اسبرانزاوى جديد وشوية اسئلة

[محمد طايع]

ينزل للربع كتير جدا
يبقي فعلا الثرموثتات ممكن يكون مش راكب
لكن معايا ال516 كانت في ايام الشتاء والطريق المفتوح الموءشر كان ينزل لتحت شويه
حدد الصوت كويس لو كنت عارف صوت التقره بتاعت الدركسيون لما تمشي علي طرق غير ممهده او فيها حصي
ولصوت بيظهر اسفل الدركسيون
اما غطاء الايرباج اظن ممكن يفتح وتلزقه تاني
لكن مافيهوش حاجه

أنا للأسف مش عارف صوت نقرة الدريكسيون فى الحقيقه
لكن انا حاسس انه صوت زقزقة احتكاك بلاستيك فى بلاستيك
وبيظهر فى يمين التابلوه مش من ناحيتى
علشان كده شكيت فى التابلوه نفسه والله اعلم برضه

شكرا لحضرتك على المتابعه

[hemaa_82]

اللي كان بيزقزق زمان عندي مكان النظارة اللي في السقف .....

بص علشان تحدد وانت ماشي اول ما تسمع الصوت حط ايدك علي اي جزء متحرك "درج ... جراب نظارة .... درج كوبايات"
واحد ورا التاني و شوف الصوت هيسكت امتي يبقي ده مصدر الصوت .... افتحة و شحم القفل بتاعه ب wd40 و شكرا لحسن تعاونكم معنا

[محمد طايع]

اللي كان بيزقزق زمان عندي مكان النظارة اللي في السقف .....

بص علشان تحدد وانت ماشي اول ما تسمع الصوت حط ايدك علي اي جزء متحرك "درج ... جراب نظارة .... درج كوبايات"
واحد ورا التاني و شوف الصوت هيسكت امتي يبقي ده مصدر الصوت .... افتحة و شحم القفل بتاعه ب wd40 و شكرا لحسن تعاونكم معنا

هو فيه مكان للنضاره فى ال 516 ولا دى عربيه تانيه ؟

ان شاء الله فى اقرب فرصه هاخد واحد صاحبى جنبى ونطلع بالعربيه لغاية اما نوصل للمكان الى فيه المشكله

شكرا لحضرتك

[hemaa_82]

انا ( و اعوذ بالله من كلمة انا ) معايا الام 11 ....

[محمد طايع]

انا ( و اعوذ بالله من كلمة انا ) معايا الام 11 ....

ربنا يباركلك فيها

[محمد طايع]

يا جماعه انا كنت عند الميكانيكى النهارده

وخليته يبصلى على صوت التكتكه بتاع مروحة التكييف ده

فكينا الدرج والكونترولر لغاية ما وصلنا للمروحه
لقينا كمية ورق متقطع غريبه كمان كيس متفرتك حتت صغيره
الراجل قعد ينضف ويطلع وقالى ده علشان العربيه كانت مركونه فغالبا فيه فار اتسلى على الورق و الأكياس الى كانت فى درج التابلوه

بعد ما نضفنا بقدر الإمكان ونفخنا بكومبريسور الهوا علشان نطلع الى نقدر عليه
شغلنا التكييف

والحمد لله الصوت اختفى تماما وتدفق الهواء والتبريد يعملان بكفاءه

اشتريت فلتر تكييف ( الى بيركب ورا الدرج ) وكان تمنه 20 جنيه
وفلتر بنزين 25 جنيه

ان شاء الله فى الزياره القادمه هبص على الفلتر الى موجود تحت المساحات فى صدر العربيه اذا كان موجود هشيله لأن زمانه مليان تراب

تحياتى للجميع

[محمد طايع]

حد شال ال سى دى من العربيه قبل كده يا جماعه ؟
لو فكيته من العربيه هيحتاج كود ولا حاجه لما نيجى نركبه فى العربيه تانى ؟
لأنى عاوز افكه ومش معايا الكتالوج بتاعه فهل هيركب بدون مشاكل ولا لازم الكود ؟

[fourseasons]

يا باشا بيشتغل عادى كنت فكيته قبل كده عشان اصلحه و روحت الراجل ركبه قدامى ومدخلش اى اكواد.انا بتكلم على الكاسيت الكلاريون مش عارف التانى ايه نظامه

[محمد طايع]

يا باشا بيشتغل عادى كنت فكيته قبل كده عشان اصلحه و روحت الراجل ركبه قدامى ومدخلش اى اكواد.انا بتكلم على الكاسيت الكلاريون مش عارف التانى ايه نظامه

تمام كده انا عندى الكلاريون برضه
شكرا لحضرتك