شكر واجب

[huss2000]

جاي اودع صفحة سبيرانزا في المنتدى بعد ما بعت عربيتي الـ M11 وجيبت برليانس FSV وعايز اشكر كل واحد افادني بعلومة او سهل عليا الطريق ... وشكر خاص لـ " هيما" الاب الروحي للـ M11 مفيش مشكلة قابلتني مع العربية الا ولقيت عنده حلها ... متشكر جدا وعقبال ما اتنقل بقى لمنتدى العربيات الالماني

[M I D O]

الف الف مبروك ربنا يوفقك ويباركلك في العربية الجديدة بس اية الي خلاك تنقل من صيني لصيني مادام مفيش طفرة في النقل كنت خليك معا الام 11 افضل واكيد هية احسن من البريليانس ممكن نعرف اية اسباب حضرتك عشان تنقل من دي لدي وهل انت شايف ان البريليانس تتفوق علي الام 11

[huss2000]

هي مسألة تجديد في المقام الاول ... يعني كنت عايز اغير العربية ... وكان نفسي أجيب الـ m11 لو كان في موديل جديد منها لكن سئلت عليها وعرفت انهم بطلوا انتاجها ومؤقتا ولو نزلت تاني حتنزل بنفس الشكل ... حاولت اطلع برا الصيني لكن الاسعار ولعت يكفي ان العربية المساوية في السعر تقريبا للـ FSV في الهيونداي هي الـ I10 ومستحيل اجيبها عشان صغيرة
- حتى الآن اعتقد ان البرليانس في التقييم المجمل أفضل ... لكن طبعا في الـ m11 تتفوق في بعض الامور
يعني ممكن اقول ان اكثر ما يميز البرلينانس عن الام 11 هو جودة التقفيل في العربية بشكل مجمل ... وهو أكبر عيوب الام 11 من وجهة نظري ومن خلال تجربتي معاها ومتابعتي لمشاكل الاعضاء في المنتدي ...

يعني سريعا كده ... البرليانس افضل من النواحي الاتية
1- استجابة العربية لدواسة البنزين ... يعني التسارع فيها اعلى بفرق واضح
2- تقفيل الصالون والعفشة
3- الفرامل افضل
4- الكنبة اوسع والشنطة اوسع
5- التكيف افضل وتأثيره على السحب غير ملحوظ
--------------
الام 11 افضل في:
1- تصميم الصالون الداخلي
2- الجلوس امام الدريكسيون بشكل عام افضل ... والكراسي اريح كتير

اما مشاكل البرلياانس فحتى الان لم تصادفني مشاكل حقيقية لاني طبعا لسه معملتش 1000 كيلو

اما مشاكل الام 11 العامة اللي تكررت معي ومع آخرين في المنتدى هي كالتالي


كان عندي عدة مشاكل مع عفشة الام 11 ومن خلال متابعتي للمنتدى اكتشفت انها موجوده عند معظم الناس
بالرغم من ان الام 11 ثبات جامد على الطريق الا ان عفشتها بها بعض المشاكل

1- اصوات بتصدر من العفشة تزيئ او تخبيط مع المطبات بشكل مستمر مهما ربط العفشة او زييتها ... بتقل احيانا مع التظبيط والتزييت لكن مش بتختفي

2- رجرجة وتخبيط في الدركسيون مع المطبات حتى ان لو واحد راكب جنبك حيسمعها بوضوح ...

3- الفرامل : لما تفرمل بالام 11 وسط مطبات صغيرة او زلط او عين القطة اللي موجودة في الشارع تحس ان دواسة الفرامل بتهوي للنص كده وتنزل على الايه بي اس على طول يعني مش بتستجيب مباشرة وكنت حعمل حادثة على الطريق الزراعي مرة للسبب ده

البرليانس حتى الان معنديش فيها المشاكل دي ... الدركسيون ثابت والعفشة صامتة تماما والفرامل كويسة الحمد لله

[hugan]

1000مبروك
معاك فعلا ان البريليانس افضل في جوده التقفيل عن الاسبرانزا
اما موضوع سرعه الاستجابه في دواسه البنزين
راجع لان الدواسه كهرباء مش واير
واظن انه من اسواء انواع الدواسات هو الدواسه الكهربائيه
للعلم اسكودا دواسه كهرباء
ميجان
اوبل
الانفي الجديده تم تعديل الدواسه فيها لتكون واير

[M I D O]

الف مبروك وربنا يحفظهالك وبالنسبة للتكييف مقارنة بتكييف الام 11 عامل اية

[huss2000]

التكيف لصالح البرليانس فيما يخص عدم تأثيره على السحب ... اما قدرته على خفض درجة حرارة السيارة في عز الحر فهو افضل ايضا في البرليانس ... لكن مش عايز اظلم الام 11 لان البرليانس زيرو ...

[akmm]

الف مبروك ......................

[huss2000]

الله يبارك فيكم جميعا

[katoba]

سعرها كام البيرليانس الزيرو يباشا وياترى نزلت تانى

[huss2000]

الكاملة المانيوال لقيتها بصعوبة والمعرض دور عليها كتير مكنتش موجوده خالص ... لكن الهاف اوبشن موجودة
سعرها في البفارية 91

[M I D O]

التكيف لصالح البرليانس فيما يخص عدم تأثيره على السحب ... اما قدرته على خفض درجة حرارة السيارة في عز الحر فهو افضل ايضا في البرليانس ... لكن مش عايز اظلم الام 11 لان البرليانس زيرو ...

حاجة غريبة ازاي في صالح البريليانس وكل ملاك الام 11 بيقولو احلي حاجة فيها التكييف قوي جدا ومش بياثر علي السحب و كمان البريليانس كان في مالك ليها قالي تكييفها متوسط هوة حضرتك كنت جايب الام 11 مستعملة ؟؟

[huss2000]

اه كنت جايبها مستعملة عشان كده بقول مش عايز اظلمها في المقارنة بالزيرو لكن فيما يخص السحب فالتكيف بيأثر على السحب في الام 11 ... على الاقل بناءا على تجربتي

[M I D O]

اه كنت جايبها مستعملة عشان كده بقول مش عايز اظلمها في المقارنة بالزيرو لكن فيما يخص السحب فالتكيف بيأثر على السحب في الام 11 ... على الاقل بناءا على تجربتي

ممكن عشان العربية كانت مستعملة فيها مشكلة انما معروف ان التكييف تاثيرة بسيط جدا علي سحب الام 11 وربنا يباركلك يا باشا في العربية الجديدة

[aftr]

الف مليون مبروك على العربيه انا بصراحة معايه m11 عمرى مازودت التكيف على اعلى درجه اخرى النص وعمرى ماحسيت تاثير التكيف على السحب موضوع العفشه فعلا فى كل m11 بس ثبات فوق الوصف ومعظم الناس قالت عشان جنوط رياضيه 16 لازم تحس بالدبدبه

[hugan]

قوه تكييف اسبرانزا في كل موديلاتها
مفيش حد اختلف عليها