للمحترفين في a516

[yasser2h]

فجأة أثناء السير فصلت أنوار التابلوة بالكامل وكذلك النور المنخفض علما بأن بقية الأنوار تعمل مثل نور الصالون والنور العالي وبقية إجزاء السيارة تعمل بشكل منتظم ....قمت بإعادة تشغيل السيارة وفصل كابل البطارية وإعادة تركيبه وماذال العيب قائم ...أنوار التابلوة لا تعمل ..النور المنخفض لا يعمل ..ما سبب تلك المشكلة و ماحلها وهل لابد من زيارة التوكيل أم يمكن أقوم بحلها بمفردى ..وشكرا لكم

[hugan]

اكيد فيوز
المهم العربيه بتدور عادي
ولا مابتقومش مارش

[Haitham Basha]

فيوز يا باشا شوف علبية الفيوزات الي تحت الطارة على إيدك الشمال على طول ...

[eleanor]

فى فيوز ضرب ومحتاج يتغير وبسيطه ان شاء الله مش محتاجه توكيل

[fourseasons]

نصيحة بلاش فيوز من برة التوكيل انا غرمت الفين جنيه بسبب فيوز بخمسين لان الاصلى فى ابو الفتوح بالسعر ده.انا الكاسيت كان عامل قفلة فرحت مغير الفيوز بواحد من السوق نفس القدرة للعلم انا مهندس بس الفيوز البﻻستك ال عليه ساح والضفيرة ساحت والعربية كانت حتولع والحمد لله ربنا ستر.فنصيحة قطع الغيار الحماية بالذات خليها فى التوكيل عشان الامان

[akmm]

نصيحة بلاش فيوز من برة التوكيل انا غرمت الفين جنيه بسبب فيوز بخمسين لان الاصلى فى ابو الفتوح بالسعر ده.انا الكاسيت كان عامل قفلة فرحت مغير الفيوز بواحد من السوق نفس القدرة للعلم انا مهندس بس الفيوز البﻻستك ال عليه ساح والضفيرة ساحت والعربية كانت حتولع والحمد لله ربنا ستر.فنصيحة قطع الغيار الحماية بالذات خليها فى التوكيل عشان الامان

مع الشكر لحضرتك ولكن ايه الفرق بين فيوز التوكيل واللى ممكن نشتريه من بره وحاجه محترمه تايوانى او كورى وبذات القدره .. وشكرا للتحذير .

[fourseasons]

مع الشكر لحضرتك ولكن ايه الفرق بين فيوز التوكيل واللى ممكن نشتريه من بره وحاجه محترمه تايوانى او كورى وبذات القدره .. وشكرا للتحذير .

بص يا باشا نظرية التوكيل ديه عشان اﻻمان .قطع الغيار المضروبة مفيش اكتر منها فى السوق وبالذات فى قطع الحماية للدوائر الكهربية ﻻزم تكون متأكد من الحاجة ال بتشتريها