اختبار صعب لاتزان الa516

[AMGAD1521977]

تحياتى لاعضاء المنتدى المحترمين انهاردة كنت فى طريقى لسيناء الحبيبة و قامت عليا عاصفة ترابية سرعة الرياح فيها وصلت ل35 كيلو فى الساعة و طبعآ انا كنت مشغل التكييف و ماشى على متوسط سرعة من 100 الى 120 كيلو و مش بكدب لو قلت مش حاسس بأى حاجة برة العربية مع العلم ان فيه اتوبيسات و عربيات مقطورة كبيرة بتعدى فى المقابل و بتعمل ضغط هواء شديد و انا حبيت اركن و انزل من العربية كنت حطير من على الارض من شدة الرياح اعتقد ان ده كان اختبار صعب للعربية ياريت تشاركونى آراءكم و تحياتى لكم جميعآ

[akmm]

هى فعلا عربيه محترمه ... وزن تقيل وشكل الى حد بعيد إنسيابى ..........

[aftr]

ربنا يباركلك فيها العربيه دى الثبات بتاعها عالى

[ABO MALEK]

ربنا يكفيك شرها.

[stonecoldmido5]

احسن حاجة في العربية دي فعلا الثبات و الاتزان

[M I D O]

ربنا يباركلك فيها ويعطيك خيرها ويكفيك شرها حضرتك وكل ملاك العربيات في مصر جميعا

[hugan]

فعلا لو العربيه عفشتها مظبوطه
ثباتها بيكون محترم

[AMGAD1521977]

فعلا لو العربيه عفشتها مظبوطه
ثباتها بيكون محترم

فعلآ عفشتها مضبوطة بعمل عليها ضبط زواية كل 4 شهور او 5000 كيلو ايهما اقرب + مراجعة على الترصيص و النيتروجين و الحمد لله كله تمام بس المشكلة فى سوء حالة الطرق خصوصآ حالة الطريق الاوسط فى سيناء حالة ميئوس منها

[abdulhafeez]

فعلآ عفشتها مضبوطة بعمل عليها ضبط زواية كل 4 شهور او 5000 كيلو ايهما اقرب + مراجعة على الترصيص و النيتروجين و الحمد لله كله تمام بس المشكلة فى سوء حالة الطرق خصوصآ حالة الطريق الاوسط فى سيناء حالة ميئوس منها

ضبط زوايا كل 5000 كيلو او اربع شهور ..... ماشاء الله
انا فاكر اني ضبط زوايا مرتين بس في حياة العربية من سنة 2009
مرة علشان اخدت مطب والجنط التنى والكاوتش باظ
والتانية علشان العربية عملت حادثة

تربيط العفشة يمكن كل سنة مرة واحدة او ممكن كل سنتين 3 مرات
الترصيص بعملو كل 20 الف كيلو

بجد العربية دي لو صرفت عليها كويس وركبت القطع الاصلي ....... انسى وعيش حياتك
المشكلة ان الواح بيسترخص وبعد كدا يقول ياريت ركبت الاصلي

ربنا يسترها معانا

[AMGAD1521977]

ضبط زوايا كل 5000 كيلو او اربع شهور ..... ماشاء الله
انا فاكر اني ضبط زوايا مرتين بس في حياة العربية من سنة 2009
مرة علشان اخدت مطب والجنط التنى والكاوتش باظ
والتانية علشان العربية عملت حادثة

تربيط العفشة يمكن كل سنة مرة واحدة او ممكن كل سنتين 3 مرات
الترصيص بعملو كل 20 الف كيلو

بجد العربية دي لو صرفت عليها كويس وركبت القطع الاصلي ....... انسى وعيش حياتك
المشكلة ان الواح بيسترخص وبعد كدا يقول ياريت ركبت الاصلي

ربنا يسترها معانا

تحياتى لحضرتك هى الفكرة من ده ان الصيانة الوقائية بتغنيك عن المفاجأت و خصوصآ لو على طريق سفر انا مش بشتكى من حاجة فى العربية و لكن احب امشى بيها مطمن و طبعآ ده كله مردودو فى البيع حتبيع العربية و انت حاطط رجل على رجل و ربنا يسترها علينا جميعآ