هتجنن

[elzieny]

لو معاك75000 تشترى ايه
افيو و دى الصاج بتاعها هو بتاع الكانز النقفيل المصرى
ولا فيرنا ولا لانوس ولا

اسبرانزا
انا عجبانى الاسبرانزا بس كلامكم عليها يسد النفس انا شاكلى مش هجيب حاجة و همشيها رياضة موتورجل

[mohamed ibiza]

انا رأيي فيرنا

[Hosam_Optrawy]

طب ما تجيب رينو كليو ب 74 الف
عربيه ماشاء الله تحفه وانسب وانجح واحده فى الفئه دى

[sab3aawy]

رأييى تجيب كانز ............قصدى أفيو، بالمناسبة الأفيو التقفيل المصرى صاجها مش بيتعمل فى مصنع كوكا كولا ولا حاجة لأنه ببساطة بييجى من كوريا من على نفس خط الأنتاج اللى بيطلع منه الصاج اللى بتتقفل بيه مثيلتها الكورية اللى بتتباع فى جميع انحاء العالم، وبالتالى تقفيل مصرى تقفيل كورى هو هو نفس الصاج

وبالمناسبة لو انت من هواة الصاج التقيل يبقى شد حيلك وربنا يكرمك وتجيب المانى، او على الأقل تشيكيى (سكودا)لكن غير كدة اى كورى او يابانى وكذلك كتير من الفرنساوى صاجه خفيف

[Ahmed Hamdy]

باشمهندس سبعاوى ..

ممكن تقولنا سبب اختيار حضرتك للأفيو فى الفئة دى ... ؟؟

[absolom]

باشمهندس سبعاوى ..

ممكن تقولنا سبب اختيار حضرتك للأفيو فى الفئة دى ... ؟؟

أضم صوتي لصوت الأخ أحمد نتمنى من الأستاذ سبعاوي معرفة الأسباب التي تجعلك ترجح الأفيو في هذه الفئة بشئ من التفصيل ولو مختصرا وجزاك الله خيرا مقدما

[عبدالحميد]

لماذا الأفيو

أستاذ سبعاوىيا ريت يا باشا تعمل لنا مقارنة كده بين مجموعة عربيات اللى فى حدود ال 70 ألف زى الفيرنا - أفيو - إسبرانزا - لانوس - و خصوصا لوجانولك جزيل الشكر وكل سنة و أنت طيب ومعلش بنتقل عليك علشان واثقين فى معلوماتك

[hobby10]

هتجننننن

ايوه فعلا يأستاذ سبعاوى ياريت تقولنا مين احسن الرينو كليو سيدان ولا اللوجان سيدان ولا الافيو التقفيل المصرى الهاف اوبشن انا برضه محتارة جامد بين التلاتة

شكراااا

[MIDO_20071]

للاسف مفيش اي وجهه للمقارنه بين كل السيارات دي وبين الاسبيرانزا A516

انا مش عارف الناس اللي بتهاجم الاسبيرانزا لا وفين في قسم الاسبيرانزا من غير متكون امتلكتها او حتى ركبتها

لمين ولصالح مين انا مش عارف

الفيرنا والافيو مش انا اللي هتكلم عليهم لا اسال اي حد من مالكيها وقولهم ايه اخبار العربيتين دول معاكم وايه اخبار الاستابيلتي على السرعات العاليه؟

ارتفاع التلاته عن الارض افيو سبيرانزا فيرنا

الانتريور فيو للتلاته

المساحه الداخليه للتلاته

الاوبشن للتلاته مع ان كده في ظلم للافيو والفيرنا

طبعا كلنا عارفين ان شيفروليه لا هي شيفروليه ولا حاجه دي جنرال موتورز اشترت دايو وعارفين ان الاوبترا اصلا دايو نوبيرا والافيو دايو لانوس

قوة الموتور وعزمه بالنسبه للتلاته او ممكن نستثني الافيو لانها 1500 سي سي

مننكرش ان الاسبيرانزا A516 موديل 2006 كان فيه عيوب لكن العيوب دي اختفت تماما في موديل 2008

بصراحه انا مليش اي مصلحه في ان اي حد يشتري اي عربيه هوه حر لكن انا مش عارف الناس بتحب الهجوم لمجرد الهجوم وده السر اللي مخلي عربيه زي 128 بتتباع 38000 جنيه

[ahmedsiyam]

انا مش عارف الناس اللي بتهاجم الاسبيرانزا لا وفين في قسم الاسبيرانزا من غير متكون امتلكتها او حتى ركبتها

لمين ولصالح مين انا مش عارف

يا اخى كلامك مظبوط جدا و للاسف دى طبيعة ناس كتير جدا بتفتى بدون سابق تجربة و طبعا افضل رد هو عدم الرد
( واذا خاطبهم الجاهلون قالوا سلاما )

[ahmed_bq]

دا لزوم الحرفنه عشان ده سمع من صاحبه ان صاحي صاحب صاحب واحد صحبه قال عليها وحشة على سمعه من واحد عاشر

شعب ودني بيمشي ورا ودانه

[r0yalhorse]

راي فيي السيارات الاسبرانزا؛
انا رحت لاجنص في شارع صفية زغلول الاسكندرية وشفت الاسبرانزا a113 واعجبت بها جدا واللي ادهشني اكتر ان في منها تقفيل مصري وفي منها اوروبي فدخلت الاوربي فلاقيتها بجد متقنة الصنع و التقفيل وفتحت الكبوت لقيت الموتور نضيف جدا فاعرفت ان اي شكوى بتصدر على الاسبرانزا بتكون على الي تقفيلها مصري
والي اكدلي ان تقفيلها اوروبي اني شفت صور الموتور لـ a113 الي موجودة في اوروبا لقيته نفسه بالضبط حتى اللزقات الي ملزوقة هنا ملزوقة هنا
واولا واخيرا احترم عربيتك نحترمك
علما بان سعر a113 الاوربي 55000 جـ
والتقفيل المصري 52000 جـ

فانا بصراحة من اشد المعجبين بها من حيث الوسع والتصميم الذكي و السعر

[egyptianmafia]

a113 has a lot of problems in Egypt....

[mmahermf]

انصحك ب Byd F3

لو معاك75000 تشترى ايه
افيو و دى الصاج بتاعها هو بتاع الكانز النقفيل المصرى
ولا فيرنا ولا لانوس ولا

اسبرانزا
انا عجبانى الاسبرانزا بس كلامكم عليها يسد النفس انا شاكلى مش هجيب حاجة و همشيها رياضة موتورجل

بالثمن ده ممكن تجيب BYD F3 GLX-i عربية جامدة جدا جدا جدا وروح شوفها في شركة الأمل خلف الحرية مول أو امام دار الدفاع الجوي بشارع النزهة واتفرج على الموتور المتسوبيشي 1600 وكماليات ممتازة وممكن تعرف اكتر لما تدور على المواضيع الخاصة بها في المنتدي الصيني العام وايضا منتدي ماركات اخري تحت الصيني ايضا.

م/ محمد ماهر

[megaman]

نصيحة لوجه الله اشترى فيات بونتو الاول اتفرج عليها فى التوكيل فى اوماترا الدقى واتفرج على الاوروبى عربيات بجد مهما الناس قالت توفير في البنزين خامات ممتازة عربيات بتعييش على فكرة انا زيك بالضبط وقررت خلاص اشتريها إن شاء الله اخويا معاه ال113 عفشة ضعيفة عيب فى صليبة الدركسيون بتغييب فى الدوارة غيرنا البوجيهات مفيش فايدة الزجاج الكهربا الامامى باظ طبعا اظن ان شقيقتها الكبرى ال516 مش حتختلف كتير والعربيات الكورى تقفيل مصرى رايي فيها انها عبارة عن سرعة وتسارع عالى بدون كنترول يكفى وتكييف تلاجة عفشات نص كم عمر افتراضى بحالة كويسة غير عالى على فكرة مفيش حاجة اسمها 113 اوروبى