تقييمي عن اسبرانزا Envy

[M I D O]

بسم الله الرحمن الرحيم
النهاردة كنت معدي علي معرض عربيات في الطريق ولاقيت المعرض عارض اسبرانزا انفي قلت اركن وانزل اتفرج نزلت والراجل جابلي مفتاح العربية وفتحهالي وقالي انا معاك لو حابب تستفسر عن اي حاجة والي عرفتة من الراجل ان العربية اسمها شيري انفي من ابوالفتوح تعرف اية تاني عن العربية يقلي ماعرفش وواقف جنبي قال عشان لو حابب استفسر ما علينا العربية ركبتها من جوة ما شاء الله تحفة واسعة جدا زي الاسبرانزا 516 بالظبط الفرق الوحيد الطابلوة والعدادات وملاحظاتي علي العربية انها واسعة ومريحة كراسيها مش ناشفة و الفتيس سهل جدا في النقلات والعربية واقفة و الرؤية ممتازة سواء قدام او ورا و الاوبشن بتاع العربية كتير ما شاء الله و العربية صاجها محمل وتقيل ولما سئلت الراجل هل 1500 سي سي كامة واحدة هيكون كويس للحجم دة قالي اة والناس بتشكر فيها وبتاع وفضل يقلي قصايد شعر عن العربية بس طبعا مش هقتنع غير لما حد يشتريها وينزلنا تقرير عنها و تقفيل العربية ما شاء الله تحفة غير التقفيل المصري خااااالص يعني الباب بلمسة بيقفل وطبعا كل دة تقييم مبدئي عن العربية في ال 10 دقائق الي قعدتهم فيها و صورت العربية شوية صور بس المنتدي طبعا مليان صور عنها فمش هنزلهم بس لو حد حب اني انزلهم هنزلهم و اة نسيت معلش الراجل سالتة عن الام 11 قالي موقوف انتاجها بس هتنزل قريب وكل الي بيحصل دة تعطيش للسوق عشان لما تنزل بسعر عالي محدش يعترض علي سعرها واسف ان التقرير مش منظم لاني بكتبة من عند واحد صاحبي مش في البيت وان شاء الله قريب هروح اشوف العربية تاني واخد عنها فكرة اكبر واعمل تقرير منظم واسف علي الاطالة

[adelghanem]

متابع

[zekuso]

بصراحة انا شايف ان الجيلى اميجراند افضل منها فى الكماليات و انتشرت بسرعة و كمان السعر و للعلم ان انفى ما فيهاش اى بى دى و ايضا الفئة الاوالى لا يوجد بها ايرباج فلو قارنا بين اوبشن فيبقى لصالح جيلى

[aldesha989]

نزلها ورينا صورها وورينا شكلها عامل ايه حرام الصور تتركن :d

[M I D O]

بصراحة انا شايف ان الجيلى اميجراند افضل منها فى الكماليات و انتشرت بسرعة و كمان السعر و للعلم ان انفى ما فيهاش اى بى دى و ايضا الفئة الاوالى لا يوجد بها ايرباج فلو قارنا بين اوبشن فيبقى لصالح جيلى

للاسف كمان مفيهاش امبولايزر

[M I D O]

نزلها ورينا صورها وورينا شكلها عامل ايه حرام الصور تتركن :d

ههههههههه ماشي يا باشا هرفعهم

[M I D O]

الظاهر ان في مشكلة في رفع الصور كل ما ارفعها يجبلي server not found هبقي احاول تاني بالليل ان شاء الله

[osa92003]

للاسف كمان مفيهاش امبولايزر

فيها امبولايز ...مش عارف مين اللى ادالك المعلومه دى ان مافيهاش واعتقد انك لازم تتصل بمعرض المعادى -الاستاذ احمد عبد العزيز وهو هيقوللك كل المعلومات ؟؟؟؟؟؟؟

:b4_592::b4_592:

[M I D O]

فيها امبولايز ...مش عارف مين اللى ادالك المعلومه دى ان مافيهاش واعتقد انك لازم تتصل بمعرض المعادى -الاستاذ احمد عبد العزيز وهو هيقوللك كل المعلومات ؟؟؟؟؟؟؟

:b4_592::b4_592:

ياريت تتعب نفسك شوية وتدور في المواضيع القديمة عن الانفي وهتلاقي كل الاعضاء بيقولو ان مفيهاش امبولايزر وواحد كان رايح يحجزها لاقي مفيهاش امبولايزر حجز ال 516 و كل المواقع بتقول ان مفيهاش امبولايزر

[osa92003]

ياريت تتعب نفسك شوية وتدور في المواضيع القديمة عن الانفي وهتلاقي كل الاعضاء بيقولو ان مفيهاش امبولايزر وواحد كان رايح يحجزها لاقي مفيهاش امبولايزر حجز ال 516 و كل المواقع بتقول ان مفيهاش امبولايزر

مواقع مين ؟؟؟؟؟ واعضاء مين ؟؟؟ هو فى حد استلم العربيه ؟؟؟؟ كتالوج العربيه بيقول ايه ؟ ومندوب مبيعات المعرض بيقول ايه؟

[M I D O]

مواقع مين ؟؟؟؟؟ واعضاء مين ؟؟؟ هو فى حد استلم العربيه ؟؟؟؟ كتالوج العربيه بيقول ايه ؟ ومندوب مبيعات المعرض بيقول ايه؟

محدش استلم العربية من المنتدي هنا بس في منتدي تاني ناس استلموها فية وعاملين تقرير عنها وانا كنت هنقل التقرير هنا بس قلت بلاش لان الكلام الي اتقال علي العربية مش حلو فبلاش احبط الناس واستني لما حد هنا يشتريها ويكتب تقرير عنها وكل المواقع الي اولها المنتدي هنا كاتبين مفيهاش امبولايزر و كان في عضو هنا رايح يحجز العربية ملقاش فيها امبولايزر حجز ال 516 وبالنسبة لكلام المندوب بتاع ابوالفتوح الله اعلم انا مكلمتوش لما حد من المنتدي هنا يكلمة هنعرف

[M I D O]

أسعار فئات اسبرانزا Envy الجديدة في مصر

[M I D O]

بص بقي انا جبتلك الخلاصة من صفحة اسبرانزا ابوالفتوح علي الفيس بوك وياريت بقي تهدي كدة وتبطل محاولاتك انك تطلعني دايما غلطان واني بهاجم الاسبرانزا ومش بحبها وعلي فكرة انا كنت بحب الاسبرانزا جدا وكنت ناوي اجيب الانفي بس بسبب حضرتك كرهتني في كل الاسبرانزا والله

[osa92003]

[QUOTE=M I D O;3875010976]بص بقي انا جبتلك الخلاصة من صفحة اسبرانزا ابوالفتوح علي الفيس بوك وياريت بقي تهدي كدة وتبطل محاولاتك انك تطلعني دايما غلطان واني بهاجم الاسبرانزا ومش بحبها وعلي فكرة انا كنت بحب الاسبرانزا جدا وكنت ناوي اجيب الانفي بس بسبب حضرتك كرهتني في كل الاسبرانزا والله
[url=http://ni
[SIZE="5"]الله ينور كده صح انت غلطت فى موضوع الموتور قبل كده وانا فى موضوع امبلويزر ..وافضل شئ هو التحقق من المعلومه ..اما حكايه انك كرهت الاسبرنزا ده براحتك ياباشا وانا عارف انك ناوى على الايمجراند اتوكل على الله وجيبها وروح على منتدى الايمجراند وشوف هيعملوا ايه معاك لو جيبت سيره العربيه باى كلمه مش على المزاج

[M I D O]

[SIZE=5]
الله ينور كده صح انت غلطت فى موضوع الموتور قبل كده وانا فى موضوع امبلويزر ..وافضل شئ هو التحقق من المعلومه ..اما حكايه انك كرهت الاسبرنزا ده براحتك ياباشا وانا عارف انك ناوى على الايمجراند اتوكل على الله وجيبها وروح على منتدى الايمجراند وشوف هيعملوا ايه معاك لو جيبت سيره العربيه باى كلمه مش على المزاج
[/QUOTE]
الاسبرانزا انا بحبها جدا لانها احسن عربية صيني اثبت كفائة في السوق و الفكرة ان حضرتك خنقتني بجد منها لانك محسسني اني شغال في غبور وبهاجم الاسبرانزا وبالنسبة لاني ناوي علي الامجراند انا كنت كاتب في مشاركة قديمة اني مش حابب الجيلي مقارنة بالاسبرانزا ولحد دلوقتي انا شايف الاسبرانزا افضل ولحد دلوقتي والله عاوز اجيب الانفي بس المشكلة في حاجة ان الامجراند فيها فيمية ودة انا محتاجة جدا عشان لو حد من اهلي ركب معايا محدش يبقي شايفة وبرضو انا كلمت ادمن بيدج ابوالفتوح علي الفيس وقلتلة لو ينفع اعمل سبشيال اوردر وادفع زيادة واخد الانفي متفيمة قالي غير متوفر وانا حاليا صابر يمكن ابوالفتوح ينزل فيمية في الانفي ولو منزلش هتبقي مقارنة صعبة بالنسبة ليا بين الام 11 و الامجراند وغالبا هتتفوق الامجراند عشان الوسع الداخلي وبالنسبة لاني اروح قسم الامجراند واشوف الناس هيعملو اية معايا احب اقول لحضرتك ان المنتدي بفضل الله كلة ناس محترمين سواء هنا في اسبرانزا او في جيلي وبرضو انا مازلت عند رايي ان الاسبرانزا افضل ودي وجهة نظر شخصية وان كانت الظروف بتخلي الواحد يجيب عربية تانية هتقضي طلباتة زي الامجراند وسواء دي او دي الي ربنا كاتبهالي هجيبها وبالنسبة لانك بتقولي لو جبت سيرة الاسبرانزا فعادي يعني هفضل اجيب في سيرتها برضو لاني بحبها ومش بهاجمها ولا حاجة وبعتذر علي كلمة انك كرهتني في العربية لاني بصراحة اتنرفزت من رد حضرتك عليا ومهاجمتك الدائمة عليا فقلت كدة وانا متعصب ولو ربنا كتبلي اشتري الامجراند برضو مش هسيب قسم اسبرانزا لان الدكتور قالي اقعد في حتة طراوة