفات

انا اول ما ركبت المقاس ده قلت اجرب الثبات .. طلعت طلعة محور الجامعة من الدائري رايح الجامعة .. اتجاه الرماية اسكندرية الصحراوي ....
المطلع ده فيه ملف غشيم شوية .... واخوك داخل الملف على 80 وبيلف .. ربنا سترها ... تخيل من شدة اللفة مش عارف انقل رجلي من البنزين للفرامل علشان اهدي شوية لحد مع العربية طلعت من آخر الملف على 60

الملف ده في الطبيعي تاخده على 40 وآخرك فيه 60

بس برضو انا كنت مركب ورا كاوتش مش اسبور كان نقشة h ونوعه ستار ماكس ....
بعد كده جبت بريدجستون my02 نقشة رياضي v من نفس المقاس 195.60.15 موضوع ثبات الملفات اتحسن واصبح قريب من الاول ...

علشان كده لو هتركب نقشة رياضي في مقاس 195.60.15 الموضوع مش هيختلف كتير قوي ..
يعني لو بتاخد الملف على 120 مثلا تاخده على 110

بينما لو ركبت المقاس 195.60.15 نقشة h غير رياضية يبقى الملف بتاع 120 يتاخد على 100

اهم حاجة ان الكاوتشين اللي ورا هو اللي يكون نقشتهم رياضة .. اهم من النقشة الرياضية قدام

ده بالاضافة ان الفرامل مع النقشة الرياضي افضل من العادي