اسبرانزا a113 ولا لادا 2107

[HADEDA]

يا جماعة محدش يستغرب من المقارنة دى لان الاتنين نفس السعر تقريبا بس الواحد يجيب اللادا المتجربة ومعروفة بقالها سنين ولا يجازف ويجيب الاسبرانزا محتاج رايكو ضرورى

[ahmedviking]

معلش بقي رغم الحيره اللي الناس فيها وانا وانت منهم
بس بتقارن ايه بايه ؟ السما ( سبيرانزا) ولا الارض ( لادا) مش ممكن يعني يكون في مجال مقارنه بيتهيألي غير السعر :))

بس كامكانيات وكل حاجه طبعا 113 ورغ ماللي الناس هتكتبه بعدي هنا من صيني وعفشه ومش عارف ايه
انا عن نفسي معملتش المقارنه دي ابدا بين 113 واي عربيه في فئتها لانها تكسب وبنجاح
انا دلوقتي بقارنها بحاجات اكبر مستعمله استعمال نضيف

[blazer]

معلش بقي رغم الحيره اللي الناس فيها وانا وانت منهم
بس بتقارن ايه بايه ؟ السما ( سبيرانزا) ولا الارض ( لادا) مش ممكن يعني يكون في مجال مقارنه بيتهيألي غير السعر :))

بس كامكانيات وكل حاجه طبعا 113 ورغ ماللي الناس هتكتبه بعدي هنا من صيني وعفشه ومش عارف ايه
انا عن نفسي معملتش المقارنه دي ابدا بين 113 واي عربيه في فئتها لانها تكسب وبنجاح
انا دلوقتي بقارنها بحاجات اكبر مستعمله استعمال نضيف

مين قاللك ان الادا الارض !!!
اعترض جداااااااااااااااااااااااااااا وبشده

[mohamed2002]

مفيش اي وجه للمقارنة عاوز عربية ناعمة واوبشن كتير وبدات في الانتشار يبقي اسبرانزا ولا عاوز عربية اعتمادية دفع خلفي كبيرة عائلة قوية ليها تاريخ يشهد انها عربية تفتقر الي الرفاهية ولكنها تتميز بالمتانه الشديدة ,مينفعش تقارن بين الاتنين عشان متظلمش حد منهم ,اقرب ما يمكن مقارنتة بالادا الشاهين
وطبعا الادا مش الارض والاسبيرنزا مش السما خالصصصصصص
ربنا يوفقك

[blazer]

كامكانيات وماتور
الادا تكسب 1000000000%
و سحب الادا اقوى بمراحل دا ماتور الاسبيرانزا دا عامل زى ماتور العربيات اللعبه اللى كنا بنلعب بيها بريموت زمان

[شاهين - بنز]

يا جماعة محدش يستغرب من المقارنة دى لان الاتنين نفس السعر تقريبا بس الواحد يجيب اللادا المتجربة ومعروفة بقالها سنين ولا يجازف ويجيب الاسبرانزا محتاج رايكو ضرورى

لا تعليق

[semsem85]

لادا تكسب فعلا

[mody_halawa]

اكيييييييد الاسبرانزا

[Dr_Medschool]

لو عايز عربية عائلية تستحمل سفر و مصايف يبقى لادا
أما لو عايزها داخل مدينة واستعمال شخصي هات اسبرانزا

[adelgeb]

لوانت امكانياتك عالية جدا جدا هات الاسبرانزا وبعدشوية بعها وهات حاجة تانية وهكذا وتكون استمتعت بمتعة التغيير وموضوع الفلوس لايهم . أما لو امكانياتك محدودة وعايز عربية تعيش معاك على الأقل 10 سنين بقطع رخيصة وصيانة سهلة ومتوفرة خليك فى اللادا 2107.

[osamahalem]

رد

الاخ العزيز اولا انا مش مستغرب من المقارنة لان معنى انك تعمل المقارنة دى انك حطيت رجلك على الطريق الصحيح يعنى الناس اللى بتعمل مقارنات بين عربيتين صينى مثلا ويكون الفارق ان الاولانية بتفتح التانك اوتوماتك من جوة والتانية مبتعرفش يعنى مقارنة فى شوية كماليات كلها هتعطل بأذن الله بعد سنتين تلاتة وعلشان تشتغل تانى يلزمها مصاريف تشترى عربية جديدة دى مش مقارنة انت بتعمل مقارنة بين كماليات ومتانة وانا هديلك رئيى انت افضل الحلول تجيب سيارة موديل التسعينات كورولا او اوبل فيكترا تحديدا لانهم اكتر العربيات اللى اسعارها ثابتة وتقدر تبيعها من غير ما تخسر فيها ولما الصين او غيرها تنزل سيارة محترمة ومتينة وتتحمل يبقى تبيعها وتلاقى فى ايدك السعر المطلوب للسيارة الجديدة ودى نصيحتى لحضرتك ولك منى كل الاحترام والتقدير

اخوك / اسامة حليم / المنصورة

[blazer]

لوانت امكانياتك عالية جدا جدا هات الاسبرانزا وبعدشوية بعها وهات حاجة تانية وهكذا وتكون استمتعت بمتعة التغيير وموضوع الفلوس لايهم . أما لو امكانياتك محدودة وعايز عربية تعيش معاك على الأقل 10 سنين بقطع رخيصة وصيانة سهلة ومتوفرة خليك فى اللادا 2107.

ازاى يا مان الفلوس مش مهمه طيب مايروح يجيب فرارى بقى

[mohamed2002]

مينفعش يا جماعة نقارن بين لادا واسبيرنزا بجد بتظلمو الاتنين الاسبيرنزاالرفاهية بجميع اشكالها وسعر معقول بالنسبة لها وحققت انتشار معقول اوي وليها مستقبل حلو عندنا بس مش عربية اعتمادية متتقارنش بالادا الادا تفتقر الي الرفاهية لكنها عربية شدديدة تسافر تروح تيجي تلف عربية متينة وقطع غيار استعمال وجديد ودي وجهات نظر

[meeezo333eg]

لو جبت الادا خليك فاكر العيب الجوهرى اللى فى العفشة بتاعتها بتاع البيضة اللى بتملص و فيه اخ هنا فى المنتدى عمل حادثة باللادا موديل 2007 يعنى البيضة ملصت بعد سنة

[ibrahimsaad]

لو عايز رفاهيه ونعومه واوبشن يبقى ال 113 اكيد

لو مستغنى عن الرفاهيه وعايز قوه وسحب وعربيه تتشال وتتحط بيك فى اى طريق وماتزعلش يبقى اللادا اكيد لكن تذكر انها لاتحمل اى رفاهيه

يبقى انت اللى ممكن تقرر