نصيحة للزملاء في قسم اسبرانزا

[M I D O]

بسم الله الرحمن الرحيم

ازيكم يا احلي قسم و اول قسم دخلتة في المنتدي و اتعلمت منة كتيييييييييير....

النهاردة كنت راجع من الكلية وماشي علي الدائري ابص الاقي تريلا محملة النيو تيجو ومنهم عربية نصها في الشارع تقريبا مكانتش متثبتة كويس علي التريلا وكانت في الجزء الي فوق من التريلا و للاسف ماقدرتش اقف اصور الموقف لاني كنت مستعجل ..
مش دي المشكلة ..
المشكلة اني لاقيت بلدوزر واقف وبيرفع العربية من تحت بالرافعة بتاعتة دي عشان يرجعها مكانها ودي طبعا مصيبة لانة ممكن يحك في العربية من تحت جامد ومش هتبان وممكن يعمل مشكلة في العربية و انا استغربت اوي من الموقف وازاي بيعملو كدة حتي مش حاطين اي عازل بين الرافعة دي وبين جسم العربية عشان متحكهاش دة غير ان العربية وهية نصها بيقع كدة اكيد احتكت جامد بالتريلا عشان كدة اي حد ناوي يشتري نيو تيجو ياريت يفحصها كويس جدا من فوق ومن تحت بالتحديد عشان الموقف دة اثبتلي الاهمال في نقل العربيات من المصنع وعشان كدة عملت الموضوع عشان الناس الي ناوية علي العربية ان شاء الله تفحصها كويس وتاخد بالها من نقطة الاهمال دي ويشوفو العربية من تحت و بالتوفيق ان شاء الله للزملاء في قسم اسبرانزا

[hugan]

شكر اللتنويه
انا بقي شوفت بعيني تريلا محمله عربيات جايه من الميناء علي الصحراوي
العربيات واقعه من التريلا ومدشمله
تفتكر هاتروح فين بعد كد ه
هاتتسمكر وتترش وتتباع زيرو تاني

[M I D O]

شكر اللتنويه
انا بقي شوفت بعيني تريلا محمله عربيات جايه من الميناء علي الصحراوي
العربيات واقعه من التريلا ومدشمله
تفتكر هاتروح فين بعد كد ه
هاتتسمكر وتترش وتتباع زيرو تاني

رايحة بينا علي فين يا مصر

[hossamalsadik]

شكرا على التنويه
فعلا اى حد بيجيب عربيه زيرو لازم ولابد يكشف عليها زى أى عربيه مش هيخسر حاجه وعشان يطمن كمان
ربنا يكرمك ويبركلك

[Khaled Lanos]

ربنا يكرمك على التنبيه دا..وعلى فكرة العربيات الزيرو دلوقتي بتتخبط و بتترش وتتباع عادي.

[محمد طايع]

شكرا على التنبيه وربنا يستر

[hemaa_82]

ياما حصل اسود من كدة ..... ربنا يرحمنا و يصحي حتة ضمير كدة تمشي الحال بس

[akmm]

شكرا للتنويه .........................

[M I D O]

شكرا على التنويه
فعلا اى حد بيجيب عربيه زيرو لازم ولابد يكشف عليها زى أى عربيه مش هيخسر حاجه وعشان يطمن كمان
ربنا يكرمك ويبركلك

الشكر لله وحدة و دلوقتي الغش دخل في كل حاجة للاسف

[M I D O]

ربنا يكرمك على التنبيه دا..وعلى فكرة العربيات الزيرو دلوقتي بتتخبط و بتترش وتتباع عادي.

ربنا يخليك يا باشا و اذا انعدم الضمير توقع اي شئ

[M I D O]

شكرا على التنبيه وربنا يستر

الشكر لله وحدة وربنا يسترها علينا جميعا ان شاء الله

[M I D O]

ياما حصل اسود من كدة ..... ربنا يرحمنا و يصحي حتة ضمير كدة تمشي الحال بس

للاسف الضمير عند التجار مات و الي قتلة الفلوس كل ما ارباحهم بتزيد الضمير بيتقضي علية اكتر

[M I D O]

شكرا للتنويه .........................

الشكر لله وحدة

[mdaly1975]

طيب ياجماعه بقى انا حصل لى موقف لازم احكيه علشان الناس تاخد بالها .
انا اشتريت شهر اكتوبر اللى فات عربيه انفى زيرو من تاجر عربيات كبير ومشهور جدا فى مدينة نصر
كل حاجه كانت تمام لحد لما جت موجة الصقيع اللى كانت فى مصر من حوالى اسبوعين كده ، يوميها نزلت
من الشغل لقيت على البربريز اﻷمامى خدش غريب فى وشى مباشره وأنا سايق .... اندهشت جدا ومعرفتش ليه تفسير .
قررت أروح لمركز الدكتور خالد لعلاج كسور الزجاج ، وكانت المفاجأه اكتشفت ان العربيه دى زجاجها اﻷمامى
كان مشروخ وتم معالجتها قبل ذلك ونتيجة للبرد الشديد بدأ أثر الشرخ فى الظهور .
والمهم التاجر كان عامل عليها خصم جامد أوى عن السوق بحجة أنها أخر عربيه عنده ويمكن حتكون اﻷخيره موديل 2013 هههههههههههه .
الحمدلله على كل حال وربنا يكفينا شر النصابين

[hugan]

طيب ياجماعه بقى انا حصل لى موقف لازم احكيه علشان الناس تاخد بالها .
انا اشتريت شهر اكتوبر اللى فات عربيه انفى زيرو من تاجر عربيات كبير ومشهور جدا فى مدينة نصر
كل حاجه كانت تمام لحد لما جت موجة الصقيع اللى كانت فى مصر من حوالى اسبوعين كده ، يوميها نزلت
من الشغل لقيت على البربريز اﻷمامى خدش غريب فى وشى مباشره وأنا سايق .... اندهشت جدا ومعرفتش ليه تفسير .
قررت أروح لمركز الدكتور خالد لعلاج كسور الزجاج ، وكانت المفاجأه اكتشفت ان العربيه دى زجاجها اﻷمامى
كان مشروخ وتم معالجتها قبل ذلك ونتيجة للبرد الشديد بدأ أثر الشرخ فى الظهور .
والمهم التاجر كان عامل عليها خصم جامد أوى عن السوق بحجة أنها أخر عربيه عنده ويمكن حتكون اﻷخيره موديل 2013 هههههههههههه .
الحمدلله على كل حال وربنا يكفينا شر النصابين

الحمد لله انها جت في البرابريز
ناس كتير اشترت عربيات وغاليه
وفي الاخر طلعت راشه خوارج