البرابريز الخلفي سرطن

[prince semsem]

يوم الاربعاء الثلاثاء كنت سهران في اشغل لغاية الساعة 2.00 صباحاً وخرجت طبعا هلكان وعايز اللي يزوقني للبيت المهم اتفاجأت ان الرابريز الخلفي سرطن المهم غطيت العربية وقلت اوديهاالصبح التوكيل وفعلا قمت بدري واتصلت بيهم وحكيت اللي حصل فرد المهندس عليا وقاللي ان الزجاج خارج الضمان فقلت ان استلمت من حوالي 16 يوم بالظبط والعربية عاملة معايا 700 كم وان ده مش زنبي فقال هاتها ونحاول نجيب لك موافقة تتعمل تبع الضمان ...
بعد كدة نزلت وانا في السكة اتصلت باستاذ / صلاح عبد العزيز وهو مدير مبيعات اسبيرنزا فأتصل بادارة الضمان وأكدوا ليه ان الزجاج مش في الضمان وصعب يدخل في الضمان المهم انا افتكرت اني عامل تأمين وكنت نسيت موضوع التأمين من تعب الشغل وارهاقه فأتصلت بشركة Contact اللي انا مأمن عندهم فطلبوا اني اروح بالعربية علشان يصوروها انا كنت ساعتها على المحور وطبعا رجعت للزمالك وصور العربية وقالوا انهم مافيش لسة تعاقد مع شركة ابو الفتوح واني انا احاسب ابو الفتوح
واجيب فاتورة
ومقايسة عليها رقم الشاسية
وايصال دف نقدية
وهما حيصرفولي شيك بعد اسبوع قلت مافيش مشكلة ورجعت التوكيل واتصلت بمعارفي هناك اللي طلبوا مني اني اتوجه مباشرة للمهندس وليد الباجوري وهو حيعمل اللازم وفعلا اتكلمت معاه ان العربية جديدة والمفروض ميحصلش حاجة زي دي للزجاج فقال انهم حيبعتوا (Warranty Request) علشان يدرسوا الموضوع المهم نادى على واحد اسمه المهندس محمد رضوان وطلب منه انه يعمل امر عمل علشان العربية تدخل للصيانة
لتغيير البرابريز الخلفي
وعمل تعديل للمراوح لزيادة كفائتها
والتكلفة الاجمالية 850 جنيه
والاستلام يوم الخميس الساعة 4.00 وفعلاً اتصلو بيا الساعة 3.00 علشان استلامها فأعتذرت لأني كنت مشغول أما المفاجأة فكانت أتصال شركة كونتاكت للتامين بيا في نفس الوقت علشان يقوللولي ان العربية خلصت وممكن اني استلمها وأتأكدت فعلا انها شركة تأمين محترمة جدا
المهم استلمت العربية يوم السبت وكانت خلصت طبعا اما التكلفة فكانت 548 جنيه فقط وطلبوا مني اني مغسيلش العربية و
اسيبها لمدة يوم علشان الزجاج يثبت بطريقة افضل

ملاحظة: لاحظت وجود عربية تانية يوم السبت والزجاج الخلفي برضة مسرطن ولما سألت قالوا انهم حيبعتوا برضه
(Warranty Request) علشان يعرفو السبب وهل هو عيب في الزجاج نفسه أم لا على العموم انا حاجز موعد لصيانة 1000 كم يوم الاحد القادم 8/7 الساعة 12.00 مساء وهأستفسر عن موضوع الزجاج ده وحصل فيه ايه

[Abdallah]

يا ترى الزجاج من ضمن ال 45% المصرى على ما اعتقد ولا ايه ؟؟

[ehabbadr]

الزجاج مصرى بتاع د.جريش و ده بينزل فى كل العربيات المتجمعه هنا

[ihab]

طيب و هما حايبعتوا برة ليه يسالوا على السبب او العيب اذا كان الزجاج من هنا من د.جريش

[ehabbadr]

يبعتوا ل د.جريش نفسه :lol: :lol:

[prince semsem]

انا مش عارف لكن انا لما اتصلت ببعض معارفي في ابو الفتوح وهم ميعرفوش اني عامل تأمين على العربية فقالوا ان في الصيانة حياخدوا مني فلوس كتير ولكن في ممكن اروح لواحدة اعتقد اسمها الحاجة في الملك الصالح واركبه عندها لأنه هو نفس الزجاج .
على العموم انا رايح يوم الاحد صيانة 1000 كم واسال عن الموضوع تاني

[PAYOO]

بعد أذنك يا أستاذ حسام ... انا شيافك بتقول أنك هاتستلم العربيه يوم السبت معنى كده أنها في التوكيل من أنهارده ؟

[prince semsem]

لا المشكلة دي حصلت الثلاثاء الماضى ووديت العربية يوم الاربعاء واستلمتها يوم السبت اللي فات

[PAYOO]

يعني على أي حال من الاحوال العربيه فضلت عندهم 3 أيام !!!!!!!!!

يا أستاذ خالد إللي عاوز أقوله إن المده دي مدة طويله جدا جدا جدا ..... عاوز اكتب كلمة (جدا) دي لحد ما المساحة التخزينيه للمنتدى تخلص

أنت عارف يا استاذ خالد إن موضوع تغيير الزجاج ده لا يحتاج أكثر من ساعه (منهم نصف ساعة أنتظار بعد التركيب) ؟؟؟!!!

يعني بصراحه التوكيل ده بيبالغ في كل حاجه بيعملها سواء في المده أو السعر

أنا لسه مغير البربريز الخلفي عشان أنكسر في حادث ودفعت 330 جنيه وده عشان الزجاج فيه سخان كهرباء والتركيب أخذ وقت حوالي نصف ساعه وأنتظار بعد التركيب نصف ساعه عشان المادة اللاصقه تنشف كفايه

بجد الله يكون في عون المتعاملين مع أبو الفتوح

[prince semsem]

انا لما وديت العربية كنت متأخر لأني وديتها والساعة كانت حوالي 2.30 ظهراً وطبعا كان فيه عربيات تانية داخلة قبلي الى جانب ان الزجاج محتاج حسب كلامهم 3 ساعات علشان يضمنو ان المادة اللاصقة نشفت وهما بيخلصوا الساعة 5.00 عصرا يعني العربية مكانش ممكن يتبدوا فيها شغل لأني كنت بتكلم معاهم في موضوع الضمان والصيانة وده اخد شوية وقت وعلى فكرة انا رايح لهم وليا معارف مهمين جدا في ابوالفتوح يعني لو كان ممكن يخلصوها في المدة دي كانو عملوها الى جانب اني كنت يوم الخميس مشغول وهي خلصت يوم الخميس لكن انا ماروحتش استلمها والجمعة اجازة يعني مافيش تأخير ولا حاجة

[prince semsem]

انا لما وديت العربية كنت متأخر لأني وديتها والساعة كانت حوالي 2.30 ظهراً وطبعا كان فيه عربيات تانية داخلة قبلي الى جانب ان الزجاج محتاج حسب كلامهم 3 ساعات علشان يضمنو ان المادة اللاصقة نشفت وهما بيخلصوا الساعة 5.00 عصرا يعني العربية مكانش ممكن يتبدوا فيها شغل لأني كنت بتكلم معاهم في موضوع الضمان والصيانة وده اخد شوية وقت وعلى فكرة انا رايح لهم وليا معارف مهمين جدا في ابوالفتوح يعني لو كان ممكن يخلصوها في المدة دي كانو عملوها الى جانب اني كنت يوم الخميس مشغول وهي خلصت يوم الخميس لكن انا ماروحتش استلمها والجمعة اجازة يعني مافيش تأخير ولا حاجة

وأخيرا انا اسمي حسام مين خالد ده.....؟!

[PAYOO]

وأخيرا انا اسمي حسام مين خالد ده.....؟!

بس خلاص بعد الرد الجميل ده يبقى عرفتك يا باشا أنا حسام ...... أبو الفتوح صح ؟


بهزر معاك طبعا

[mohamed yousry]

الاسبرانزا دى عربية فقرية ووشها نحس...... يعنى ما هو معظم بل كل العربيات المتجمعة محلى زجاج د.جريتش.... اشمعنى بيسرطن فى الاسبرانزا...انا حاسس ان العربية نفسها قصدها تغلس على اصحابها!!!!! :mrgreen:

[TAREKSHEIR]

على فكره بالنسبه للزجاج الخلفى عند مانتراك .. أنا رحت غيرت الزجاج تبع الضمان لأنه كان فيه 6 سلك حراريه مش شغاله .. وبعد التغيير لقيت برضه 4 سلوك بايظه .. وإنكسر بعد كده وغيرته بره ولقيت سلكين مش شغالين .. فيبدو أن دكتور جريش ده تمرجى مش دكتور ولاحاجه . :lol:

[عبدالرحمن]

تصحيح ان جاز لى التعبير

لم يعد الزجاج د/ جريش فى الدغعات الجديدة منذ حوالى 3 شهور

واصبح من شركة الامل تقريبا (( مصرى برضو ))

ياريت نتأكدة من المعلومة دى على زجاجنا الخلفى كلنا ونرد !!!