عربيتي عاملت حادثه

[hesha gandy]

اولا السلام عليكم ورحمه الله وبركاته
عربيتي اسبرانزا a113 اتقلبت وعايزه يتغيرلها سقف ونص خلفي واربع مساعدين يا ريت تفيدوني اذا كانت الحاجات دي متوافره ولو متوافره الاقيها فين ولحد حد عنده خلفيه للاسعار يبقي جزاه الله خيرا

[mohammedabdallh]

اولا الحمد لله على سلامتك يا كبير
انزل الحرفين لف لفه كدا وشوف الاسعار

[Haitham Basha]

الحمد لله على سلامتك كل حاجة موجودة في الحرفيين و المساعدين بس هما الي أعرفهم الجوز بـ 160 جنيه غير كده ربنا معاك بس نصيحة بعها بعد ما تصلحها و لو لقيتها هتفتح معاك في مبلغ و قدره يبقى شكراً بعها كده زي ما هيا لأننها عمرها ما هترجع زي الأول مهما عملت بعد الي انت حكيتو ده و في الأول و الآخر قدر الله و ما شاء فعل ...

[zizophone]

حمد الله على سلامتك .. فداك .. بص يا كبير نطرا لان النهاردة الاحد ... ممكن بكرة ان شاء الله بعد ما اخلص شغل الفلك لفة في الخرفيين اسال لحضرتك على الي انت عايزه .. ياريت بس لو تقدر تنزل صور علشان نشوف و نساعدك اكتر ..

[mastr_n]

ال سلامة واهم حاجة انك سليم
انزل الحرفين وماتشتريش على طول خد لفة الاول وخد معاك حد فاهم
الحرفيين فيها كل حاجة بس فيها اشتغالات كتير خلى بالك

[mastr_n]

الف سلامة
خلى بالك الحرفين فيها اشتغالات يعنى خدلك لفة الأول وماتستجلش وخد حد فاهم معاك
انا عن نفسى غملت كدة وكان هايتنصب عليا بس الحمد للة
وهتلاقى كل حاجة هناك ماتقلقش

وحمداللة على سلامتك

[يارا]

ربنا يعوضك

[M I D O]

الف سلامة عليك يا باشا وربنا يعوضك خير و اسئل كدة في التوفيقية ان شاء الله هتلاقيهم

[hugan]

اسال علي شيكو في الحرفيين
متخصص تقطيع اسبرانزا ستيراد
ربنا يعوض عليك خير ان شاء الله

[salah_86]

حمد لله على سلامتك وخير مزعلش واحمد ربنا اللهم أجرك فى مصيبتك وأخلفلك خير منها
ولو هتبيع استخير قبل ما تصلح وتصرف عليها

[Karim_Monir]

حمد الله على سلامتك
قدر الله وما شاء فعل
دي وشة نايل موتورز تقدر تشوف جزء من شغلها
وعندنا حالا لوجان مقلوبة ومغيرنلها سقف ودخلت البطانة لو عايز تشوف البنط واللحامات في شغلنا

https://www.facebook.com/groups/295578580457513/photos/

[akmm]

حمد الله على سلامتك
قدر الله وما شاء فعل
دي وشة نايل موتورز تقدر تشوف جزء من شغلها
وعندنا حالا لوجان مقلوبة ومغيرنلها سقف ودخلت البطانة لو عايز تشوف البنط واللحامات في شغلنا
https://www.facebook.com/groups/295578580457513/photos/

الف سلامه لك والحمد لله على كل شىء ... وعموما التصليح هنا افضل ومش هيتنصب عليك .

[S O P H O S]

ربنا يعوضك خير
الف حمد الله علي سلامتك

[ahmed.youssef]

الحمد لله علي سلامتك
وانشاء الله يعوض عليك خير
وشوفها هتكلف كام لحد ما تخلصها و هتجبلك كام لما تبعها
وشوف تجبلك كام دلوقت
واختار الاحسن ليك

[ahmed.youssef]

الحمد لله على سلامتك كل حاجة موجودة في الحرفيين و المساعدين بس هما الي أعرفهم الجوز بـ 160 جنيه غير كده ربنا معاك بس نصيحة بعها بعد ما تصلحها و لو لقيتها هتفتح معاك في مبلغ و قدره يبقى شكراً بعها كده زي ما هيا لأننها عمرها ما هترجع زي الأول مهما عملت بعد الي انت حكيتو ده و في الأول و الآخر قدر الله و ما شاء فعل ...

الجوز المساعدين ب 160 جنيه؟
دول استراد ولا جداد؟ وجربتهم ولا لا؟