ريموت اضافى للانفى

[mdaly1975]

بعد التحيه ،
اشتريت عربيه انفى زيرو وللأسف مش بيجى معاها الا مفتاحين واحد ريموت وواحد عادى .
وانا محتاج واحد تانى بريموت علشان بتخانق عليه أنا والمدام .
حد عنده فكره ممكن أعمل واحد تانى بكام ومنين وياترى يتكلف كام ؟؟
وشكرا ..

[M I D O]

ازاي مفتاح ريموت و التاني عادي ؟؟
كدة حضرتك عشان تعمل حاجة زي دي هتروح التوكيل عشان يحطلك شفرة الريموت الي معاك علي الريموت الجديد لانك لو عملت الحوار دة برة هيطلع من ضمان الكهرباء تقريبا و الناس دي بتستهبل اما بيصدقو حد يلعب في حاجة عشان يطلعو العربية من الضمان

[waleedrahmy]

تكلفة ريموت اضافي بتصل الي 600جم بره وفي التوكيل الي 900جم؟؟؟؟؟؟؟؟؟
والكلام ده لو مفيش ايمولايز كمان
يعني تركيب انذار اخر ارخص بكثيررررررررررر

[MR A7MED]

اخبار العربيه معاك ايه ؟
الثبات والنعومه والراحه وهل فى مشاكل قابلتك ؟

انا مقبل على شرائها ان شاء الله

[saddam]

صديقي المواطن
قولا واحدا موضوعك بسيط ولا تقلق تروح لعزب في شارع السودان مقابل محطة موبيل عنده ريموتات كل العربيات من أول 280 وحتى 850 تقريبا وحيعمل ليك نسخة ومتخافش ولا حتطلع من الضمان ولا هم يحزنون وإعمل نسخة للمدام ومتزعلهاش وإعمل نسخة ﻹبنك في إبتدائي كمان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[ecybrarian]

بص على الموضوع دا اولا.. وياريت تبلغنا عملت ايه

http://www.nilemotors.net/Nile/22724-a.html

[mdaly1975]

اخبار العربيه معاك ايه ؟
الثبات والنعومه والراحه وهل فى مشاكل قابلتك ؟

انا مقبل على شرائها ان شاء الله

مبروك مقدما انشاء الله وتأكد لن تندم باذن الله ....
الثبات رائع وفوق الممتاز أنا وصلت بيها لغاية سرعة 165 كم على طريق السخنه
النعومه كل يوم بتتحسن وبتزيد أنا دلوقتى عامل حوالى 4 الاف كيلو وبيقولولى لما توصل ل 5 الاف
الموتور حيختلف معاك أكتر وحيسحب أكتر .
قاعدتها حلوه جدا ومريحه وعاليه وتقفيل مستورد ممتازه يكاد يماثل الكورى مفيهوش شعره .
ماكانش عندى أى ملاحظات عند صيانة 1000 كم غير لمبة ال check engine وطفوها .
ومن المتوقع أعمل صيانة ال 5 الاف الشهر القادم ﻷننى دلوقتى قاطع 4 الاف .
ومليش أى ملاحظه فى الصيانه الجايه انشاءالله يعنى حغير زيت وأمشى ... الحمدلله .
اشترى ومش حتندم .
بس ليه ملاحظه عايز أوصلهالك قبل لما تشترى . النقله اﻷولى والتانيه بتاعة الموتور ده محتاج تدوس على البنزين
شويه علشان ترفع عدد لفات الموتور شويه بخلاف الفيرنا ﻷن ال maximum torque بتاعها عند
4500 لفه ، يعنى موتور سرعات كبيره بدءا من النقله التالته تبدأ تحس بالقوه والسحب الرهيب .
الموضوع ده كان مضايقنى شويه فى الأول علشان كنت متعود على الفيرنا 1600 لكن اتعودت عليها بعد شويه وغير كده مليش أى ملاحظات .
وبالتوفيق انشاء الله ومبروك مقدما

[mdaly1975]

صديقي المواطن
قولا واحدا موضوعك بسيط ولا تقلق تروح لعزب في شارع السودان مقابل محطة موبيل عنده ريموتات كل العربيات من أول 280 وحتى 850 تقريبا وحيعمل ليك نسخة ومتخافش ولا حتطلع من الضمان ولا هم يحزنون وإعمل نسخة للمدام ومتزعلهاش وإعمل نسخة ﻹبنك في إبتدائي كمان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا استاذ صدام على اهتمامك .
انشاءالله فى أول فرصه حروح أعمل واحد.
وشكرا

[mdaly1975]

بص على الموضوع دا اولا.. وياريت تبلغنا عملت ايه
http://www.nilemotors.net/Nile/22724-a.html

شكرا جزيلا .