سبرنزاوى جديد

[h.belal]

بسم الله الرحمن الرحيم
اشتريت m11 موديل2011 فبريكة ما عدا اكصدام امامى
اقرب مكان للصيانة المنصورة رحت عملت الشغل عند ميكانيكى برة التوكىل تبع ناس حبايبي ورحت اشتريت
طقم سيور وكاتينة وبلى جيتس 570 ج
سير دينامو 45 ج
فلتر هواء 35 ج
فلتر بنزين 30 ج
طقم بوجيهات بوش 3 شمعة 60 ج فلتر زيت 20 ج
زيت موبيل 5 ك 100 ج ودا هنزلة سريعا وها حط حاجة انضف دا عشان اللى كانت معاه كان بمشى وبس
2تيش ميزان 130 ج
بيضة مقص 100ج
زيت فرامل35ج الماني علبة صفيح
وبدانا شغل فى العفشة وكلة ماشى تمام فجاة الميكانيكى قلى انت ما بتحسش بردردة وانتا ماشى قلت له مش فاهم الى معايا قلى رعشة جامدة عالسريع قلتلة اه مانا هرصص بعدين قالى دا مش ترصيص دا عمود الكوبلن الداخلى الطويل معوج ولما حلة لاقيتة مقوس خدة المخرطة واستعدلة وكلة تمام وبعدين الورشة التانية عملنا شغل المكنة لكن لما كشف كمبيوتر قاللى حساس الشكمان عايز يغير وقربة المية عشان لمبة الحرارة اتصلت بمحل قطع الغيار قاى مش موجودين لكن ممكن اجيبهم بعد شوية بصراحة الوقت كان اتاخر قالى ممكن بعدين محتاج تقييييييم الرجالة وايدكم معايا عشان اخواتى كرهونى فيها
مع العلم انا معايا اوبترا2008

[محمد طايع]

الف مبروك عليك العربيه وربنا يديك خيرها ويكفيك شرها
ال m11 عربيه جميله وشكلها راقى جدا
وليها مواضيع كتير قوى فى القسم هنا يا ريت تقراها هتفيدك كتير
وان شاء الله الأخوه الى معاهم العربيه يفيدوك فى الى انت محتاجه

[ashrafmahmoud93]

اهلا وسهلا بيك معانا واحنا هنا كلنا اخوات انا من المنصورة برضه معايا m11 اشتريت السيور منين وبكام لان ف سيور مش بتبقى كويسة وخصوصا سير الكاتينة دا اهم حاجة ومتقلقش العربية الحمد لله كويسة جدا واى حاجة انا تحت امرك

[M I D O]

الف مبروك وربنا يحفظهالك يا غالي

[enayat]

هو فين ميكانيكي العفشة ده في المنصورة لاني زهقت من التوكيل وعاوزة ميكانيكي بيفهم في عفشة الاسبرانزا في المنصورة

[h.belal]

هو فين ميكانيكي العفشة ده في المنصورة لاني زهقت من التوكيل وعاوزة ميكانيكي بيفهم في عفشة الاسبرانزا في المنصورة

ناجى غربية فالمجزر

[h.belal]

الف مبروك وربنا يحفظهالك يا غالي

ربنا يبارك فيك

[h.belal]

اهلا وسهلا بيك معانا واحنا هنا كلنا اخوات انا من المنصورة برضه معايا m11 اشتريت السيور منين وبكام لان ف سيور مش بتبقى كويسة وخصوصا سير الكاتينة دا اهم حاجة ومتقلقش العربية الحمد لله كويسة جدا واى حاجة انا تحت امرك

المجموعة بتيجى كاملة اسمها جيتس وهى انجليزى من الحسنية من محل اسمة اوريجينال

[hugan]

1000 مبروك
الاسبرنزا عربيات ممتازه
اهم شيء ماتبخلش عليها في الصيانه

[enayat]

فين في المجزر لو سمحت

[aftr]

الف مليون مبروك منور القسم ياغالى اوعى حد يقولك ياعم دى كلها عيوب عشان صينى الحمدلله معاية العربية من 2010
وبسم الله ماشاء الله زى الفل ربنا يحفظها خلى بالك بس من الصيانه وهى تصونك

[bassemali]

عربيه هايله وإختيار ممتاز وإ نشاء الله ربنا هيبارك لك فيها وهتريحك .. وعلى فكره هيا مش أقل من الأوبترا ف أي شيء .. بل بالعكس الأوبشن اللي فيه أكتر وهيريحك .

[akmm]

الف الف مبروك .... ومرحبا بك فى القسم .

[eshoo]

المجموعة بتيجى كاملة اسمها جيتس وهى انجليزى من الحسنية من محل اسمة اوريجينال

مبروك عليك بس معلش كان ليا سؤال هي مجموعة السيور دي بتاعة ال m11 ولا حاجه تانيه بس تركب لل m11

[h.belal]

مبروك عليك بس معلش كان ليا سؤال هي مجموعة السيور دي بتاعة ال m11 ولا حاجه تانيه بس تركب لل m11

بتاعة m11 من محل اوريجنال