السادة مالكى سبيرانزا اشتري سبيرانزا a516 ولا لا

[عماد]

السادة مالكى سبيرانزا افيدونى
اشتري سبيرانزا a516 ولا لا
يعنى عربية كويسة ولا لا
انا معيا من 42000 ج الى 45000 ج
وشفت عربية 2008 لم ترش بالخارج كان طالب
45000 ج وصلت معاه الى 43000 ج
موضوع الحالة ان شاء الله هادور على حالة كويسة
بس مش هى دى مشكلتى انا عايز اعرف هل هى سهله فى الصيانة وتوافر قطع الغيار ورخص سعرها ولا هى عربية فيها مشاكل انا معايا اسرة وبسافر لزيارة الاقارب
ولا ادور على هيونداى اكسنت
ارجوكم ساعدونى

[saddam]

صديقي المواطن
هي عربية محترمة وما دام وصل بيك الحال حتدور على أكسنت يبقه قولا واحدا تخليك في إسبرانزا 516 كملاكي مفيهاش أي مشاكل وقطع غيار متوفرة ورخيصة أوي جدا ومنتشرة وممكن تقلبها أوتوماتيك بسرعة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[kemoooo2020]

فعلا هى عربية كويسة مع واحد صاحبى مطلع عينيها وعاملها نص نقل ومبتقولش لا واعتقد انها اجمد من الاكسنت بس دور على حاجة كويسة

[hugan]

عربيه ممتازه وقويه ومتينه وواسعه جدا
الاكسنت لاتقارن بيها
قطع غيار متوفره ومنتشره ورخيصه
اهم شي حاله العربيه اللي عليها الكلام
2008 ياريت التفاصيل عنها بالكامل لحد اللون

[ALshahba]

عربيه كويسه وقويه جدا كعضم وكمالياتها كتير ومريحه فى الجلوس وللاسره
وقطع غيارها منتشره جدا ورخيصه جدا
وماتنساش ان تسارعها فى الطلعات الاولي بطئ

[bassemali]

من خلال التجربه ... عربيه ممتاااااااااااااااااااااااازه