تقييم سبيرانزا a113 - مميزات و عيوب

[asdmkh]

تقييم اسبيرانزا A113 -مميزات وعيوب

أولاً العيوب:

- مصاريف تشغيلها مرتفعة.
- عفشه ناشفه وإحساس بالمطبات.
- عفشة تحتاج للتربيط كل فترة بسيطة.
- كثرة العيوب التي تكتشف فيها بعد الشراء زيرو.
- استهلاك وقود عالي أعلي من معدل الـ 1300 سي سي.
- التكييف ضعيف نسبياً.
- الفتيس قد يحدث فيه عضه مع المارشيدير.
- حدوث رجرجة في الدركسيون في المطبات.
- حوض الموتور ضيق جداً.
- بالرغم أن السيارة تتمتع بكماليات كثيرة ولكن مازالت كلمة صيني تعيبها.

ثانياً المميزات:
- توفر قطع الغيار خارج التوكيل وبسعر مناسب.
- استمرار انتاجها وقد أنتج منها موديل 2014.
- تتميز السيارة بالسمعة الجيدة بالنسبة للسيارات صينية الصنع .
- يتوفر بها العديد من التجهيزات التي لا تجتمع الا في السيارات باهظة الثمن مثل نظام الفرامل المانعة للانغلاق ABS وعجلة قيادة آلية المؤازرة power steering والاريال المدمج ومذيب الصقيع للزجاج الخلفي ... الخ.
- صالون واسع.
- عالية عن الأرض بما يناسب الطرق المصرية.
- التكييف معقول بالنسبة الي سعر السيارة وباقي امكانياتها.
- الشنطة واسعه نسبيا بالنسبة للعربيات الهاتشباك.
- ثابته على الطريق الى حد كبير.
- فتيس معقول.
- تقفيل موتور معقول.
- موفره في البنزين حيث أن معدل الاستهلاك خارج البلد حوالي 7 لتر لكل 100 كم وداخل البلد في الزحمة حوالي 10.5 لتر لكل 100 كم.
- عزل الصوت عند غلق الزجاج ممتاز.
- مميزة بالنسبة لسعرها ولمثيلاتها الهاتشباك في السوق.
- بالرغم من كون العفشه ناشفه ولكنها تعطي ثبات في السرعات (عفشة رياضيه) ولكن يقابل ذلك احساس عالي بالمطبات وقد تم التغلب على تلك المشكلة بتغير المساعدين بتوع آخر أفضل.
- بنسبة 85 % ممتازة جداً.

ملاحظة: المعلومات السابقة مجمعة من آراء عديدة من مستخدمي السيارة من العديد من مواقع السيارات.

[mahmoud869]

عربية جميلة

[abogoda]

أنا حليت جزء كبير من مشكلة العفشة الناشفة بتعديل مقاس الكاوتش الي 14/65/175 بشرط أن يكون الكاوتش ياباني طري أو اتحاد اوربي طري العربية اتغيرت 180 درجه بس عايز حل لمشكلة المساعدين عايز أغير المساعدين الناشفة لنوع أفضل ؟ ؟ ؟ ما هو النوع المناسب ؟ ؟ ؟

[S O P H O S]

ممكن توضيح لجملة تصاريف تشغيلها كبيرة ؟

[medo_2060]

أنا حليت جزء كبير من مشكلة العفشة الناشفة بتعديل مقاس الكاوتش الي 14/65/175 بشرط أن يكون الكاوتش ياباني طري أو اتحاد اوربي طري العربية اتغيرت 180 درجه بس عايز حل لمشكلة المساعدين عايز أغير المساعدين الناشفة لنوع أفضل ؟ ؟ ؟ ما هو النوع المناسب ؟ ؟ ؟

فى فى السوق مساعدين يابانى خاصين بعربيه تانيه بس بيركبوا عليها ...صاحب محل قالى عليهم وفعلا وريتهم للعفشجى قالى يركبوا جبت طقم وركبته وبكدا تحل مشكله المساعدين كمان وانا كتبت الرد دا فى الموضوع المثبت الخاص بالعربيه للافاده للجميع