صوت طقه بعد تركيب مساعدين مونرو لل 620

[AMRSPEED]

انا كان عندى المساعدين الأمامى ضربين زيت وبيعملو صوت وعلى اخرهم
جبت اتنين مونرو ب 530 جنيه
بعد التركيب العربيه عليت كده وبقت احسن بس مش الأداء اللى كنت متوقعه
المهم المساعد الشمال تمام لكن اليمين لما بدوس على العربيه بأيدى نحيه اليمين بسمع صوت طقه هل الصوت ده من المساعد ولا ممكن حاجه تانيه ياريت تفيدونى

[aldesha989]

اكشف على البطاحات والبلية بتاعتها يمكن متركبين وحش

[AMRSPEED]

انا رحت للعفشجى والمشكله كانت فى السوسته تقريبا كانت ركبه غلط مش عارف بالظبط بس هو قعد يلف بأيده كده والصوت راح
بالنسبه بقى للماعدين المونرو اجرب العربيه بس كويس واظبط زوايا واقولكو رايى فيهم

[hugan]

المساعدين المونرو من افضل انواع المساعدين اللي ممكن تعتمد عليها
بتوع ال 620 اوروبي ولا صيني

[AMRSPEED]

بتوع ال 620 صينى وده اللى مقلقنى منهم بس هما لحد دلوقت كويسين بس برضو مقدرش احكم عليهم من يوم

[hugan]

بتوع ال 620 صينى وده اللى مقلقنى منهم بس هما لحد دلوقت كويسين بس برضو مقدرش احكم عليهم من يوم

ماتقلقش من المونرو حتي لو صيني
لانهم خارجين بنفس جوده الاوروبي

[AMRSPEED]

والله انا لحد دلوقت مبسوط منهم ربنا يسهل بقى