استشارة فنيه

[ramymt]

السلام عليكم ورحمة الله وبركاته
انا معايا عربيه تيجو 2000 سى سى اوتوماتيك
وكنت عايز اشترى عربية تانية سيدان وكنت عايز اجيب a516 وبعدين لقيت انى ممكن اكمل شوية صغيرين واجيب a620 بس ركبت بريليانس جالينا مع واح صاحبى حسيتها حلوة اوى
فياريت حد يفيدنى انهى احسن من ناحيه الاعتمادية واسعار قطع الغيار
وايهم احسن من ناحيه الثبات والوسع الداخلى للصالون والاوبشنز والرفاهية
ولكم منى جزيل الشكر

[M I D O]

البرليانس في رايي احسن من ال 620 بس استحمل اسعار قطع غيار البافارية .. خير الامور الوسط ال 620 برضو حلوة وقطع غيارها اسعارها احسن بكتير من البرليانس

[said.d.y]

ابعد عن ال 620 وابعد عن البريليانس ، حسب معلوماتى مشاكل ال 620 كتير (اكتر موديل فى الاسبيرنزا) والعربيتين دول انتاجهم وقف واعادة البيع بتاعتهم ضعيفة جداً ، ورأى الشخصى كفاية عربية 2000 سى سى واحدة تكون معاك ، وخلى التانية 1600 ، انا شايف ان 516 عربية جميلة (لو موش فارق معاك الاوتوماتيك - وطبعاً حسب حالة العربية) ولوهتجيب ال516 خليك فى الموديلات الاخيرة بعد2012 هيكون افضل.
وربنا يوفقك للافضل ان شاء الله،،،،،،،

[ramymt]

ابعد عن ال 620 وابعد عن البريليانس ، حسب معلوماتى مشاكل ال 620 كتير (اكتر موديل فى الاسبيرنزا) والعربيتين دول انتاجهم وقف واعادة البيع بتاعتهم ضعيفة جداً ، ورأى الشخصى كفاية عربية 2000 سى سى واحدة تكون معاك ، وخلى التانية 1600 ، انا شايف ان 516 عربية جميلة (لو موش فارق معاك الاوتوماتيك - وطبعاً حسب حالة العربية) ولوهتجيب ال516 خليك فى الموديلات الاخيرة بعد2012 هيكون افضل.
وربنا يوفقك للافضل ان شاء الله،،،،،،،

ليه يا باشا موديلات بعد 2012 احسن

[akmm]

ابعد عن ال 620 وابعد عن البريليانس ، حسب معلوماتى مشاكل ال 620 كتير (اكتر موديل فى الاسبيرنزا) والعربيتين دول انتاجهم وقف واعادة البيع بتاعتهم ضعيفة جداً ، ورأى الشخصى كفاية عربية 2000 سى سى واحدة تكون معاك ، وخلى التانية 1600 ، انا شايف ان 516 عربية جميلة (لو موش فارق معاك الاوتوماتيك - وطبعاً حسب حالة العربية) ولوهتجيب ال516 خليك فى الموديلات الاخيرة بعد2012 هيكون افضل.
وربنا يوفقك للافضل ان شاء الله،،،،،،،

مع تحياتى للجميع ... ال 620 معايا ومفيش المشاكل اللى بتقول عليها كتير ولا حاجه مشاكل عاديه زى اى عربيه المهم الإعتناء بها وبرضوا زى اى عربيه .... البريليانس معرفش ولكن زيها بردو وعموما هم عربيتين مواتير ميتسوبيشى وحوش واستهلاك البنزين فى ال 620 معقول لموتورها .... سعر إعاده البيع متدنى شويه طبعا لانها 2000 cc واى عربيه اعلى من ال 2000 cc هيكون مؤثر فى اعاده البيع ...... عموما استخير ربنا وتوكل على الله المهم لو هتشترى مستعمل لازم تكون العربيه ممتازه .

[M I D O]

ابعد عن ال 620 وابعد عن البريليانس ، حسب معلوماتى مشاكل ال 620 كتير (اكتر موديل فى الاسبيرنزا) والعربيتين دول انتاجهم وقف واعادة البيع بتاعتهم ضعيفة جداً ، ورأى الشخصى كفاية عربية 2000 سى سى واحدة تكون معاك ، وخلى التانية 1600 ، انا شايف ان 516 عربية جميلة (لو موش فارق معاك الاوتوماتيك - وطبعاً حسب حالة العربية) ولوهتجيب ال516 خليك فى الموديلات الاخيرة بعد2012 هيكون افضل.
وربنا يوفقك للافضل ان شاء الله،،،،،،،

انا بقول كدة برضو

[saddam]

بالنسبة لل 620 بأمانة أنا عندي وحده معدلة وتعتبر لسه زيرو النايلون بالكراسي ومن يوم مجبتها حتى هذه اللحظة لم يصبها سوى عطلين فقط لا غير ومعملتش ولا صيانة داخل التوكيل العطل اﻷول هو علبة الراديتير العلوية إتشرخت وغيرت راديتير جديد ب 250 جنيه جديد وغيرت غطا للقربة ب 15 جنيه ومرة فيبرة بتاعت عصاية فتيس إتكسرت وصلحتها ب 10 جنيه وبس ودمتم لبنضال إستهلاك البنزين محترم جدا اللتر الواحد 10 كيلو بالتكييف
أما عن إعادة.البيع فهو أساسا حياخدها رخيصة بأقل من 65 ألف ساعة ميبيعها بعد سنتين تلاتة مش حتتباع أقل من 57 وجايز أكتر أنا شريتها من الزيرو 2010 ب 102 ألف وأنا عدلت عربيتي يعني دلوأتي لو إتدفعلي فيها 120 ألف مش حبيعها رغم إني رافعها من سنتين ومتغطية و وشايل كاوتشها وجنوطها وحركبها في عربية تانية ثم ال 620'حاجتها منتشرة وبلاش في التوفيقية الجالينا حاجتها قليلة جدا جدا ودمتم للنضال أنا عربيتي سودة بس أنا شايف إنك تدور على النبيتي أو الزرقاء فيها عشان ألوان نادرة وغريبة وإياك تاخد الذهبي بتاعها بيبان فيه العيوب بسرعة وبالتوفيق ودمتم للنضال

[hugan]

لو مش فارقك معاك ال 2000سي سي
خليك في ال 620
قطع غيارها منتشره زيها زي كل اسبرانزا
لو مش مهم الاوتو يبقي ال 516
عربيه رائعه اقتصاديه جدا

[said.d.y]

ليه يا باشا موديلات بعد 2012 احسن

حداثة موديل وتقريباً هيكون اتعالج فيها كل المشاكل الكانت بتظهر قبل كدة، وتم تعديل شكل الدركسيون والكاسيت وبالتاكيد هتكون بحالة افضل، وان كنت اعتقد الموضوع دة من 2011(والله اعلم)