الحقوني قطع من كرسي البوجيه قعت داخل الموتور

[mm15102001]

السلام عليكم و رحمة الله و بركاته
اولا انا اتشرف ان اكتب في هذا المنتدي و اني انضممت اليه
انا عربيتي a516 موديل 2006 و كان البوجيه رقم اربعة
بياجي عليه زيت و يقطع و يخلي العربية ماشية علي ثلاثة فقط وده كان بينتش معايا
و سألت و استفسرت ايه الحل قالوا نركب كرسي بوجيه وبعد ما ركبنا الكرسي و بالربط عليه الكرسي اتشرخ و هو مصنوع من النحاس و حاول الخراط و الميكانيكي تطليعه سقط قطع صغيرة داخل فتحة البوجيه وقال الميكانيكي ما تقلقش بس لو حصل مشكلة هيتم تغيير الصبابات بتاع هذا الوجيه و دورنا العربية و كان صوت الموتور عالي فقال لي الميكانيكي ممكن القطع الموجودة داخل الموتور تتطلع لوحدها من الشكمان
و بعدين عملنا مشوار بتاع 200 م و رجعنا تاني و فجأه لقينا الموتور رجع لصوته الطبيعي و فضل شغال علي كدة وروحت بيتي و صوت الموتور طبيعي بس حاسس ان في تنتيشة بسيطة بس دي زي زمان وكمان لعب ي سلوك الموبينة و مبقاش عارف مكان الاول من الرابع و التاني من التالت و ارتبك
ارجو الافادة و طمنوني لو في مشكلة قلولي ايه حلها انا لسه دافع فيها كل اللي معيا

[mm15102001]

ارجو الردبسرعة

[ahmedsrs]

روح لميكانيكى بيفهم خليه يفتح الموتور ويطلع القطع الى وقعت ومتمشيش بالعربية لغاية ماتعمل كده معلش انت متاكد انك كنت بتتعامل مع ميكانيكى

[mm15102001]

روح لميكانيكى بيفهم خليه يفتح الموتور ويطلع القطع الى وقعت ومتمشيش بالعربية لغاية ماتعمل كده معلش انت متاكد انك كنت بتتعامل مع ميكانيكى

للاسف بيقولوا عليه ميكانيكي بس انا رجعت مشيت عليها مسافة 7 كم و العربية زي الفل و من ساعتها ركنتها و مش بحركها لاني خايف ابوظ حاجة
2- انضف ميكانيكي للعربية دي يبعد عني مسافة 40 كم وانا خايف مشي عليها
3- قطع الكرسي من النحاس فهل ممكن تكون اتحرقت و خرجت مع العادم ؟

[dr.hazem]

كان ممكن تفك البوجيهات وتدي للعربيه كلم مارش وده كفيل بنه يطرد الحاجات اللي وقعت ان شاء الله....
تحياتي

Sent from my Xperia Arc S using Forum Runner

[amrelsaqqa]

الصراحة مجازفة كبيرة وغباء من الميكانيكى انه يدور العربية والموتور جواه قطع حديد !

على الاقل خالص خالص كنت فكيت كل البوجيهات ودورت بالمارش بس ، لحد ما البستم ينطر الرايش ده من مكان البوجيه
انما انه يقفللك الموتور على كدة ، قمة الغباء بصراحة
مش عارف اقولك تعمل ايه بس الصح ان كان الموتور يتفك وتعمل طقم شنبر بالمرة عشان تستريح نفسيا وتنساه تماما

[ahmedsrs]

اقطر العربية لغاية الميكانيكى المضمون المفروض ارفة ىلاحتراق ميكونش فيها اى رايش او معدن لانه ممكن يبهدل غرفة الاحتراق موضوع انها تطلع فى العادم دى بتفكرنى بلى بلع مسمار ومستنى ينزل فى العادم معلش هى تكلفة بس عشان تبقى مطمن وانت ماشى

[x_gomgom]

من فتره كان معايا بولونيز و من غبائي كنت بغير فلتر الهواء ووقعت صاموله داخل العمه و عملت زي الميكانيكي الفهلوي اللي فتي و قلك هتطلع من الشكمان أنا عملت كده و البستم اتشرخ بعد 30 يوم ولما شفته وهو طالع مش عارف اقولك منظره كان عامل ازاي....
لازم تحل الوش و تطلع الجزء دا لأانه ممكن يكسر صبابات الموتور أو البستم و يا ريت تركز في صوت الموتور بذات الصبح عشان تعرف لسه القطعه دي جوه ولا لا..... ربنا يعينك

[mm15102001]

هوة فعلا قبل ما يقفل داس مارش فهل كل الرايش طلع كدة

[x_gomgom]

دا عل حسب حجم القطعه اللي وقعن جوه انا حالتي كانت صاموله 8 على ما افتكر ..... اللي اعرفه ان النحاس ممكن يسيح جوه المكنه .... برضه معلش تابع صوت الدوارة الصبح و هي بارده .... لو فيها صوت يا ريت ما ترددتش

[dr.hazem]

هوة فعلا قبل ما يقفل داس مارش فهل كل الرايش طلع كدة

لو اللي وقع براده او فتافيت ممكن تتنطر فعلا بالمارش والبوجيه مش موجود انما لو قطع كبيره مش هتطلع الا بالفك....
انت الوحيد اللي شفت ايه اللي وقع وانت اللي هتقدر هل اللي وقع حتت كبيره تعمل مشكله ولا لا.....
تحياتي

Sent from my Xperia Arc S using Forum Runner

[mm15102001]

جزاكم الله خيرا علي الردود بس قدر الله و تسخن العربية و تجيب جوان وش سلندر و فكيت وش السلندر و بصيت علي البستم اللي وقع عليه القطعة و وجدت القطعة ساحت عليه بس من الاطراف و الشميز بتاعه حصل فيه زي شرشرة

[x_gomgom]

الحمد لله على كل حال و ربنا يعوض عليك بالخير