لملاك نبو تيجو 2013 اسئلة مهمة عشان ناوى اشتريها

[Ahmed_m7md_A5]

سؤاليين اتنين

1 - لو انا ماشى فى زحمة هل البارك سينسور هيشتغل لما العربية اللى ورايا تقرب منى فى الزحمة ( اصل انا اول مره هجربها و معرفش حاجة عنها)

2 - لو عديت على حفرة هل العربية تمتص الصدمة زى عربيات السيدان و لا الصالون نفسه يمتصها و يهتز جامد زى الشكل القديم

و ياريت تقييمك بصراحة و بدون مبالغة عشان ناولا اشترى بجد و لو فى عيوب قولى بسرعة

[Ahmed_m7md_A5]

يا ريت متبخلوش بالرد عشان ناوى اشترى
بيجو 301 vs نيو تيجو vs new sunny vs lnacer1300 2013

[محمد بازيد]

اولا اخى الكريم الباركنج سينسور مش بيشتغل غير لما العربية تعشق مرشدير بس انما وانت ماشى لو العربية اللى وراك لازق اكصدام فى اكصدام ولا اى اندهاش بالنسبة للمطبات اكيد العربية الجديدة مش هتحس بالمطبات قوى غير لو انت بتلعب حرب الشوارع او السيارات المقاتلة

[M I D O]

زي ما الاستاذ في المشاركة الاولي قال البارك سينسور مش بيشتغل غير وانت مدي العربية مرشدير وبالنسبة للمطبات اكيد العربية هتمتص الصدمة لانها عربية suv ومصممة لتحمل اقسي درجات التشغيل وبالنسبة للحيرة الي حضرتك فيها بينها وبين البيجو 301 البيجو شكل جديد خامات ممتازة اسم كبير ركوبة نضيفة من الاخر النيو تيجو شكل جميل عالية عن الارض بتاعة فحت وردم بس صيني والناس بتقلق غالبا من الصيني وقطع الغيار هتكون ارخص للتيجو اكيد بحكم انها صيني و البيجو اوروبي بس قطع غيار البيجو هتكون معمرة اكتر و استهلاك البنزين هيكون في صالح البيجو عشان سيدان وهيكون اعلي في التيجو عشان مقاومة الهواء وحجم العربية و في الاخر الاختيار لحضرتك ومتنساش الاستخارة وموفق في الشراء ان شاء الله

[ahmed salah90]

و الله انا هقول راي بصراحه لو حضرتك عاوز عربيه suv لاستخدم معين و موش معاك فلوس كتير تجيب حاجه حلوه و عوزها لطرق وعره يبقى تجيب لادا نيفا جديده بحوالي 65 الف و هتقولي طيب و البرستيج لو في خروجات عائليه بالبلدي كده نضيفه هقول لحضرتك تجيب بالباقي لانسر او اي عربيه حلوه استعمال في حدود 65 الف ده لو حضرتك عاوز suv للشغل مثلا او رايح بيها الارض او استخدام اراضي وعره
انما لو موش مهم suv يبقى بيجو 301 احسن او سيتروين سي اليزايه
و لو حضرتك عاوز suv وخلاص موش فارقه معاك الضريبه عندك جيب ليبارتي 2005 او 2006 حاجه حلوه بس لازم يكون معاك فلوس الضريبه كل اول سنه بالبلدي لازم تكون مكيش حلو و ربنا معاك و رمضان كريم و دي وجه نظري

[hugan]

نيفا ايه بس يارا جل ياطيب
الاخ الكريم صاحب الموضوع
البيجو 301
والتيجو الجديده
مفيش مقارنه بين الاثنين
مش علشان دي صيني ودي اوروبي زي ميدو ما بيقول
لاء خالص ابسيلوتلي
دي ركوبه وفئتين مختلفتين عن بعض نهائي
الحاجه الثانيه البيجو 301 مش عربيه طلقه وخارقه زي ميدو ما صورها
ادخل علي القسم بتاعها وشوف مشاكلها في اول 1000
وان العربيه بتتحول لجثه هامده مع التكييف
خلاصه الكلام
التيجو ا لجديده عربيه محترمه جدا
نازله بتشطيب عالي الجوده عن الموديل السابق
ليها مستخدمها اللي عارف هو عايز ايه من العربيه
البيجو عربيه محترمه مفيش كلام
لكن كل فرس وليه خيال

[M I D O]

نيفا ايه بس يارا جل ياطيب
الاخ الكريم صاحب الموضوع
البيجو 301
والتيجو الجديده
مفيش مقارنه بين الاثنين
مش علشان دي صيني ودي اوروبي زي ميدو ما بيقول
لاء خالص ابسيلوتلي
دي ركوبه وفئتين مختلفتين عن بعض نهائي
الحاجه الثانيه البيجو 301 مش عربيه طلقه وخارقه زي ميدو ما صورها
ادخل علي القسم بتاعها وشوف مشاكلها في اول 1000
وان العربيه بتتحول لجثه هامده مع التكييف
خلاصه الكلام
التيجو ا لجديده عربيه محترمه جدا
نازله بتشطيب عالي الجوده عن الموديل السابق
ليها مستخدمها اللي عارف هو عايز ايه من العربيه
البيجو عربيه محترمه مفيش كلام
لكن كل فرس وليه خيال

انا ماقلتش انها عربية طلقة وخارقة ولا حاجة انا قلت البيجو ركوبة حلوة وموضوع التكييف و السحب انا متابعة ودي حالات فردية علي فكرة وبتتحل في التوكيل و البيجو عربية محترمة جدا التيجو بقي حاجة تانية ركوبة مختلفة تماما وزي ما قلت بتاعة شقي وشغل وقلت انها صيني اقصد بيها ان بعض الناس بتخاف من الصيني الخلاصة ان البيجو عربية جديدة وجميلة للناس الي بتدور علي استهلاك بنزين معقول و قطع غيار معمرة ولو غالية شوية و التيجو للي بيدور علي عربية شكل جميل وهيبة علي الطريق وللشغل الشاق وعلي فكرة انا قلت نبذة بسيطة عن مميزات دي ودي و الراي الاول والاخير لصاحب الموضوع

[hugan]

انا ماقلتش انها عربية طلقة وخارقة ولا حاجة انا قلت البيجو ركوبة حلوة وموضوع التكييف و السحب انا متابعة ودي حالات فردية علي فكرة وبتتحل في التوكيل و البيجو عربية محترمة جدا التيجو بقي حاجة تانية ركوبة مختلفة تماما وزي ما قلت بتاعة شقي وشغل وقلت انها صيني اقصد بيها ان بعض الناس بتخاف من الصيني الخلاصة ان البيجو عربية جديدة وجميلة للناس الي بتدور علي استهلاك بنزين معقول و قطع غيار معمرة ولو غالية شوية و التيجو للي بيدور علي عربية شكل جميل وهيبة علي الطريق وللشغل الشاق وعلي فكرة انا قلت نبذة بسيطة عن مميزات دي ودي و الراي الاول والاخير لصاحب الموضوع

ماشي ياميدو
هاتعدي المره دي
لكن اعمل حسابك المره الجايه مفيش
القسم بتاعنا ممنوع اي دعايه لاي عربيه تانيه

[Ahmed_m7md_A5]

شكرا يا رجاله بجد افدتونى جدا شكرا لكل المشاركات يا احلى منتدى

[M I D O]

ماشي ياميدو
هاتعدي المره دي
لكن اعمل حسابك المره الجايه مفيش
القسم بتاعنا ممنوع اي دعايه لاي عربيه تانيه

هههههههههههههههه ماشي يا باشا

[M I D O]

شكرا يا رجاله بجد افدتونى جدا شكرا لكل المشاركات يا احلى منتدى

الشكر لله وحدة يا باشا

[monamize4]

يا ريت متبخلوش بالرد عشان ناوى اشترى
بيجو 301 vs نيو تيجو vs new sunny vs lnacer1300 2013

اهلا بيك يا باشا ,, انا كمان من اسيوط

الاختيار صعب شوية
البيجو مواصفاتها كويسة لكنها لسه جديدة و منعرفش ظروفها هتبقى ايه من ناحية قطع الغيار و سهولة الصيانة و متنساش ان معندناش ف اسيوط توكيل ليها و لا حتى ف المحافظات القريبة

الصنى الجديدة ,, كتير من ملاكها هنا ف المنتدى اشتكوا منها بشدة و من عيوب الصناعة و ميزتها الوحيدة ف رأى الشخصى ان توكيلها ف اسيوط

اللانسر ,, عربية اعتمادية و قطع غيارها متوفرة هنا ف اسيوط و صيانتها سهلة لكن المشكلة ان ال 1300 ضعيفة شوية و على ما اتذكر ان مفهاش abs , airbags

التيجو ,, مقدرش افيدك فيها لكن ليها توكيل ف اسيوط و ان كنت بقلق من الاسبرانزا

[Ahmed_m7md_A5]

اهلا بيك يا باشا ,, انا كمان من اسيوط

الاختيار صعب شوية
البيجو مواصفاتها كويسة لكنها لسه جديدة و منعرفش ظروفها هتبقى ايه من ناحية قطع الغيار و سهولة الصيانة و متنساش ان معندناش ف اسيوط توكيل ليها و لا حتى ف المحافظات القريبة

الصنى الجديدة ,, كتير من ملاكها هنا ف المنتدى اشتكوا منها بشدة و من عيوب الصناعة و ميزتها الوحيدة ف رأى الشخصى ان توكيلها ف اسيوط

اللانسر ,, عربية اعتمادية و قطع غيارها متوفرة هنا ف اسيوط و صيانتها سهلة لكن المشكلة ان ال 1300 ضعيفة شوية و على ما اتذكر ان مفهاش abs , airbags

التيجو ,, مقدرش افيدك فيها لكن ليها توكيل ف اسيوط و ان كنت بقلق من الاسبرانزا

شكراا على مرورك

[said.d.y]

السلام عليكم ورحمة الله وبركاتة،،،
انا هكلمك عن تجربة فعلية ، وبرضة فى الاول و الاخر دى رأيى الشخصى،،،،
ودى بصفتى كنت من ملاك التيجو ال2000 اتوماتيك، بس للاسف نتيجة ظروف وعدم توفيق بعتها من فترة قصيرة (قدر الله وما شاء فعل)، واضطريت بعد كدة اشترى تويوتا 2007 من واحد جارى امشى بيها فترة مؤقتة لغاية ما اظبط امورى ، وأشترى عربية suv تانى.
أولاً موضوع العربية العالية او (suv) حاجة تانية خالص، وركوبة تانية خالص، حسيت بالفرق رغم انى ركبت بعد التيجو تويوتا .
ثانياً التيجو عربية محترمة محترمة محترمة بمشاكلها بسلاطتها ببا غنوجها .
من الاخر لو بتقارن بين البيجو و النيسان والنيو تيجو والعفاريت الزرقا، توكل على الله واشترى النيو تيجو(بعد راحتك النفسية وقناعتك طبعاً).
نصيحة متغلطتش غلطتى ، وتعمل زى المثل البيقول ميحسش بقيمة ابوة اللا البيشوف جوز امة.
انا عن نفسى شخصياً ، باحلم باليوم الهشترى فية النيو تيجو الاتوماتيك ان شاء الله (على اساس انها نزلة السنة دى ان شاء الله)حسب ما انا سامع - ولو ما نزلتش الاتوماتيك على اخر السنة، وربنا قدرنى هشترى المانيوال.

[aftr]

نصيحه بلاش بيجو قطع غيار نار نار مع صديقى وبيندم اخر ندم انه اشترى بيجو عشان قطع الغيار