بفكر فى حجز الاسبرانزا بس انا ماعنديش خبرة

[msagher]

السلام عليكم
انا عضو جديد فى المنتدى وكنت افكر انى احجز الاسبرنزا وكنت عايز اعرف هى لسه فيها عيوب وكنت عايز اعرف ايه تقريبا اسعار قطع الغيار الرئيسية زى الفوانيس والاكصدام انتو عارفين دلوقتى العربيات بتتخبط وهى واقفة
انا سعيد بوجودى معكم فى هذا المنتدى
على فكرة انا معنديش اى فكرة عن العربيات مع انى معايا عربية 127 فيورا 1985 من حوالى سنتين

[ehabbadr]

أهلا بك عضوا معنا قبل الكلام عن العربيه فيه اجتماع يوم الجمعه القادم معلن عنه فى المنتدى العامو ممكن هناك تركب العربيه و تسوقها بنفسك قبل القرار
بالنسبه للسياره من شهر مارس السياره بتنزل بدون العيوب المعروفه العامه اللى كانت فيها يعنى العفشه صلحوها و التكييف اتظبط و كل الشكاوى القديمه الا تيل الفرامل لسه بيصفر ولكن هذا لا يمنع من وجود بعض المشاكل الفرديه فى بعض السيارات و ده ناتج للعامل المصرى الكفء و عيوب تقفيله لكن المشاكل العامه القديمه انتهت تماما
بالنسبه للاسعاركان فيه قائمه اسعار معلنه بس مش عارف فين حأدور عليها و أعلنها تانى و اتمنى أكون افدنك .....

[إسلام شاهين]

شوف اللينك ده

http://www.nilemotors.net/Forum/viewtopic.php?t=2198

[msagher]

اولا انا باشكرك على سرعة الرد
ثانيا اشكرك على المعلومات المفيدة الموجودة فى اللينك
بس لو ممكن لو فيه اى اخبار عن اسعار قطع الغيار

[أبو عبدالله]

على فكرة انا معنديش اى فكرة عن العربيات

اركب العربيات قبل ما تقرر

علشان تعرف انهي المناسبة لك واسأل كتير عن كل العربيات ولا تقرر الا بعد الأستخارة بإذن الله

[NaderNabil]

if u are upgrading from 127, it would be a very nice car to u and u'll enjoy it for sure

[محمد صبري ابراهيم]

أحب أضيف بس حاجة يا دكتور إيهاب

بالنسبة للتيل انا عندي مش بيصفر بالإضافة لواحد زميلي هنا بردة استلم في آخر شهر 6 و بردة التيل عنده مش بيصفر، بس الحقيقة هو عنده بعض عيوب التقفيل البسيطة

[e1a2f]

وحثى في السيارات القديمة التي تم تسليمها قبل هذا التاريخ كثير منها التيل لا يصفر ولا توجد منه اي شكوى

[TAREKSHEIR]

توكل على الله

توكل على الله وإحجز ..
ليه تدفع أكتر لمَا تقدر تدفع أقل

[أبو عبدالله]

ليه تتعب نفسك وتحرق دمك وتقعد تفكر ازاي تتصرف مع بتوع التوكيل في المشاكل اللي انت ناوي تجبها لنفسك

لما ممكن

تحافظ على نفسك وانت ماشي على الطريق وتريح بالك لأنك مش هتلاقي حاجه في العربيه تفكر تحلها ازاي ولاه تفكر تتعامل مع بتوع التوكيل لأن مفيش اصلا مشكلة لأنك شاري عربيه اسمها زيروا

ملحوظة : هناك فرق بين الزيرو والمستعمل ؟

حد يقدر يجاوب

[ehabbadr]

كلام كل مالكى العربيه كويس و بيشكروا فيها توكل على الله و باذن الله مش حاتندم

[sokasoon]

• الصراحة وبأمانة ما انصحكش بيها يا استاذى
  
  بعد شكوى الاعضاء من التوكيل اللى بيقدم خدمات سيئة ومشاكله مع العملاء الكثيرة
  
  وكمان عدم جودة خامات تصنيع السيارة والعيوب اللى اشتكى منها مالكى السيارة فلا انصحك بها ولاكن اركب العربية
  
  شوفها وجربها قبل ما تحجزها وربنا يوفقك لما فيه الخير

[e1a2f]

تحافظ على نفسك وانت ماشي على الطريق وتريح بالك لأنك مش هتلاقي حاجه في العربيه تفكر تحلها ازاي ولاه تفكر تتعامل مع بتوع التوكيل لأن مفيش اصلا مشكلة لأنك شاري عربيه اسمها زيروا
quote]
ارجو من سيادتكم ذكر نوع السيارة الجديدة التي لا توجد بها أي مشاكل على ان يكون الوكيل يقدم جميع الخدمات المطلوبة منه وبدون أي مشاكل ايضاً وبدون أي اعتراض

[أبو عبدالله]

لأ كتير حضرتك متعدش وده مش تفخيم ولا حاجه

وياريت تجوبني انت ........... ايه الفرق بين الجديد والمستعمل ؟
وليه فيه فرق اصلا ؟


وبعدين انا مش هتكلم عن عربيتي علشان محدش يقول تحييز وبتاع ولكن ممكن اللي معاه عربيه جديده يقول لحضرتك من يوم ما اشترى العربيه راح للتوكيل علشان مشكله فيها كام مره

انا واحد من الناس اللي مرحتش للتوكيل ولا مره علشان مشكلة في العربيه والحمد لله ربنا يديمها نعمه وماشي حوالي 12 الف كيلو لحد الأن وقبل كده في التويوتا برضه نفس الموضوع كانت ماشيه 60 الف ومفيش مشاكل ......... غريبه دي ولا ايه


وعلى فكره توكيل عبداللطيف جميل غير عربيه لواحد كانت شاريه شاريد علشان حاسه ان العربيه بتحدف والتوكيل جرب العربيه وحطها على جهاز الضبط وملقاش حاجه وبرضه صممت ان العربيه بتحدف راحوا مغيرين لها العربيه وده ان دل فبيدل ان الراجل بيحافظ على سمعت عربياته وعلى الاقل العربيات مش بتصفر ومش بتسحب ومش بتعطل وهي لسه مكملتشي الألف كيلو واقرأ كلا أخونا حازم خضر على قريبه اللي لسه مكملشي الألف كيلو والعربيه وقفة منه ............ يا راجل هو ده كلام

وياريت بدل ما تقعد تدافع والموقع كله مشاكل شوف حل ودافع عن نفسك في التوكيل
انتم هنا علشان تشوفوا حلول مش علشان تردوا على اللي بيقول على العربيه مش عارف ايه هيا العربيه مش محتاجه لأن اللي يقرأ الكلام اللي موجود في المنتدى هيعرف ولكن واجب علينا كلنا التوضيح للي ميعرفشي

[e1a2f]

يا استاذنا المشرف على منتدى اخر
انا مش قاعد ادافع وخلاص ذي ما انت كاتب وانا عندي سياراتت جديدة من ماركات متنوعة مع اخوتي والعمل واصدقائي اذكر على سبيل المثال لا الحصر الفيرنا الأوكتافيا الدايو لانوس و الأكسبلوجان وشاهين والأوبل كورسا واخرى كثير ..............عايز تاني اجيبلك
كل هذه السيارات بدون استثاء بها مشاكل وتم الذهاب بها للتوكيل اكثر من مره ولم يتم حل بعضها وكل هذه السيارات لم تتعدى 10-15 الف كيلومتر وبها كم من المشاكل ومعاملة في غاية السوء من التوكيلات الخاصة بها ما يجعلنا نكره اليوم اللي اشتريناها فية
وبدون تحيز زي ما سيادتك تفضلت وانا مقلتش ان الأسبيرانزا احسن سيارة واحسن توكيل ولا حاجة كل ما احاول توضيحة هو ما يحث بالغعل معي أو مه معارفي أو أصدقائي
انا اقول ما يملية علية ضميري ولا أخذ من ابو الفتوح شيء علشان ادافع عنة أو عن سيارات أو توكيلة