تجربة تغيير زيت شيل 5000 لل516

[AMGAD1521977]

تحياتى لاعضاء المنتدى المحترمين اليوم حبيت انقل لكم تجربة تغيير زيت شيل 5000 لل516 و نظرآ لقيامى بركن السيارة مدة طويلة و حرصآ على كفاءة الزيت و الموتور معآ فقد قمت بعد استشارة الميكانيكى بتغيير زيت شيل 5000 و درجة اللزوجة 15w50 مع العلم انى كنت بغير زيت 10,000 شيل ايضآ و لاحظت ان تقريبآ مفيش فرق بين الاثنين خلاف عدد الكيلومتر مع العلم ان حالة الموتور جيد جدآ و بعد سؤال الميكانيكى طلب منى ان الافضل حاليآ هو زيت 5000 لقصر عمره فى قلب الموتور ( 5000 كيلو ) ايضآ فى حالة قيامى بركن العربية مدة طويلة و استهلاك قليل فالافضل للموتور هو زيت 5000 مع العلم ان صوت الموتور و السحب و السخونية لم تتأثر بتغيير نوع الزيت و تحياتى لكم جميعآ

[mohamedxsayed]

زيت شيل الترا 10000 زيت تخليقى بيحافظ على عمر الموتور اطول واداء احسن
(ده الى اعرفه ومتابع )

[AMGAD1521977]

زيت شيل الترا 10000 زيت تخليقى بيحافظ على عمر الموتور اطول واداء احسن
(ده الى اعرفه ومتابع )

معاك كلام سليم 100% و لكن فى حالة ركن العربية مدة طويلة ( زى حالتى كده ) يبقى مش الحق اعمل 10,000 كيلومتر و لا فى سنة بالاضافة الى انا لاحظته دلوقتى ان كل الميكانيكيا و حتى التوكيل بينصح بتغيير الزيت على فترات قريبة علشان حالة الزيت جوه الموتور و عن تجربة انا حبيت اغير الزيت ال 10,000 على 13,000 لاقيته نازل مياه مع العلم ان حالة الموتور جيدة جدآ و لكن الزيوت عمومآ فى مصر مش مضمونة و تحياتى لك

[hugan]

مع الاسف مش متفق معاك
حتي لو غيرت شيل الترا كل 5000 والعربيه ما بتمشيش
مش هاتدفع كتير
التوفير ما يستاهلش انك غير من تخليقي لمعدني

[lanos2004]

زيت شيل المعدنى بقى مضروب اصلا

[mohamedxsayed]

معاك كلام سليم 100% و لكن فى حالة ركن العربية مدة طويلة ( زى حالتى كده ) يبقى مش الحق اعمل 10,000 كيلومتر و لا فى سنة بالاضافة الى انا لاحظته دلوقتى ان كل الميكانيكيا و حتى التوكيل بينصح بتغيير الزيت على فترات قريبة علشان حالة الزيت جوه الموتور و عن تجربة انا حبيت اغير الزيت ال 10,000 على 13,000 لاقيته نازل مياه مع العلم ان حالة الموتور جيدة جدآ و لكن الزيوت عمومآ فى مصر مش مضمونة و تحياتى لك

1-حضرتك الزيت لازم يتغير كل سنه شهور كده كده من الموتور عشان بيفقد خواصه حتى لو العربيه وقفت 2-سنه كامله من غير حركه وانت راكن العربيه يعنى ممكن تكون مشيت ال13 الف فى سنه ونص .
2- قصه التوكيلات المشهوده لها بالامانه فدى صفقات مهو مستحيل يحطلك زيت تمنه الضعف
3- احنا عايشين فى بلد تمن العربيه زياده فيها مره ونص عن الناس الطبيعين وبنشترى اسف فى اللفظ اوسخ عربيات بتمن كبير
فلازم نحافظ عليها لاقصى درجه ياعم نزل الزيت كل 6000 واخسرلك 150 جنيه زياده
احسن ماتخسر عمر اطول للعربيه

[aw2100]

موتور عربية 0 +زيت تخليقى = عمر اطول للموتور
موتور عربية 0+زيت معدنى = ربنا يعوض عليك
تحياتى

[carrier]

انت كده بتخلى موتورك ينتحر بس ببطأ

ارجع فورا للزيوت التخليقية

موتور عربيتك مش هتعوضة تانى ابدا ولو فضلت تحط زيوت معدنية مرة على مرة بالسلامة خلاص

[S O P H O S]

راي تستمر زي ما كنت