A 113 عايز رد من حد ركبها

[nabiltalat]

أنا ناوي اشتريها مستعملة موديل 2006 او 2007 بس سمعت ان العفشة محتاجة تربيط كل اسبوعين تقريبا هل الكلام دة صح ولا وكمان كنت عايز اعرف عيوبها اكتر

[aldesha989]

مافيش عربيه بتربط عفشه كل اسبوعين الا لو كانت بتمشى فى طرق غير ممهده كل يوم وبأسلوب عنيف
العربيه اللى اعرفه عنها انها كويسه وانا كنت هجيبها بس المبلغ اللى معايا ما كملش وجيبت حاجه تانيه انا شايف ان العربيه على مدى انتشارها فهتبقى كويسه ان شاء الله غير كده انا شوفتها فى القاهره شغاله تاكسى يعنى استخدام شاق فأكيد هتصد معاك فى الاستخدام الشخصى ان شاء الله

[Mohammmed]

عفشتها تعبانة وفعلا ضعيفة

[eng.mfawzi]

يا جماعة هو بيقول "من حد ركبها"

بالنسبة لسعرها كويسه جدا "بس المهم انت كنت راكب ايه؟ "

[saddam]

صديقي المواطن
عربية محترمة وممتازة جدا ومفيش حاجة إسمها عفشة تتربط كل أسبوعين هي بتتربط قول كل 6 شهور ولكن هي أساسا ﻷن مساعدينها زيت وغاز فتحسها ناشفة في المطبات لكن لما ييجي معاد تغييرها دور على مساعدين زيت فقط
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Egyzizo]

معايا من 3 أو أربع شهور (موديل 2011 ، عاملة 23 ألف كيلو).
العفشة كويسة (مافيش شخللة ولا أصوات غريبة)
وما احتجتش أعمل حاجة فى العفشة فى الشهور دى اللهم إنى وديتها مرة التوكيل فى معاد الصيانة الدورية للمحافظة على الضمان.