نصيحة للشراء سيارة سبيرانزا a516

[ELPOPSTAR]

السلام عليكم .....
انا اتمنى ان استفيد من خبراتكم فى امتلاك سيارة اسبيرانزا a 516 >>>

فانا معايا لحد 39000 ... هل اجيب اسبيرانزا ولا خلينى فى اللانوس افصل او اى شى اخر ...

انا مقتنع بالسبيرانزا ..لكن انتا عارفين كلام الناس كثر على العربية فى اللى بيشكر فى العربية وفى لا ؟؟؟
فنصيحة ...اخويا اجيبها او لا ....وهل الملبلغ بيجيب عربية كويسة ...

وياريت لو يوضحلى فى ناس بيتقول الخامات بتاعت التابلوة رديئة ماصحة هذا الكلام ...وما اشهر اعطال العربية ...؟؟ شكراااااااااا اسف على الاطالة

[amer_wageh]

عربية حلوة علي اد تمنها وخامات التبلوة وحشة بمعنى ان الالوان والارقام والكلام اللي علي الزراير بتتمسح وعموما هى عربية في المجمل كويسة الا مكنتش انتشرت اوى كدا بس الاهم من دا كلة الحالة انت ممكن تبقي راكب مرسيدس بس مش مبسوط بسسب حالتها وسؤء صياتنها لو صاحبها كان مهمل فيها وراكب صينى بس مبسوط بسبب ان صاحبها كان مهتم بيها وحظ مؤفق في الشراء انشاء اللة

[fourseasons]

يا باشا عربيات تمام قوى وزى الفل المهم ال حتشتريها منه وبالسعر ده يجيبلك 113 حلوة ﻻكن 516 صعب شوية

[fourseasons]

حتبقى متهانه قوى ممكن لحد 47 تجيب وحدة 2007 معقولة شوبية.وخلى بالك ﻻزم تكشف كويس

[saddam]

صديقي المواطن
عربية محترمة وممتازة جدا عيوبها الراديتير العلب بتاعته بتتشرخ ورخيص مش غالي مش يعمل جديد 250 جنيه ومن ما بعتبر عيوب هو إنها بتحب مراجعة دورية للعفشة ولو مش حتشغلها تكسي أو مكانتش هي تكسي متنكر فمكنتها جميلة عليها بس لو إستعمال عنيف بيركبولها مكنة وفتيس أوتوماتيك ميتسوبيشي وعربية واسعة وفيها تكييف خلفي وكركوبة في الشارع وراحة من الداخل أحسن من لانوس مرتين ثلاثة كمان ةلكن 39 مش حتجيب نظيف الحالة الحلوة تبتدي ب 42 ألف وإشتريها والطبلوه مش فخم ولكن يظل أحسن من بتاع لانوس ثم ليها كماليات ونواكل كتير في التوفيقية وسوقها ماشي في البيع
وبالتوفيق وإلى اﻷمام ومن نصر إلى نصر
ودمتم للنضال

[hugan]

عربية حلوة علي اد تمنها وخامات التبلوة وحشة بمعنى ان الالوان والارقام والكلام اللي علي الزراير بتتمسح وعموما هى عربية في المجمل كويسة الا مكنتش انتشرت اوى كدا بس الاهم من دا كلة الحالة انت ممكن تبقي راكب مرسيدس بس مش مبسوط بسسب حالتها وسؤء صياتنها لو صاحبها كان مهمل فيها وراكب صينى بس مبسوط بسبب ان صاحبها كان مهتم بيها وحظ مؤفق في الشراء إن شاء الله

مفيش الكلام ده
مفيش اي الوان او كتابات بتتمسح
فرش الابواب كله جلد
التابلوه جلد ونضيف وما بيحصلش فيه اي تشققات
مش بلاستيك مقوي

خد بالك في فرق
عربيه ممتازه بس اهم حاجه الحاله
يعني ماتشتريش عربيه خلصانه وعدمانه علشان ماتتعبكش

في نظري انضف من الانوس 3 او 4 مرات زي ماستاذ صدام قال
بس ال 39 ما يوقعوش عربيه كويسه

[ELPOPSTAR]

انا بصيت فى كونتكت كار و دوبيزل ..كنت بلاقى موديل 2007 لحد 39 .. والحالة كويسة .....بس انتم ادرى ؟؟؟

يعنى افهم من كلامكم ان المبلغ ضعيف ومش هيجيب حاجة حالتها كويسة ؟ مع العلم انى بدور على موديل 2006 لحد 2008

[fourseasons]

[overline][overline]يا باشا اهم حاجة الحالة وفى عربيات منها بتتباع ب 55 بس حالة فابريكة.44 و الأسعار ديه ممكن زى ما الأخوة قالوا لحد 47 حتبقى معقولة غير كده حتبقى رشة و محتاجة شغل.وبالنسبة للفرق بينها وبين الأنوس فرق كبير جدا اوبشن و وسع و الخامات حلوة مش وحشة وبتستحمل مفيش غير عصاية الفتيس هى ال بقشر بس وانا من ساعة ما جبت العربية وانا حاطط لها كسوة عشان كدة زى ماهية.وبالتوفيق ان شاء الله[/overline][/overline]

[fourseasons]

اه وفيه حاجة تانية مهمة قووووووووى الارتفاع عن الأرض الأنوس بتحك فى المطبات ديه لأ

[hugan]

محتااج تنزل السوق ويكون معاك حد بيفهم
سمكري نضيف
والعروض هايكون كتير وتقدر تختار براحتك
عموما اي عربيه مستعمله ماتشريهاش اقل من 40000 كيلو
علشان تاخدها بخيرها

[محمد الصباغ]

سياره افضل من الانوس بكتير من حيث الارتفاع على الارض وواسعه واوبشن عالى عن اللانوس اهم حاجه فى الشراء حاله السياره مش الموديل ممكن موديل 2008 يكون افضل من 2011 من حيث الحاله اخى معه اسبرانزا 2007 من الزيرو وحالتها ممتازه لم ترش بره ولاجوه وبيسافر بيها من الاسكندريه الى سوهاج مرتيين فى الشهر لظروف عمله لذلك انا اشتريت اسبرنزا 516 مستعمله والحمد لله مستريح فيها بس اتن ياخى حاول ترفع المبلغ فوق 40000 الف شويه علشان تجيب سياره غشيمه زى مبيقولو وربنا يوفقك

[M I D O]

عربية محترمة جدا بس الحالة النضيفة هتبقي من 45 الف

[carrier]

ال 40000 حتجيب a516 متعلم عيها
يعنى مشنشة ولو انت شايفها سليمة

7 زيادة تجيب ركوبة محترمة
وف كل الحالات لازم تكشف بمركز خدمة
الافراد اللى بيفهموا مش كفاية لكن مهمين بردوا