اصبر شويه .....ولا اغيره واسمع كلامهم ...ارجو النصيحه

[osa92003]

امبارح كنت باعمل صيانه لل516 فى توكيل ابو رواش فوجئت انى لازم اغير سير الكاتينه بالرغم ان العربيه عامله 20 الف وطبعا حجتهم ان العربيه فات عليها سنتين ....المهم انا مش عامل حسابى قالولى مش مشكله غيروا بعدين لكن كتبولى فى الضمان انهم نبهوا عليا بتغير السير لانه مر عليه سنتين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ياترى اغير واسمع كلامهم ولا استنى شويه زى مانتم عارفين السير الاصلى لايعوض.

[akmm]

هو تغيير السير هام جدا وهو كان محطوط له مسافه 30000 كم ... ولكن تم زياده المسافه الى 40000 كم ... عموما لو انت لسه في الضمان من ناحيه السنيين وهم كتبوا كده انه تم التنبيه ... يستحسن تغير السيير .

[hugan]

شوف
السير الاصلي ممكن يقعد معاك ل 60 الف
بدون خوف او قلق
السير الاصلي والبلي الاصلي النازل مع العربيه لا يعوض
حتي بتاع التوكيل مش زيه
عايز اقولك ان سير التكيف اشتغل معايا حتي 70000وبعت العربيه والسير الاصلي فيها
ونفس الكلام علي البلي بعد ماغيرت كاتينه في مره من المرات
وجدت ان البلي حصل فيه خشانه
غيرت الجديد بالبلي القديم

[M I D O]

انا خالي معاة 516 ةرفض تغيير السير وقال للمهندس بتاع التوكيل انا مهندس وشايف ان السير سليم ومفيهوش حاجة و المهندس قالة بس كدة هيخرج برة الضمان خالي قالة ماشي يخرج و الكلام دة كان في صيانة ال 30 الف تقريبا وخالي غيرة علي 40 الف علي ما اتذكر او صيانة ال 40 وهوة غيرة علي 50 مش فاكر بالظبط

[abdulhafeez]

انا غيرته على 50 الف بعد سنتين ونص من الاستخدام

وكان طالع زي الفل وكان مفهوش حاجة

[akmm]

صاحب الموضوع .... عملت ايه ياترى ................

[osaa92003]

الف شكر للجميع على ردودكم وانا لقيت انه على راى المثل من خاف سلم ...وتم الحجز فى ابو رواش للتغير وخاصه انى الفتره الجايه هاستخدم العربيه فى السفر كتير ...دعواتكم معايا بانه يتم التعيير على خير