هوا ال m11 مش ناويه تنزل ولا ايه ؟؟

[katoba]

سؤال دار في ذهنى من كام ,

هيا الام 11 لو منزلتش هيبقى مصيرنا ايه كاصحاب الموديلات السابقة منها هل قطع غيارها مش هتبقى موجودة وهيبقى سعر إعادة البيع فى الارض ومحدش هيبصلها اصلا ؟؟

ولا مينفعش يوقف انتاجها وهتنزل ؟؟

ولا هيكون بديلها الانفي ومش هيفكر ينزلها اصلا ؟؟

شوية استفسارات دارت في ذهني ياريت تشاركوني فيها

[shetoshandasa]

أنا بقالي كتير علي اتصال ب موزعين اسبرانزا عشان كنت عاوز أجيب m12 في الاول و حاليا عشان كنت بدور علي اسبرانزا a516
بالنسبة لل a516 فالبديل بتاعها هو الانفي مع اني مش شايف مبرر لفرق السعر
بالنسبة لل m11 و ال m12 و ده من علي لسان أكتر من حد من اسبرانزا نفسها انها هتنزل في غضون شهر بسعر جديد 81000
و لسه أول امبارح حد من مسئولي المبيعات قايلي ان في بس نقص شوية بالنسبة لاجزاء منها و هم لسه شغالين فيها لكنها برده هتنزل بس سواء الشهر ده و لا لآ مش عارف بصراحة

[aftr]

استحاله العربيه دى ىيشيلها من الحسبان العربيه دى فى الصين اسمها عروسه الصين والعربيه منتشره فى معظم اوربا هو بس ابو الفتوح عامل نمرة عشان يرفع من سعرها لاكتر ولا اقل

[M I D O]

استحاله العربيه دى ىيشيلها من الحسبان العربيه دى فى الصين اسمها عروسه الصين والعربيه منتشره فى معظم اوربا هو بس ابو الفتوح عامل نمرة عشان يرفع من سعرها لاكتر ولا اقل

اتفق معاك تماما

[katoba]

انا كمان متفق معاك تمام ياباشا والعربية فعلا تستاهل ودى سياسة تسويقية بس الى خلى الموضوع دة يدور في ذهنى اننا خلاص داخلين على شهر 6 اهو ومفيش اي اخبار عنها حتى فى المعارض ميعرفوش اية الى بيدور في ذهن ابو الفتوح بالشكل دة هيشفت سنة بقى وينزل بال2014 علطول ولا ايه ولا زى مااخونا shetoshandasa بيقول انها هتنزل الشهر الجاي

[monamize4]

العربيه دى فى الصين اسمها عروسه الصين

معلش سؤال برئ : حضرتك عرفت ازاى ؟

[M I D O]

معلش سؤال برئ : حضرتك عرفت ازاى ؟

بعيدا عن الاسم الام 11 فعلا من اكتر العربيات المنتشرة جدا في الصين و قرأت انها فضلت 3 سنين تقريبا محتلة رقم واحد في المبيعات

[AMGAD1521977]

سؤال دار في ذهنى من كام ,

هيا الام 11 لو منزلتش هيبقى مصيرنا ايه كاصحاب الموديلات السابقة منها هل قطع غيارها مش هتبقى موجودة وهيبقى سعر إعادة البيع فى الارض ومحدش هيبصلها اصلا ؟؟

ولا مينفعش يوقف انتاجها وهتنزل ؟؟

ولا هيكون بديلها الانفي ومش هيفكر ينزلها اصلا ؟؟

شوية استفسارات دارت في ذهني ياريت تشاركوني فيها

لو حضرتك تقصد انتاج قطع الغيار احب اقول ان مكاسب شركات العربيات مش بس فى انتاج العربية انما بتعتمد اكثر كمان فى المبيعات على الصناعات المغذية لصناعة السيارات و اللى ماحدش يقدر يستغنى عنها لدرجة انك بتلاقى قطع غيار لعربيات عدى عليها عشرات السنين و لسه قطع الغيار بتصنع لحد دلوقتى بالاضافة ان عمر العربية الm11 فى السوق ماكملش 4 سنين و حياتى لك

[katoba]

كلام سليم ميه فى المية amgad1521977 تحياتي لك