تانك البنزين اتخرم تاني ......

[abdulhafeez]

بعد تغيير تنك البنزين للاسف التنك الاستيراد اتخرم برضو

وبعد ما فكينا التنك لقيته فيه شرخ صغير في نفس المكان اللي كان فيه شرخ التنك القديم

عملنا لحام حديد بامبوبتين لزق وبعد ما ركبنا التانك كانت بتشر بنزبن طلع من جوان طرمبة البنزين

قفلنا الطرمبة كويس البنزين وقف

نزلت على صلاة الجمعة لقيت تحت العربية بنزين تاني ولقيتها بتنقط قدام عيني

انا بصراحة زهقت ومش عارف اعمل ايه

التنك اللي قبليه لحمته بتاع 5 مرات وفي الآخر غيرته

والتنك دا مكملش 5 شهور واتخرم تاني ...

ممكن يكون في حاجة في جسم العربية بتخبط في التنك في المطبات لحد ما يتشرخ وينقط ...

انا بفكر اعملها تنك عمولة مخصوص بدل الهم دا كل شوية

[M I D O]

مادام نفس مكان الكسر القديم يبقي اكيد في حاجة في العربية بتخبط فية وكسرتة

[hugan]

مادام نفس مكان الكسر القديم يبقي اكيد في حاجة في العربية بتخبط فية وكسرتة

بالظبط كده
اكيد في حاجه في العربيه بتعمل الشرخ في التانك
نزل التانك وقلب العربيه من تحت كويس
مفيش حد اشتكي من التانك قبل كده نهائي

[abdulhafeez]

هو المفروض اللي يشتغل الشغلانة دي يبقى ميكانيكي ولا سمكري

[hugan]

الميكانيكي هو اللي بيحل التانك
واكيد هايبان ان كان في حاجه بتحك في التانك
او بتعمل ضغط عليه

[saddam]

صديقي المواطن
مفيش حاجة.إسمها تلحم.تانك بمادة
ده التنك بيتفك ويتغسل من البنزين ويتلحم.عند بتاع راديترات متطور مش أي حد وكمان فيه ناس عايشة في ورش لحام تانك البنزين بس فيتفك وبتشاف مكانه لو فيه حاجة تردها.بشاكوش ويتنظف ويتلحم ويركب وخلصنا
ودمتم للنضال

[M I D O]

بالظبط كده
اكيد في حاجه في العربيه بتعمل الشرخ في التانك
نزل التانك وقلب العربيه من تحت كويس
مفيش حد اشتكي من التانك قبل كده نهائي

الافضل لو يعرف يرفع العربية في اي حتة عشان يقف تحتها ويقدر يعاين العربية كلها من تحت ويكشف عليها من كل الزوايا

[abdulhafeez]

هو بصراحة ... مفيش اثر لاي حاجة بتخبط في التانك

والراجل وهو بيقفل بيحلف بالله ان في فراغ بين التنك وجسم العربية وصعب انه يخبط اصلا

لما دورت كويس لقيت طرمبة البنزين هي اللي التسريب حواليها علشان الجوان بتاعها اتقطع شوية

قالي هنعملها جوان عمولة لاني سالت قالولي مفيش جوان طرمبة بنزين

[abdulhafeez]

صديقي المواطن
مفيش حاجة.إسمها تلحم.تانك بمادة
ده التنك بيتفك ويتغسل من البنزين ويتلحم.عند بتاع راديترات متطور مش أي حد وكمان فيه ناس عايشة في ورش لحام تانك البنزين بس فيتفك وبتشاف مكانه لو فيه حاجة تردها.بشاكوش ويتنظف ويتلحم ويركب وخلصنا
ودمتم للنضال

مفيش في التنك اي خبطات اصلا بينزل سليم بس فيه شرخ صغير بينط بنزين بس مش حنفية يعني .. نقطة نقطة كدا


موضوع اللحام بقى
انا عملت اللي انت قلت عليه قبل كدا والسمكري لحمهولي لحام نحاس وبرضو اللحام فتح ونقط تاني

بس الكلام دا كان في التنك القديم اللي طلع فيه برومة ماشية فيه في الآخر

[hugan]

جميل
يعني المشكله طلعت من جوان الطلمبه

[abdulhafeez]

هو الجوان يخلي البنزين ينقص بسرعة قوي

اصل الحاج خد العربية وسافر بيها بس للاسف البنزين خلص منه في الطريق

وانا كنت قبليها عمال ااكد علية متحطش بنزين ي العربية علشان فيها كتير ... اصل العوامة بايظة ...

الحمد لله اني ماكنتش معاه ولا كان سابني في الصحراء

[hemaa_82]

بارومة في تنك بنزين ؟؟؟؟؟؟
هوة البنزين في مية ولا ايه ؟؟؟؟


غير كده طيب منعا للشرخ ... هات اي كاوتش داخلي و قصه و حطة فوق منطقة الشرخ قبلما تركب التنك بس طبعا بعد اللحام النحاس لان الالنضيد "الابوكسي" هيفك نتيجة الضغط و البنزن