رغبه في شراء اسبرانزا a516

[eslam75]

السلام عليكم
انا كان اخويا عايز يشتري عربيه و انا اقترحت عليه الــ 516 لاكثر من سبب طبعا
الانتشار و اسعار قطع الغيار و الكماليات و الوسع بتاع العربيه و كمان اتعرفت في السوق تقريبا بشكل كامل و ناس كتير شغاله فيها الي اخره

فكان سؤالي هوا هل 45 ألف يجيبوا واحده حالتها كويسه و تكون نظيفه يعني و لا مش هيكون مبلغ كافي
ولكم جزيل الشكر

[mem]

هى عربيه واسعه فعلا وسهله الصيانه وقعدتها حلوه وكراسيها مريحه
ولكن يعيبها ان قطع غيارها غير معمره عمرها قصير لكن قطع الغيار سعرها رخيص ومقبول بالنسبه للعمر الافتراضى فعشان كده عايزه محافظه
هى على فكره مع اخويا موديل 2011
واعتقد السعر ده هتحتاج تزود عليه شويه على شان تجيب حاله كويسه ونظيفه

[hugan]

45 توقع عربيه بحاله جيده وليست ممتازه
الممتازه هي كسر الزيرو فقط لا غير في اي عربيه
اياكان نوعها
قطع غيار ال516 لو بتشتريها درجه اولي ومش من المضروب
بتعيش
زيها زي كل العربيات

[M I D O]

عربية جميلة جدا وقطع غيارها منتشرة ومش غالية اهم حاجة بس تكون عداد قليل وحالة نضيفة

[eslam75]

هيا الفكره ان ده اقصي حدود للمبلغ الي هوا حاطه علي اعتبار انه لما يشتريها هيصرف عليها
شويه تظبيطات بتتعمل مع اي حد بيشتري عربيه مستعمله و اكسسوارات و خلافه
و لو حضرتك قصدك علي كسر زيرو اعتقد هتعدي 50 او 55 كمان لان العربيه دلوقتي مسكت سعر في سوق المستعمل عن زمان
فا قولت استشيركوا في الموضوع ده وكمان هوا بيحافط جدا علي حاجته يعني مش هيهينها
فا لو 45 الف ممكن يجيبوا واحده يكون عدادها مثلا في 40 او 50 الف علي اقصي تقدير مثلا ،
انا عارف ان حاله العربيه عموما هيا الي بتحكم بس اعتقد لو العداد بتاعها قليل يكون افضل طبعا ولا رأيكوا ايه

[دكتور خالد]

اعتقد ممكن تجيب عربية ب 45 لكن هيكون فى تضحية
يعنى هتكون موديل الى حد ما قديم 2007 مثلا
او هتكون رشة من بره كلها او أجزاء منها
او هتكون معدية ال 100000 كيلو
يعنى مش هتكون عربية نمرة 1 وهتحتاج شوية مصاريف فى الغالب
الكلام ده بصفتى كنت بشترى عربية a516 من شهر كده و فضلت تقريبا شهر ونص ادور فى كل حتة وكنت حاطط نفس المبلغ بتاعك ... لكن انا كنت عايز عربية موديل حديث . فابريكة بالكامل . عاملة اقل من 50 الف كيلو و كمان مش اى لون ... طبعا طلعت فوق ال 50 علشان الاقى حاجه كده

[hugan]

اعتقد ممكن تجيب عربية ب 45 لكن هيكون فى تضحية
يعنى هتكون موديل الى حد ما قديم 2007 مثلا
او هتكون رشة من بره كلها او أجزاء منها
او هتكون معدية ال 100000 كيلو
يعنى مش هتكون عربية نمرة 1 وهتحتاج شوية مصاريف فى الغالب
الكلام ده بصفتى كنت بشترى عربية a516 من شهر كده و فضلت تقريبا شهر ونص ادور فى كل حتة وكنت حاطط نفس المبلغ بتاعك ... لكن انا كنت عايز عربية موديل حديث . فابريكة بالكامل . عاملة اقل من 50 الف كيلو و كمان مش اى لون ... طبعا طلعت فوق ال 50 علشان الاقى حاجه كده

كلام سليم