مشكلة بسيطة

[amr_f50]

السلام عليكم ورحمة الله وبركاتة

لى سؤال عند الاخوة اللى استلمو السيارة حديثاً حيث انى استلمت سيارتى من اسبوع تقريباً
لاكن انا بحس ان الحرارة داخل الكابينة عالية قوى بالرغم من انى مشغلتش لسة التكييف علشان ال1000 الاولى
فهل دة طبيعى ولا اية وبالرغم من ان حرارة السيارة عادية ومابتسخنش حيث ان المؤشر تقريباً بعد المنتصف
بمللى واحد .

حاجة كمان انا المفروض لسة فى مرحلة التليين فهل من المفروض انى اخرج بيها برة القاهرة وعلى الطرق الطوالى ولا امشى بيها جوة البلد اية الصح لان فى ناس بتقول جوة البلد احسن وناس بتقول لا برة البلد وعلى الطرق الطوالى احسن فى
هذة المرحلة .

ارجو الافادة
اخوكم م ( مش عارف يعمل ايه) / عمرو فتحى

[أبو عبدالله]

يا سيدي الفاضل الحراره داخل الكابينه دي بتبقى عيوب تقفيل
يعني الفيبر المانع للحراره اللي بيبقى في صدر العربيه بيمنع الحراره اللي في الكبوت من الدخول داخل الكابينه وده من نظام العزل بتاع السياره ملهوش دعوه بارتفاع درجة حرارة الماتور لأنه طبيعي أصلا ان انت مش تستحمل درجة حرارة الماتور العادية وبما ان الحرارة بتدخل داخل الكابينه فده بيبقى من التقفيل وعلى فكره الموضوع ده مش جديد على أبو الفتوح لنه كان موجود في الدايو اللي هو بيقفله برضه .....................

أما عن موضوع التليين فطبعا خارج البلد بس ماتزيدشي عن 100 كم في الساعه

[Ahmed Hassan]

بالنسبه للتليين الطرق الطوالي احسن بس المهم متشدش بالعربيه... يعني تتسارع على مهلك و متزودش عن 100 مثلا.

[Ahmed Hassan]

ملحوظه كمان.. ممكن تشغل التكييف وانته لسه بتلين :)

[ehabbadr]

استاذ عمرو أنصحك تروح الصيانه و لا تنتظر لصيانه 1000 لأن الجو حر جدا لوحده و لا أعتقد انه فيه مشكله فى العزل الحرارى لأنها مش مشكله عامه و مش ممكن التقفيل المصرى ينسى يضع العازل الحرارى ممكن يكون الصمام الساخن معلق أو فيه مشكله و لما تروح طمنى على الاخبار

[Nader]

حاجة كمان انا المفروض لسة فى مرحلة التليين فهل من المفروض انى اخرج بيها برة القاهرة وعلى الطرق الطوالى ولا امشى بيها جوة البلد اية الصح لان فى ناس بتقول جوة البلد احسن وناس بتقول لا برة البلد وعلى الطرق الطوالى احسن فى
هذة المرحلة .

الطوالي في التلين اريح للعربية، بس متخليش الطريق يغريك وتقرص على العربية،متخليش الـRPM يعلى عن 3500 في احلك الظروف، .

[amr_f50]

متشكر جداً جداً يا جماعة بس انا ظروف شغلى تطرنى الى ان استنى ميعاد
صيانة الـ 1000 علشان اقولهم على موضوع الحرارة دة .

اخوكم م ( مستنى صيانة الـ 1000 ) / عمرو فتحى

[محمد صبري ابراهيم]

والله يا أستاذ عمرو

السيارة عندي لما بكون راكنها و بافتح الصالون بالقيها حر جدا ، بعد ما بامشي شوية و انا فاتح الشبابيك، درجة حرارة الصالون بتبقى طبيعية (زي الجو برة مع فرق الشمس طبعا)

ممكن حضرتك تشغل التكييف في التليين بس في الطوالي يستحسن بلاش جوة المدن (انا عارف ان الجو حر جدا، انا شخصيا شغلتوا كام مرة جوة المدينة و انا بلين)

و يستحسن بردة ما تعديش ال 3000 RPM علشان ما تحملش على الماتور