يا اهالي اسبرانزا الكرام، قد جائكم فارس ووحش

[eleanor]

الف مليون مبروك وربنا يديك خيرها ويكفيك شرها وشر عيون الناس

[bassemali]

انا اتفق معا حضرتك تماما في كل نقطة لاكن بعيدا عن الموضوع انا متابع الاستاذ صدام بقالي فترة وفي كل مشاركة لازم دمتم للنضال و حياة النبي يا جدعان تفهموني حكاية الجملة دي اية انا حاسس انة سيم بينكم

لا وبيكتب كمان صديقي المواطن برضه دايما ف الأول .

[akmm]

الف مبروك السياره الجديده ......... وربنا يديك خيرها ويكفيك شرها . ونورت القسم ومرحبا بك .

[aftr]

الف مبروك يارب تكون مبسوط من العربيه وفى انتظار التقرير والصور

[M I D O]

لا وبيكتب كمان صديقي المواطن برضه دايما ف الأول .

اة منا واخد بالي بس قلت اخليها للسؤال التاني عشان ميتقالش علينا فضوليين

[ecybrarian]

الله يبارك فيكم جميعا.. ومعلش استحملوني شوية اصل الجديد اعمى ولو كان بصير

[hugan]

انا اتفق معا حضرتك تماما في كل نقطة لاكن بعيدا عن الموضوع انا متابع الاستاذ صدام بقالي فترة وفي كل مشاركة لازم دمتم للنضال و حياة النبي يا جدعان تفهموني حكاية الجملة دي اية انا حاسس انة سيم بينكم

هههههههه
الاستاذ صدام ليه اسلوب مميز في الكتابه
بيبتدي بصديقي المواطن
وينتهي
دومتم للنضال
قولت ارد عليه بطريقته
دومتم للنضال

يمكن قصده نضال العربيات ومشاكلها

[M I D O]

هههههههه
الاستاذ صدام ليه اسلوب مميز في الكتابه
بيبتدي بصديقي المواطن
وينتهي
دومتم للنضال
قولت ارد عليه بطريقته
دومتم للنضال

يمكن قصده نضال العربيات ومشاكلها

يعني برضو حضرتك طلعت زي حالاتنا .. طيب خلاص بقي في انتظار صاحب الشأن يرد

[mohamed1979]

الف الف مبرووك على العربيه
بصراحه قرار ثقتك فى العربيات الصينى قرار شجاع احيك عليه
على رأي حضرتك انا فاكر سنه 94 ايام الأكسيل كانت الناس بتقول عربيات ورق و كورى ايه دى شركات بتعمل تلفيزيونات مش عربيات
بعد كدا لما شفتها بتسحمل الشقى و الدعمكه و شقاوه شباب الكليه عرفت قد ايه احنا بنفتى فى اى كلام بدون تجربه
و جاليا السيارات الكورى من اعلى مبيعات السيارات فى العالم

الف مبروك و يديك خيرها ان شاء الله

[hemaa_82]

اولا الف مبروك
ثانيا اي عربية هتتعامل باحترام و احتراف هتعيش حتي لو معمولة علي باب بيتنا و اللي ليه اصل في فلاحين هيلاقيهم بيمشو شئ عجيب كده علي انه جرار و اساسا ده مكنة ميه و ماشية معاهم و بسطاهم ولا المرشيديس علي رأي اسطواطنا القدام
ثالثا العربية اداه .... ليس لها عرق و لا دين و دفاعنا او هجومنا علي اي اده لما بيكون بسبب اي حاجة من دول ده عن عبط مننا احنا مش من الحاجة او اللي عملها .... هوا عمل و باع و كسب واحنا قاعدين "زي اعلان الشيفورليه كده :)"
رابعا ... عجبني موت طريقة سردك للموضوع ... من الاخر كده حبيتك لله في لله


خامسا بقي و دي اهم حاجة متريحوا بالنا و تفهمونا حوار النضال ده

[Haitham Basha]

هو محدش ناوي يبل ريقنا و يفهمنا حوار المواطن و النضال و لا إيه .؟؟؟

[M I D O]

هو محدش ناوي يبل ريقنا و يفهمنا حوار المواطن و النضال و لا إيه .؟؟؟

دة طلع مطلب جماهيري بقي وانا ماعرفش وفاكر نفسي الوحيد المندهش من الحوار دة هههههههههههههه

[محمود نجيب]

انا كنت راكب لانوس ثم فرنا ثم حبيت اجرب العربيات العالية
فاشتريت اسبرنزا a113

[عماد]

ارجو المساعدة

السلام عليكم مالكى اسبرانزا a516 ممكن تساعدونى انا محتار بين اسبرانزا a516 وبين دايو لانوس ولسه بايع عرابيتى ( سيينا 1400 موديل 2002) وانا محتار بين الاثنين من حيث اسعار قطع الغيار وتوافرها مع العلم انى حابب شكل الاسبرانزا بس ماعنديش معلومات عنها لذا ارجو المساعدة فى مميزاتها وعيوبها واسعار قطع الغيار وتوافرها ولما اقبل على الشراء اخد بالى من ايه لتكون العربية سليمة وحالتها كويسة ومعدل استهلاك البنزين

[M I D O]

السلام عليكم مالكى اسبرانزا a516 ممكن تساعدونى انا محتار بين اسبرانزا a516 وبين دايو لانوس ولسه بايع عرابيتى ( سيينا 1400 موديل 2002) وانا محتار بين الاثنين من حيث اسعار قطع الغيار وتوافرها مع العلم انى حابب شكل الاسبرانزا بس ماعنديش معلومات عنها لذا ارجو المساعدة فى مميزاتها وعيوبها واسعار قطع الغيار وتوافرها ولما اقبل على الشراء اخد بالى من ايه لتكون العربية سليمة وحالتها كويسة ومعدل استهلاك البنزين

العربية جميلة قطع غيار رخيصة استهلاك بنزين تقريبا 7 لتر *100 كيلو بدون تكييف توصل ل 8 بالتكييف متوفر قطع غيارها في اماكن كتيييييييير عربية في المجمل جميلة وعيبها ان العفشة بتعوز تتربط كتير وبس و السحب علي السرعات الاولي متوسط يعني تجيب من 0 ل 100 كيلو في 18 ثانية تقريبا لاكن بعد متعدي بيها سرعة 80 هتلاقي وحش معاك علي الطريق